Agriculture news in Marathi, loanwaiver form, farmer | Agrowon

आजारी दांपत्याची कर्जमाफीच्या अर्जासाठी वणवण
चंद्रकांत जाधव
शुक्रवार, 25 ऑगस्ट 2017

गावातील सोसायटी...सोसायटीतून जिल्हा उपनिबंधक कार्यालय...अशा चकरा ते मारीत आहेत...अधिकारी भेटतात, पण समाधानकारक उत्तर मिळत नाही. मात्र, एवढी वणवण करूनही कर्जमाफीचा ऑनलाइन अर्ज दाखल होत नाही, हे कापऱ्या आवाजात सांगताना त्यांच्या डोळ्यांत अश्रू तरळले. 

जळगाव ः वय वर्षे ७२...दुर्धर आजाराने ग्रस्त...पत्नीदेखील हृदयविकाराच्या रुग्ण...अशा स्थितीत नांद्रा बुद्रुक (ता.जळगाव) येथील यशवंत त्र्यंबक पाटील यांना कर्जमाफीचा ऑनलाइन अर्ज भरण्यासाठी वणवण करावी लागत आहे.

गावातील सोसायटी...सोसायटीतून जिल्हा उपनिबंधक कार्यालय...अशा चकरा ते मारीत आहेत...अधिकारी भेटतात, पण समाधानकारक उत्तर मिळत नाही. मात्र, एवढी वणवण करूनही कर्जमाफीचा ऑनलाइन अर्ज दाखल होत नाही, हे कापऱ्या आवाजात सांगताना त्यांच्या डोळ्यांत अश्रू तरळले. 

यशवंत पाटील हे पत्नी मनकर्णिका पाटील यांच्यासोबत बुधवारी (ता. २३) सायंकाळी जळगाव शहरातील जिल्हा उपनिबंधक कार्यालयात आले होते. त्यांचा ऑनलाइन अर्ज दाखल करताना आधार क्रमांक नमूद होत नसल्याने अर्ज दाखल झालेला नाही. यासंबंधी या कार्यालयात समस्या मांडून परत जात असताना ‘ॲग्रोवन’कडे त्यांनी आपली व्यथा मांडली.यशवंत पाटील यांच्याकडे नांद्रा बुद्रुक (ता. जळगाव) येथे चार एकर शेती आहे.

वृद्धापकाळामुळे ते आता घरी असतात. त्यांचा एकुलता एक मुलगा मुंबई येथे रिक्षा चालवतो. त्यांनी या वयातही शेती करण्याचा ध्यास सोडलेला नाही. मात्र, बेभरवशाचा पाऊस शेतीला साथ देत नाही. एखाद वर्ष चांगल गेलं की दुसरं मुळावर उठतं. त्यांनी २०११ मध्ये गावातील विविध कार्यकाही सहकारी सोसायटीमधून ६५ हजार रुपये कर्ज घेतले होते. मात्र, सततच्या आजारपणामुळे त्यांना ते भरता आले नाही. आता कर्जमाफी योजनेत लाभ मिळेल यासाठी ते बारडोली येथून नांद्रा बुद्रुक येथे या आठवड्यात पत्नीसह दाखल झाले. 

आधार क्रमांक गुजराथी
ते कर्जमाफीचा अर्ज भरण्यासंबंधी गावातील डिजिटल केंद्रात गेले. त्यांचे आधार कार्ड हे गुजरातमधील बारडोलीचे आहे. त्यामुळे क्रमांक ऑनलाइन अर्जात नमूद होत नाही, असे संबंधित संगणक परिचालकाने सांगितले. पुढे काय करायचे असे गावातील सोसायटीत विचारले असता, त्यांनी डीडीआर (जिल्हा उपनिबंधक) कार्यालयात जा.. सांगितले आणि पाटील हे पत्नीसह या कार्यालयात आले. 

कार्यालय रिकामे रिकामे
पाटील यांची समस्या जाणून घेतल्यानंतर बुधवारी सायंकाळी ‘ॲग्रोवन’च्या प्रतिनिधीने जिल्हा उपनिबंधक कार्यालयात अधिकाऱ्यांना भेटण्याचा प्रयत्न केला असता, कार्यालयात जिल्हा उपनिबंधक नव्हते. सहायक जिल्हा उपनिबंधकांची दालनेही रिकामी होती. काही कर्मचारी होते, पण त्यांच्याकडून यासंदर्भात प्रतिसाद मिळाला नाही.

