agriculture news in marathi, local administration did not give the details of the farmer's death | Agrowon

शेतकरी मृत्यूंची माहिती स्थानिक प्रशासनाने कळवली नाही
टीम अॅग्रोवन
बुधवार, 13 डिसेंबर 2017

नागपूर : कापूस आणि सोयाबीन पिकांवर विषारी कीटकनाशक फवारणी केल्यामुळे काही जिल्ह्यांतील शेतकऱ्यांचा विषबाधेने मृत्यू झाला होता. या संदर्भातील अहवाल गृह, कृषी, सार्वजनिक आरोग्य, ग्रामविकास आणि वन विभागाच्या स्थानिक अधिकाऱ्यांनी वरिष्ठांना सादर केला नाही, याची राज्य सरकारने कबुली दिली आहे. विधान परिषदेतील तारांकित प्रश्नाला कृषिमंत्री पाडुरंग फुंडकर यांनी दिलेल्या लेखी उत्तरातून ही माहिती पुढे आली आहे.

नागपूर : कापूस आणि सोयाबीन पिकांवर विषारी कीटकनाशक फवारणी केल्यामुळे काही जिल्ह्यांतील शेतकऱ्यांचा विषबाधेने मृत्यू झाला होता. या संदर्भातील अहवाल गृह, कृषी, सार्वजनिक आरोग्य, ग्रामविकास आणि वन विभागाच्या स्थानिक अधिकाऱ्यांनी वरिष्ठांना सादर केला नाही, याची राज्य सरकारने कबुली दिली आहे. विधान परिषदेतील तारांकित प्रश्नाला कृषिमंत्री पाडुरंग फुंडकर यांनी दिलेल्या लेखी उत्तरातून ही माहिती पुढे आली आहे.

या संदर्भात विरोधी पक्षनेते धनंजय मुंडे यांच्यासह इतर आमदारांनी विचारलेल्या प्रश्नाला उत्तर देताना कृषिमंत्री पांडुरंग फुंडकर यांनी ही माहिती देताना म्हटले आहे, की विशेषतः विदर्भातील यवतमाळ, बुलडाणा, अकोला, वर्धा, नागपूर, चंद्रपूर तसेच खानदेश आणि मराठवाड्यात जुलै ते ऑक्टोबर २०१७ या कालावधीत बीटी कापूस आणि सोयाबीन पिकांवर कीटकनाशक फवारणी करताना ५१ शेतकरी, शेतमजुरांचा मृत्यू झाला. यापैकी २१ शेतकरी यवतमाळमधील आहेत, तर ७८३ शेतकऱ्यांना यामुळे विषबाधा झाली. गृह, कृषी, सार्वजनिक आरोग्य, ग्रामविकास आणि वन विभागाच्या स्थानिक अधिकाऱ्यांनी या विषबाधेबाबतचा अहवाल वरिष्ठांना सादर केला नाही, ही बाब खरी आहे.

या प्रकरणाची चौकशी करण्यासाठी राज्य सरकारने विशेष तपास पथकाची नियुक्ती केली आहे. या समितीने या संदर्भातील अहवाल राज्य सरकारला नुकताच सादर केला आहे. कीटनाशके फवारणीमुळे विषबाधा होऊन मृत्यू झालेल्या १८ शेतकऱ्यांच्या कुटुंबीयांना गोपीनाथ मुंडे अपघात विमा योजनेअंतर्गत दोन लाख रुपयांच्या विमा संरक्षणाचा लाभ देण्यासाठी विमा कंपन्यांकडे प्रस्ताव पाठवण्यात आल्याचे कृषिमंत्री फुंडकर यांनी स्पष्ट केले आहे.

कीटकनाशक कायद्यातील तरतुदीनुसार दोषी बियाणे कंपन्या व विक्रेते यांच्यावर न्यायालयीन खटले, पोलिस गुन्हे दाखल करण्यात आले आहेत. तसेच परवाना निलंबन, परवाना रद्द, कीटकनाशकांची जप्ती आणि विक्री बंद आदेश यासारखी कारवाईसुद्धा करण्यात आली आहे. तसेच कीटकनाशकांनी बाधित झालेल्या शेतकरी, शेतमजुरांच्या वारसांना प्रत्येकी पाच लाख रुपयांची मदत देण्यात यावी, अशी मागणी संघटनांनी केल्याचे त्यांनी स्पष्ट केले आहे.

इतर अॅग्रो विशेष
कांदाप्रश्नी हवे दीर्घकालीन धोरणसध्या कांद्याचा प्रश्न अत्यंत गुंतागुंतीचा बनला...
‘बीटी’ला पर्याय सेंद्रिय कापूसजागतिक पातळीवर काही कंपन्या आणि फॅशन ब्रॅंडने...
देशातील कृषी क्षेत्राचे २०१९ मध्ये...पुणे : देशातील शेती, जमीन, पशुधन धारणा, शेतकरी...
स्थानिकीकरणातही मका टिकवून आहे काही मूळ...जंगली मका प्रजातीपासून स्थानिकीकरण होण्याच्या...
कर्नाटकसाठीची ऊसतोडणी मंदावलीकोल्हापूर: दक्षिण महाराष्ट्रात उसाची रक्कम...
उजनी धरणातील पाणी प्रदूषितच :...सोलापूर  : उजनी धरणामुळे सोलापूर, पुणे आणि...
बाजारात डाळिंबाचे दर दबावातसांगली ः देशात डाळिंबाच्या उत्पादनात अंदाजे २० ते...
अवैध एचटीबीटी बियाणे एसआयटीला मुदतवाढमुंबई: परवानगी नसलेले तणनाशकाला सहनशील जनूक...
विदर्भात पाऊस; मध्य महाराष्ट्राला...पुणे : बंगालच्या उपसागरात आलेल्या ‘पेथाई’...
समृद्धी महामार्ग : साडेतीनशे कोटींच्या...नाशिक : मुख्यमंत्री देवेंद्र फडणवीस यांचा ड्रीम...
साखर संघाची दोन हजार कोटींच्या पॅकेजची...पुणे: राज्यातील साखर कारखाने आर्थिक अडचणीतून...
कॅल्शिअम, लोहाचा उत्तम स्त्रोत ः नाचणीआहारच्या दृष्टीने नाचणी एक अत्यंत महत्त्वाचे...
पिकातील लोह, जस्त, बोरॉन कमतरतेवरील...लोह (Fe) कार्ये ः हरितद्रव्ये निर्मितीचे (...
‘रेसिड्यू फ्री’ शेतमालासाठी उभारली थेट...सध्या रासायनिक अवशेषमुक्त (‘रेसिड्यू फ्री’) किंवा...
पूर्व विदर्भासह नागपूरपर्यंत रिमझिम...नागपूर : आंध्रप्रदेशात चक्रीवादळ दाखल झाल्याचा...
दुष्काळीशी सामना करण्यासाठी...पंढरपूर, जि. सोलापूर :  राज्यात यंदा...
पेथाई चक्रीवादळ आंध्रच्या किनारपट्टीला... किनारपट्टीय भागात जनजीवन विस्कळीत जमीन खचून...
उसाला पूरक शर्कराकंदसाखरेचा वाढलेला उत्पादन खर्च, वाढलेले उत्पादन,...
राजकीय अन् आर्थिक उत्पाताची नांदीअखेर रिझर्व्ह बँकेचे गव्हर्नर ऊर्जित पटेल ...
कांदा उत्पादकांना दिलासा देण्यासाठी...छत्तीसगड, मध्य प्रदेश आणि राजस्थानमध्ये...