agriculture news in marathi, loanwiaver irregulatories in Nashik District | Agrowon

नाशिकला कर्जमाफी यादीतील घोळ वाढला
टीम अॅग्रोवन
शनिवार, 4 नोव्हेंबर 2017

नाशिक  : दिवाळीचा मुहूर्त साधत राज्यभरातील शेतकऱ्यांना घाईगडबडीत कर्जमाफीची भेट देण्याचा घाट राज्य सरकारच्याच आता अंगलट आला आहे. घाईगडबडीत कर्जमाफीतील शेतकऱ्यांच्या यादीचा तिढा सुटण्याऐवजी अधिकच वाढला असून, नाशिकमध्ये एका दापंत्याला घाईगडबडीत दीड लाखापेक्षा जास्तीची कर्जमाफी देण्याचा प्रताप सरकारी यंत्रणानी केला आहे.

नाशिक  : दिवाळीचा मुहूर्त साधत राज्यभरातील शेतकऱ्यांना घाईगडबडीत कर्जमाफीची भेट देण्याचा घाट राज्य सरकारच्याच आता अंगलट आला आहे. घाईगडबडीत कर्जमाफीतील शेतकऱ्यांच्या यादीचा तिढा सुटण्याऐवजी अधिकच वाढला असून, नाशिकमध्ये एका दापंत्याला घाईगडबडीत दीड लाखापेक्षा जास्तीची कर्जमाफी देण्याचा प्रताप सरकारी यंत्रणानी केला आहे.

जिल्हा बँकेला पाठविलेल्या यादीत एका शेतकरी दांपत्याला दीड लाखाऐवजी चक्क एक लाख ८९ हजार रुपयांची कर्जमाफी देण्यात आली. त्यामुळे राज्य सरकारने नाशिक जिल्हा बँकेला पाठविलेल्या कर्जमाफीच्या यादीत मोठा घोळ असल्याने बँकेने ८७९ शेतकऱ्यांची यादी पुन्हा दुरुस्तीसाठी सरकारकडे पाठवली आहे.

राज्यातील शेतकऱ्यांना कर्जमाफी देण्याचा घोळ दोन महिन्यांपासून सुरू आहे. त्यातच दिवाळीचा मुहूर्त साधत राज्य सरकारने शेतकऱ्यांना कर्जमाफी देण्याचा निर्णय घेतला. नाशिकमध्ये संरक्षण राज्यमंत्री सुभाष भामरे यांच्या उपस्थितीत जिल्ह्यातील ३० शेतकऱ्यांना प्रतिनिधिक स्वरूपात कर्जमाफी देऊन सरकारी सोपस्कार पार पडले गेले. उर्वरित शेतकऱ्यांना पाच सहा दिवसांत कर्जमाफी मिळेल, असा दावा या वेळी मंत्रिमहोदयांनी केला होता. मात्र आता दहा बारा दिवस उलटून गेलेत तरीही शेतकऱ्यांच्या हाती अद्याप काहीच पोचले नाही.

घाईगडबडीत सरकारने जिल्ह्यातील शेतकऱ्यांना कर्जमाफीसाठी जिल्हा बँकेला ८७९ पात्र लाभार्थ्यांची यादी पाठविण्यात आली. मात्र त्या यादीत भरमसाट चुका असल्याचे जिल्हा बँकेच्या निदर्शनास आले. एकाच कुटुंबातील पती-पत्नी दोघांना कर्जमाफी देऊन त्या कर्जाची रक्कम १ लाख ८९ हजार रुपयांपर्यंत जात असल्याने सरकारी नियमांची पायमल्ली होतेय. तरतूद दीड लाखाची असताना दीड लाखापेक्षा जादा कर्जमाफी दिल्याचे निदर्शनास येत असल्याने जिल्हा बँकेन ८७९ शेतकऱ्यांची यादी पुन्हा दुरुस्तीसाठी शासनाकडे पाठवली आहे.

अवघे ८७९ शेतकरी
नाशिक जिल्ह्यातून १ लाख ७४ हजार ५२५ शेतकऱ्यांनी कर्जमाफीसाठी अर्ज सादर केलेत. त्यापैकी जिल्हा बँकेला ८७९ शेतकऱ्यांची पहिली यादी आणि ३ कोटी ७० लाख रुपयांचा निधी प्राप्त झाला. मात्र यादीतील घोळ कायम असल्याने शेतकरी आजही कर्जमाफीपासून वंचित आहेत. त्यामुळे सरकारचा तोंडदेखलेपणा उघडकीस झाल्याचा आरोप होतोय. विरोधकांचा आवाज दाबण्यासाठी आणि सरकारची प्रतिमा उंचाविण्यासाठी सरकरने दिवाळीचा मुहूर्त निवडला खरा मात्र शेतकरी आजही कर्जमाफीपासून वंचित असल्याने बळिराजाची दिवाळी अंधारातच आहे.

