agriculture news in marathi, lok sabha election campaign,satara, maharashtra | Agrowon

दिग्गजांच्या सभांनी तापणार साताऱ्यातील राजकीय वातावरण
टीम अॅग्रोवन
शनिवार, 20 एप्रिल 2019

सातारा : सातारा लोकसभा मतदारसंघातील राजकीय रणधुमाळी आता शिगेला पोचली आहे. खुल्या प्रचारासाठी अवघे दोन दिवस बाकी राहिले असल्याने राजकीय मैदान मारण्यासाठी दिग्गजांकडून ‘पॉवर’ आजमावली जाणार आहे. त्यासाठी राष्ट्रवादीचे अध्यक्ष शरद पवार, शिवसेना पक्षप्रमुख उद्धव ठाकरे, मुख्यमंत्री देवेंद्र फडणवीस, वंचित बहुजन आघाडीचे ॲड. प्रकाश आंबेडकर जिल्ह्यात सभा घेणार असल्याने राजकीय वातावरण तापणार आहे. 

सातारा : सातारा लोकसभा मतदारसंघातील राजकीय रणधुमाळी आता शिगेला पोचली आहे. खुल्या प्रचारासाठी अवघे दोन दिवस बाकी राहिले असल्याने राजकीय मैदान मारण्यासाठी दिग्गजांकडून ‘पॉवर’ आजमावली जाणार आहे. त्यासाठी राष्ट्रवादीचे अध्यक्ष शरद पवार, शिवसेना पक्षप्रमुख उद्धव ठाकरे, मुख्यमंत्री देवेंद्र फडणवीस, वंचित बहुजन आघाडीचे ॲड. प्रकाश आंबेडकर जिल्ह्यात सभा घेणार असल्याने राजकीय वातावरण तापणार आहे. 

लोकसभेची निवडणूक एकतर्फी होणार, अशी प्रारंभी चिन्हे असलेल्या सातारा लोकसभा मतदार संघाची निवडणूक आता चुरशीची ठरली आहे. कॉंग्रेस, राष्ट्रवादी व मित्र पक्षांचे उमेदवार उदयनराजे भोसले आणि भाजप, शिवसेना युतीचे उमेदवार नरेंद्र पाटील यांच्यात चुरशीची लढत होत आहे. याशिवाय, इतर उमेदवारांनी प्रचारात रंगत आणली आहे. प्रथमत: देशपातळीवर चालणारा प्रचार आता मुद्द्यांवरून गुद्द्यांवर आला आहे.

त्यातच राज्य पातळीवरील दिग्गज नेत्यांनी जिल्हाभर प्रचाराचे रान उठविल्याने निवडणुकीचा प्रचार शिगेला पोचला आहे. कोणाला किती मते मिळणार, कोणत्या विधानसभा मतदारसंघात कोणाला आघाडी मिळणार, कोण जिंकणार, कोण पराजित होणार या चर्चा सुरू आहे. शिवाय, कोण जिंकणार, किती मताधिक्‍य मिळणार यावर पैजाही लागत आहेत. मंगळवारी (ता. २३) मतदान होत असून, आता खुल्या प्रचाराचे अंतिम दोन दिवस राहिले आहेत. त्याचा पुरेपूर वापर करण्यासाठी उमेदवारांनी आपल्या नेत्यांची प्रतिष्ठाही पणाला लावली आहे. 

मुख्यमंत्री फडणवीस येथील गांधी मैदानावर शनिवारी दुपारी तीनच्या सुमारास सभा घेणार आहेत. उद्धव ठाकरे कऱ्हाडच्या शिवाजी स्टेडियमवर रविवारी (ता. २१) दुपारी तीन वाजता, तर वंचित बहुजन आघाडीचे उमेदवार ॲड. सहदेव ऐवळे यांच्या प्रचारार्थ आघाडीचे नेते ॲड. प्रकाश आंबेडकर हे रविवारी कऱ्हाडमधील भाजी मंडईतील जनता व्यासपीठावर सभा घेणार आहेत. खासदार उदयनराजे भोसले यांच्या प्रचारासाठी राष्ट्रवादी काँग्रसेचे अध्यक्ष शरद पवार, माजी मुख्यमंत्री पृथ्वीराज चव्हाण यांच्या शनिवारी (ता. २०) सायंकाळी पाच वाजता साताऱ्यातील जिल्हा परिषद मैदानावर तोफा धडाडतील. 

इतर ताज्या घडामोडी
लोकसभेच्या निकालावर ठरेल विधानसभेची...नगर ः लोकसभा निवडणुकीत कोणत्या मतदारसंघातून...
उष्णतावाढीमुळे यावर्षीही साताऱ्यात आले...सातारा  ः मागील तीन ते चार वर्षांपासून मे...
नांदेड जिल्ह्यात १२१ टॅंकरने पाणीपुरवठानांदेड  ः नांदेड जिल्ह्यातील पाणीटंचाईचे...
जलसंधारण कामांसाठी पुणे जिल्ह्याला ११...शेटफळगढे, जि. पुणे  : जिल्ह्यातील जलयुक्त...
पाणीप्रश्नी किनगाव ग्रामपंचायतीवर...रोहिलागड, जि. जालना  : किनगाव येथील महिलांनी...
अठराशेवर गावांमध्ये घेतल्या जाणार २६५२...औरंगाबाद   : येत्या खरीप हंगामात...
खानदेशात बाजरी मळणीचा हंगाम आटोपलाजळगाव  ः खानदेशात बाजरीचा मळणी हंगाम आटोपला...
धुळे, नंदुरबारमध्ये राष्ट्रीयीकृत...धुळे : धुळे व नंदुरबार जिल्हा बॅंकेने १२ हजारांवर...
कोल्हापुरात ‘पाणीबाणी’ची शक्यताकोल्हापूर : जिल्ह्यात वेळेवर पाऊस सुरू न झाल्यास...
आरग येथे नागिलीच्या पानांचे सौदे सुरूसांगली  ः कधीकाळी खाण्यासाठी वापरण्यात...
अकोला जिल्ह्यात २० टक्क्यांपर्यंत...अकोला :  आगामी खरीप हंगामासाठी जिल्ह्यात पीक...
नगर जिल्ह्यातील १२४ गावांचे पाणी दूषितनगर  : जिल्ह्यातील २६४५ गावांचे पाणीनमुने...
बुलडाणा जिल्हा कृषी विक्रेता संघटनेच्या...बुलडाणा ः जिल्हा कृषी विक्रेता संघटनेची १४...
निफाड तालुक्यात द्राक्षबागांच्या...नाशिक  : निफाड तालुक्यातील द्राक्षबागांमध्ये...
सोलापूर जिल्हा परिषद करणार ‘रोहयो’ची...सोलापूर ः जिल्हा परिषदेच्या वतीने यंदाच्या...
भूगर्भात पाणीसाठा टिकविण्यासाठी भूमिगत...भूमिगत बंधारा बांधण्याचे काम जमिनीखाली असल्याने...
सरकारने शेतकऱ्यांच्या समस्यांत टाकली...नागपूर ः दुष्काळी मदत नाही, कर्जमाफीच्या...
वडगाव येथील पाटबंधारे कार्यालयासमोर...वडगाव निंबाळकर, जि. पुणे  ः नीरा डावा...
पुणे बाजार समितीवर पुन्हा प्रशासकीय...पुणे : विधानसभा निवडणुकांच्या तोंडावर पुणे बाजार...
अळिंबी उत्पादनातून केली संकटांवर मातलोणी (जि. जळगाव) येथील अनिल माळी यांच्याकडे कृषी...