Agriculture news in Marathi, loanwaiver deadline extended to 15 september | Agrowon

ऑनलाइन अर्जासाठी १५ सप्टेंबरपर्यंत मुदतवाढ
मारुती कंदले
बुधवार, 23 ऑगस्ट 2017

मुंबई : शेतकरी कर्जमाफीसाठी सर्व लाभार्थी शेतकऱ्यांचे ऑनलाइन अर्ज भरून होईपर्यंत केंद्रे सुरू ठेवण्यात येणार असल्याच्या घोषणेवरून राज्य सरकारने पुन्हा एकदा यू टर्न घेत ऑनलाइन अर्ज भरण्यासाठी १५ सप्टेंबर ही अखेरची मुदत राहील, असा निर्णय केला आहे.

शेतकरी कर्जमाफीच्या निर्णयाच्या अनुषंगाने राज्य सरकारने नेमलेल्या मंत्रिमंडळ उपसमितीने मंगळवारी (ता. २२) ही घोषणा केली. शेतकऱ्यांनी लवकरात लवकर कर्जमाफीचे ऑनलाइन अर्ज भरावेत, असे आवाहन करण्यात आले आहे. 

मुंबई : शेतकरी कर्जमाफीसाठी सर्व लाभार्थी शेतकऱ्यांचे ऑनलाइन अर्ज भरून होईपर्यंत केंद्रे सुरू ठेवण्यात येणार असल्याच्या घोषणेवरून राज्य सरकारने पुन्हा एकदा यू टर्न घेत ऑनलाइन अर्ज भरण्यासाठी १५ सप्टेंबर ही अखेरची मुदत राहील, असा निर्णय केला आहे.

शेतकरी कर्जमाफीच्या निर्णयाच्या अनुषंगाने राज्य सरकारने नेमलेल्या मंत्रिमंडळ उपसमितीने मंगळवारी (ता. २२) ही घोषणा केली. शेतकऱ्यांनी लवकरात लवकर कर्जमाफीचे ऑनलाइन अर्ज भरावेत, असे आवाहन करण्यात आले आहे. 

शेतकरी कर्जमाफीच्या अनुषंगाने राज्य सरकारने नेमलेल्या मंत्रीमंडळाच्या उपसमितीची नुकतीच बैठक झाली. सहकारमंत्री सुभाष देशमुख यांच्या अध्यक्षतेखाली मंत्रालयात ही बैठक झाली. या बैठकीला महसूलमंत्री चंद्रकांत पाटील, कृषिमंत्री पांडुरंग फुंडकर, परिवहन मंत्री दिवाकर रावते, जलसंपदा मंत्री गिरीश महाजन, सहकार खात्याचे अप्पर मुख्य सचिव एस. एस. संधू, कृषीचे प्रधान सचिव विजयकुमार आदी उपस्थित होते. या वेळी या समितीने ऑनलाइन अर्ज भरण्यासाठी शेतकऱ्यांना १५ सप्टेंबरपर्यंत मुदत देण्याचा निर्णय घेत आधीच्या भूमिकेवरून घूमजाव केले आहे.  तसेच शेतकऱ्यांनी लवकरात लवकर कर्जमाफीचे ऑनलाइन अर्ज भरावेत, असे आवाहन करण्यात आले आहे.

ऑनलाईन अर्ज भरून घेण्यासाठी २६ हजार केंद्रांवर सुविधा उपलब्ध आहे. आपले सरकार सेवा केंद्र, नागरिक सुविधा केंद्र, संग्राम आणि काही ठिकाणी जिल्हा मध्यवर्ती सहकारी बँका व विविध कार्यकारी सेवा सहकारी संस्थांचा समावेश आहे. 
कर्जमाफीचे हे ऑनलाइन अर्ज करण्यासाठी राज्य सरकारने यापूर्वी ३१ ऑगस्टपर्यंतची मुदत दिली होती. मात्र, अर्ज करण्यासाठी शेतकऱ्यांना फारच कमी कालावधी राहिला असल्यामुळे या मुदतीत उर्वरित शेतकऱ्यांचे ऑनलाइन अर्ज भरणे अशक्य होते. या संदर्भात अॅग्रोवनमध्ये सविस्तरपणे प्रसिद्ध झालेल्या वृत्ताची दखल घेत राज्य सरकारने सर्व लाभार्थी शेतकऱ्यांचे ऑनलाइन अर्ज भरून होईपर्यंत ग्रामीण भागातील केंद्रे सुरू ठेवणार असल्याची घोषणा केली होती. 