ट्राय करीत राहा...
जिल्हा उपनिबंधक कार्यालयात अर्ज दाखल होत नसल्याबाबतची अडचण सांगितली. या कार्यालयातून मात्र त्यावर ‘‘काही करता येणार नाही. तुम्ही आधार कार्डचा क्रमांक टाकत राहा. अर्ज भरण्यासाठी ट्राय करीत राहा, आपोआप होईल,’’ असे सांगण्यात आल्याची माहिती पाटील यांनी दिली. नांद्रा बुद्रुक येथे घर नाही. भावाच्या घरात राहतो. आमची पडीक जागा (प्लॉट) आहे. हा (कर्जमाफीचा) अर्ज भरला जात नाही. आणखी किती दिवस चकरा मारायच्या. समस्या सुटलीच नाही तर बारडोली येथे जावे लागेल, असे यशवंत पाटील म्हणाले. 

राज्याबाहेरील आधार कार्ड क्रमांकाबाबत अडचण येते, पण कर्जमाफीचा अर्ज ऑनलाइन दाखल होईल. वृद्ध शेतकऱ्याची अडचण सोडवू. शेतकरी अर्ज दाखल करण्यापासून वंचित राहणार नाहीत, याची दक्षता घेतली जात आहे. 
- अशोक बागल, प्रभारी सहायक जिल्हा उपनिबंधक.

टॅग्स

इतर अॅग्रो विशेष
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
चीनमधील शेतीची विस्मयकारक प्रगतीविसाव्या शतकाच्या मध्यावर भारताला स्वातंत्र्य...
सेस, सेवाशुल्क आणि संभ्रमप्रक्रियायुक्त शेतमाल, फळे-भाजीपाला आणि शेवटी...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...
`महानंद'मधील गैरव्यवहाराची चौकशी सुरूमुंबई : महाराष्ट्र राज्य सहकारी दूध संघ अर्थात...
सांगली, कोल्हापूर जिल्ह्यांतील काही...कोल्हापूर : उर्वरित एफआरपीबाबत साखरेची मागणी...
उसाला प्रतिटन २०० ते २२५ अनुदान मिळणार...नवी दिल्ली : साखर कारखान्यांन्या साखरेच्या...
संत्रा, मोसंबी नुकसानीचा अहवाल द्या ः...नागपूर ः संत्रा, मोसंबी पिकांचा बहुवार्षिक पिकात...
शाश्वत विजेचा पर्याय : मुख्यमंत्री सौर...सौर कृषिपंपामध्ये मुख्यतः सोलर पॅनल, वॉटर पंप संच...
स्मार्ट शेती भाजीपाल्याची वर्षभरातील तीन हंगामांत मिरची, त्यातून...
मातीला गंध पुदीन्याचा....सांगली जिल्ह्यात मिरज शहराजवळील मुल्ला मळ्यात...
साखरेच्या विक्री दरात क्विंटलला २००...नवी दिल्ली : साखर विक्रीचा दर २९०० वरून ३१००...
काश्मिरात दहशतवादी हल्ल्यात 'सीआरपीएफ'...श्रीनगर- जम्मू-काश्‍मीरच्या पुलवामा जिल्ह्यात "...
एक रुपयाची लाच घेतल्यास भ्रष्ट...पुणे : कृषी आयुक्तालयाच्या गुण नियंत्रण विभागात...
सांगलीत दुष्काळाच्या तीव्रतेत वाढसांगली : जिल्ह्यात दिवसेंदिवस दुष्काळाची...
खिलते है गुल यहाॅं... येळसेच्या गुलाब...पुणे जिल्ह्यातील वडगाव मावळ तालुका हा भाताचे आगार...
शेती-पाणी धोरणात हवा अामूलाग्र बदलयंदा महाराष्ट्रात नोव्हेंबर महिन्यातच अभूतपूर्व ‘...
फूल गुलाब का...व्हॅ लेंटाइन डे हा फूल उत्पादक तसेच...
`पॉलिहाउस, शेडनेटधारकांना कर्जमुक्ती...नगर : सरकारची धरसोडीची धोरणे, दुष्काळ,...