परभणीतील एक लाख ३३ हजार शेतकऱ्यांना कर्जमाफीचा लाभ

कर्जमाफी योजना
कर्जमाफी योजना
परभणी  ः छत्रपती शिवाजी महाराज शेतकरी सन्मान योजनेअंतर्गंत जिल्ह्यातील १ लाख ३३ हजार २८० शेतकऱ्यांच्या खात्यावर कर्जमाफी, तसेच प्रोत्साहन अनुदानाचे मिळून ७२१ कोटी ११ लाख रुपये जमा करण्यात आल्याची माहिती जिल्हा अग्रणी बॅंकेच्या सूत्रांनी दिली.
 
छत्रपती शिवाजी महाराज शेतकरी सन्मान योजनेअंतर्गंत कर्जमाफीसाठी जिल्ह्यातील एकूण १ लाख ८० हजार ९४० शेतकऱ्यांनी ऑनलाइन अर्ज दाखल केले आहेत. जिल्ह्यातील विविध बॅंकांच्या मिळून एकूण १ लाख १२ हजार ७६६ शेतकऱ्यांचा कर्जमाफीअंतर्गत, तसेच प्रोत्साहनपर अनुदानासाठी २१ हजार ८७८ शेतकऱ्यांचा ग्रीन लिस्टमध्ये समावेश आहे. दोन्ही मिळून एकूण १ लाख ३४ हजार ६४४ शेतकऱ्यांसाठी एकूण ७२७ कोटी ९४ लाख रुपये निधी प्राप्त झाला.
 
यापैकी शुक्रवारपर्यंत (ता.९) १ लाख ३३ हजार २८८ शेतकऱ्यांच्या खात्यावर ७२१ कोटी ११ लाख रुपये जमा करण्यात आले आहेत. यामध्ये २१ हजार ८७८ शेतकऱ्यांच्या खात्यावर प्रोत्साहनपर अनुदानअंतर्गत ४८ कोटी ३८ लाख रुपये आणि कर्जमाफीअंतर्गत १ लाख ११ हजार ४१० शेतकऱ्यांच्या खात्यावर ६७३ कोटी जमा जमा करण्यात आले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com