२१ कोटींच्या नोटा रद्दीत
दरम्यान, एकीकडे कर्जमाफीसाठी शेतकरी जिल्हा बँकेत फेऱ्या मारत असतानाच नोटाबंदीदरम्यान जिल्हा बँकेने जमा केलेले २१ कोटी रद्दीत गेले आहेत. रिझर्व्ह बँकेने ३४१ पैकी ३२० कोटींच्याच नोटा स्वीकारल्या असून उर्वरित २१ कोटींचा ताळमेळ लागत नसल्याने त्या नोटा घेण्यास नकार दिला आहे. जिल्हा बँकेने या नोटांसाठी केलेले सगळे प्रयत्न फोल ठरले आहेत. त्यामुळे या नोटा आता रद्दीत टाकण्याशिवाय दुसरा पर्याय बँकेसमोर उरलेला नाही, असे सूत्रांकडून सांगण्यात आले.

इतर ताज्या घडामोडी
नगर जिल्ह्याचे विभाजन होणारच ः...नगर  ः नगर जिल्ह्याचे विभाजन व्हावे, ही...
पंधरा दिवसांपूर्वीच संपला नगरमधील पाच...नगर ः नगर जिल्ह्यामध्ये चाराटंचाई अंधिक तीव्र होत...
वीज दरवाढ रद्दबाबतचे परिपत्रक...शिरोली पुलाची, जि. कोल्हापूर : वीज दरवाढ...
दुष्काळग्रस्तांच्या मागण्यांसाठी परभणीत...परभणी : जिल्ह्यातील दुष्काळग्रस्त शेतकरी,...
हरकती असलेल्या जमिनी अधिग्रहित करणार...मुंबई   : हरकती असलेल्या जमिनी...
मराठवाडा, खानदेशात ४९ लाख टन ऊसगाळपऔरंगाबाद : यंदाच्या हंगामात मराठवाडा व खानदेशातील...
कांदा अनुदानाची मुदत ३१ डिसेंबरपर्यंत...सोलापूर   ः कांद्याचे दर घसरल्याने...
नगर बाजारात तूर प्रतिक्विंटल ४४०० ते...नगर ः नगर कृषी उत्पन्न बाजार समितीत तुरीची आवक...
सोयाबीन दरात काही अंशी तेजीचा अंदाजनागपूर ः सोयाबीन दरात आलेली तेजी शेतकऱ्यांना...
जळगावात चवळी, कारल्याचे दर टिकूनजळगाव ः कृषी उत्पन्न बाजार समितीमध्ये मागील...
हळद पॉलिश, प्रतवारी महत्त्वाचीलोखंडी ड्रममधून शिजवलेली हळद २० ते ३० मिनिटांसाठी...
सागरी तापमानाची जुनी माहिती मिळवणे...माहितीच्या नोंदीच्या अभावामुळे बहुतांश जागतिक...
मधमाश्यांचे सर्वेक्षण सातत्याने...गेल्या काही वर्षांमध्ये स्थानिक मधमाश्यांच्या...
बुलडाणा जिल्ह्यातील अनेक प्रकल्प कोरडेबुलडाणा : उष्णतेच्या झळा सुरू होण्यापूर्वीच...
खानदेशात तूर खरेदी केंद्रे सुरू कराजळगाव : खानदेशात तुरीची मळणी पूर्ण होत आली आहे....
ऊस गाळपात नंदुरबार जिल्हा आघाडीवरजळगाव : खानदेशात ऊस गाळपात नंदुरबार जिल्ह्यातील...
नाचणी बीजोत्पादक शेतकऱ्यांना पन्हाळ्यात...कोल्हापूर : पन्हाळा तालुक्यात आत्माच्या...
गोदावरी दूध संघ शेतकऱ्यांसाठी ठरला ‘...नगर : ‘‘गोदावरी खोरे नामदेवराव परजणे पाटील तालुका...
परभणी, हिंगोलीतील सिंचनासाठीच्या...परभणी : परभणी आणि हिंगोली जिल्ह्यात २०१७-१८...
खरीप नुकसानीच्या मदतीसाठी शेतकऱ्यांच्या...सोलापूर : गतवर्षीच्या २०१८ च्या खरीप हंगामात...