agriculture news in marathi, loan waivers scheme distribution, nagar, maharashtra | Agrowon

नगर जिल्ह्यात सर्वाधिक शेतकऱ्यांना कर्जमाफी ः शिंदे
सकाळ वृत्तसेवा
गुरुवार, 19 ऑक्टोबर 2017

नगर  : राज्यात कर्जमाफी मिळणारे सर्वाधिक शेतकरी नगर जिल्ह्यातील आहेत. हा आकडा तीन लाख ७६ हजार ८०४ आहे. त्यातील एकही लाभार्थी छत्रपती शिवाजी महाराज शेतकरी सन्मान योजनेपासून वंचित राहणार नाही, अशी ग्वाही पालकमंत्री राम शिंदे यांनी दिली.

नगर  : राज्यात कर्जमाफी मिळणारे सर्वाधिक शेतकरी नगर जिल्ह्यातील आहेत. हा आकडा तीन लाख ७६ हजार ८०४ आहे. त्यातील एकही लाभार्थी छत्रपती शिवाजी महाराज शेतकरी सन्मान योजनेपासून वंचित राहणार नाही, अशी ग्वाही पालकमंत्री राम शिंदे यांनी दिली.

जिल्हाधिकारी कार्यालयात बुधवारी (ता.१८) जिल्ह्यातील २५ शेतकऱ्यांना कर्जमुक्तीची प्रमाणपत्रे देण्यात आली. शेतकऱ्यांच्या कुटुंबीयांचाही या वेळी सत्कार करण्यात आला. या कार्यक्रमात शिंदे बोलत होते. खासदार दिलीप गांधी, आमदार बाळासाहेब मुरकुटे, महापौर सुरेखा कदम, जिल्हाधिकारी अभय महाजन, अपर जिल्हाधिकारी भानुदास पालवे, उपविभागीय अधिकारी उज्ज्वला गाडेकर, जिल्हा उपनिबंधक अनिल दाबशेडे आदी उपस्थित होते. हा कार्यक्रम व्हिडिओ कॉन्फरन्सद्वारे मुख्यमंत्र्यांना दाखविण्यात येणार होता; मात्र तांत्रिक कारणाने तो दाखविता आला नाही.

शिंदे म्हणाले, की या प्रमाणपत्रासोबत मुख्यमंत्र्यांनी शेतकऱ्यांना लिहिलेले पत्रही देण्यात आले आहे. नियमित कर्जफेड करणाऱ्यांनाही योजनेचा लाभ होणार आहे. एकही शेतकरी या योजनेपासून वंचित राहणार नाही. ३६ वर्षांत पहिल्यांदा मोठा पाऊस झाला आहे. यातील थेंबन्‌ थेंब अडविणे हीच शेतकऱ्यांची बॅंक आहे.
गांधी म्हणाले, की यापूर्वी झालेल्या कर्जमाफीचा फायदा कारखानदार व बॅंकांना झाला. शेतकऱ्यांना त्याचा लाभ झालाच नव्हता. या वेळी पहिल्यांदाच कर्जमाफीचा फायदा शेतकऱ्यांना झाला आहे.

पालकमंत्री शिंदे म्हणाले, की शेतकऱ्यांना अर्ज भरताना अडचणींना सामोरे जावे लागले. त्यांना अनेक संकटे आली असा आरोप केला जातो; पण अडचण आलेला एकही शेतकरी मला भेटला नाही. विरोधकांकडून कर्जमाफीबाबत गैरसमज पसरविले जात होते. मात्र, आम्ही आज कर्जमाफी देऊन कृतीतून उत्तर दिले आहे. त्यामुळे विरोधकांना आता बोलण्याचा अधिकार राहिलेला नाही.

कार्यक्रमात दत्तात्रेय शेळके आणि धोंडिराम पालवे या शेतकऱ्यांनी मनोगत व्यक्‍त केले. पालवे म्हणाले, ``२००९ पासून पाऊस व इतर साधनांअभावी पैसे उपलब्ध न झाल्याने कर्जाचे हप्ते भरू शकलो नाही. सरकारने आता कर्जमाफी केली आहे. त्यामुळे यापुढे कधीच कर्जाची थकबाकी ठेवणार नाही.’’

इतर बातम्या
शेतीमाल विक्रीसाठी १२ शेतकऱ्यांची नोंदणीसांगली ः सांगली जिल्ह्यातील शेतकऱ्यांना उडीद, मूग...
नांदेड, परभणी, हिंगोलीत मूग, उडदाला कमी...नांदेड ः नांदेड, परभणी, हिंगोलीतील कृषी उत्पन्न...
गिरणारे बाजारातील बेहिशेबी वसुलीला चापनाशिक : गिरणारे (ता. जि. नाशिक) येथील टोमॅटो...
सोलापुरात दूधदराच्या अनुदानाची...सोलापूर : सोलापूर जिल्ह्यातील दूध उत्पादकांना...
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
आटपाडी, खानापुरातही मंत्र्यांचा धावता...सांगली : ते आले... त्यांनी पाहिलं... आणि पुढं...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
कामगारांच्या प्रश्नी चाळीस साखर...सोलापूर  : सोलापूरसह उस्मानाबाद व लातूर...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
तासगाव बाजार समितीत बेदाण्याची आवक,...सांगली  ः दिवाळी सणाच्या पार्श्‍वभूमीवर...
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...
विसावी सिंचन परिषद अकोला येथे होणारसोयगाव, जि. औरंगाबाद   : येथे रविवारी (ता....
वऱ्हाडात मूग, उडदाला मिळतोय...अकोला  ः या हंगामात लागवड झालेल्या मूग,...
नगर जिल्ह्यात उडदाचे उत्पादन घटलेनगर  ः जिल्ह्यात यंदा सुरवातीपासून पाऊस...
‘स्वाभिमानी’च्या कार्यकर्त्यांनी दाखवले...नगर  : शेतकऱ्यांना दुधाला पाच रुपये अनुदान...
पीक कापणी प्रयोग अहवालानंतर...बुलडाणा   ः कमी पाऊस तसेच पावसातील खंडामुळे...