राज्यात काही ठिकाणी ई-सेवा केंद्रांमध्ये विविध अडचणींना सामोरे जावे लागत आहे. त्यामुळे अनेक केंद्रे बंद अवस्थेत आहेत. विशेषतः इंटरनेटचा वेग आणि इतर बाबी अडचणीच्या ठरत आहेत. त्यावर मात करण्यासाठी राज्याच्या माहिती आणि तंत्रज्ञान विभागाला समितीने निर्देश दिले आहेत. दोष दुरुस्त करून लवकरात लवकर राज्यातील सर्व ई-सेवा केंद्रे सुरू होतील अशा सूचना करण्यात आल्या आहेत. 

राज्य सरकारच्या दाव्यानुसार राज्यात ९० लाख शेतकऱ्यांना कर्जमाफीचा लाभ मिळणार आहे. २१ ऑगस्टअखेर २१ लाख ५७ हजार ३४४ शेतकऱ्यांची नोंदणी झाली असून १७ लाख ९५ हजार १०४ शेतकऱ्यांचे ऑनलाइन अर्ज भरुन झाले आहेत. राज्यात सध्या एकेका दिवसात एक ते सव्वा लाख शेतकऱ्यांचे ऑनलाइन अर्ज भरून होत आहेत. उर्वरित सुमारे ७१ लाख शेतकऱ्यांना येत्या १५ सप्टेंबरपूर्वी अर्ज भरावे लागणार आहेत.

इतर ताज्या घडामोडी
सर्वांच्या प्रयत्नांनीच गोवर्धन उचलला...अतिरिक्त दूध झाल्यास प्रक्रिया वाढविणे, त्यासाठी...
सरकारने दूध उत्पादक शेतकऱ्यांना थेट...महाराष्ट्र सध्या दुधाच्या प्रश्नावरून निर्माण...
प्रशासकीय अधिकाऱ्यांना दुग्ध व्यवसाय...‘शेतीपूरक व्यवसाय करा त्यातून आर्थिक स्थैर्य...
अतिरिक्त दूध कमी झाले की दर वाढेल :...राज्यात दूध दराचा गंभीर प्रश्‍न तयार झाला आहे....
पहिला अधिकृत जागतिक मधमाशी दिन आज होणार...संयुक्त राष्ट्रसंघाच्या २० डिसेंबर २०१७ रोजी...
राहुरी येथे मधमाशीविषयक प्रशिक्षणाचे...राहुरी ः मधुमक्षिका पालनाचे शेती उत्पादनात विशेष...
देशव्यापी शेतकरी संपादरम्यान...नाशिक : राष्ट्रीय किसान महासंघाच्या वतीने...
हरितगृहात गुलाब फुलांचे उत्पादन घेताना...जागतिक बाजारात गुलाब फुलांना वर्षभर मागणी असते....
तापमानात घट, ढगाळ हवामानासह पावसाची शक्...महाराष्ट्राचा पूर्वभाग, मध्य प्रदेश, गुजरात,...
लाल गराच्या संत्रा निर्यात वाढीसाठी... ऑस्ट्रेलियामध्ये आतील गर व रस रक्तासारख्या...
पीक सल्ला : बागायती कापूस, उन्हाळी...बागायती कापूस शेंदरी बोंड अळीचा प्रादुर्भाव...
पुणे जिल्ह्यातील साखर कारखान्यांचा गाळप...पुणे  ः पुणे जिल्ह्यातील साखर कारखान्यांचा...
परभणीत लिंबू प्रतिक्विंटल १५०० ते ३०००... परभणी : येथील जुना मोंढा भागातील फळे-भाजीपाला...
शेततळ्यांसाठी १०० टक्के अनुदानाची... बुलडाणा  : शेततळे हा शाश्वत सिंचनाचा...
नगर जिल्ह्यात पाण्याच्या टॅंकरला ‘... नगर  ः जिल्ह्यात यंदा उशिराने टॅंकरद्वारे...
यवतमाळ जिल्हा बॅंक पीककर्ज देणार फक्‍त...यवतमाळ ः आत्महत्याग्रस्त जिल्ह्यातील...
नगर जिल्ह्यात ९४ हजार ८४९ क्विंटल हरभरा... नगर  ः जिल्ह्यात नाफेडने सुरू केलेल्या १३...
शास्त्रज्ञांनी शेतकऱ्यांपर्यंत...  परभणी : हवामान बदलामुळे जगातील सर्वच...
राशी आणि कावेरीला कृषी विभागाची क्‍लीन...नागपूर : गेल्या हंगामात राज्यात विक्रीस बंदी...
पुणे विभागात ‘जलयुक्त’च्या कामांसाठी... पुणे : जलयुक्त शिवार अभियानाच्या २०१८-१९ मधील...