नगर लोकसभा मतदारसंघात आज मतदान

मतदान यंत्रे ताब्यात घेताना कर्मचारी
मतदान यंत्रे ताब्यात घेताना कर्मचारी

नगर : नगर लोकसभा मतदारसंघासाठी आज (मंगळवारी) २०३० केंद्रांवर मतदान होत आहे. जिल्हाधिकारी राहुल द्विवेदी यांच्या मार्गदर्शनाखाली मतदान प्रक्रियेची तयारी पूर्ण झाली आहे. मतदान साहित्य घेऊन अधिकारी-कर्मचारी सोमवारी केंद्रांकडे रवाना झाले. 

निर्भय आणि निष्पक्ष वातावरणात निवडणूक पार पाडण्यासाठी प्रशासन सज्ज झाले आहे. या प्रक्रियेसाठी ८९३२ अधिकारी-कर्मचारी नियुक्त केले आहेत. मतदानप्रक्रियेस आज (मंगळवारी) सकाळी सात वाजेपासून सुरवात होईल. सायंकाळी सहा वाजेपर्यंत मतदान करता येणार आहे. नगर शहर व तालुक्‍यातील मतदान केंद्रांचे साहित्यवाटप येथील तहसील कार्यालयात झाले. तहसीलदार उमेश पाटील यांनी कर्मचाऱ्यांना सूचना दिल्या. पोलिस बंदोबस्तात हे साहित्य कर्मचाऱ्यांच्या ताब्यात देण्यात आले. पोलिस अधीक्षक ईशू सिंधू, केंद्रीय निवडणूक आयोगाच्या निरीक्षक भवानीश्‍वरी यांनी तहसील कार्यालयाला भेट देऊन कामाचा आढावा घेतला. सकाळी दहा वाजेपासूनच कर्मचाऱ्यांना सीयू, बीयू व व्हीव्हीपॅट मशिन देण्यात येत होते. सर्व साहित्य ताब्यात मिळाल्यावर साडेबारा वाजता कर्मचारी केंद्रांकडे रवाना झाले. 

नगर लोकसभा मतदारसंघात यंदा प्रथमच १० मतदान केंद्रे ही सखी मतदान केंद्रे असणार आहेत. या मतदान केंद्रांत पोलिसांपासून मतदान अधिकारी, कर्मचारी, असा सगळा कर्मचारी वर्ग महिलाच असतील. मतदान केंद्राचे व्यवस्थापन, कामकाज, सुरक्षाव्यवस्था पाहण्याचे काम महिला अधिकारी-कर्मचारी करणार आहेत.

आकडेवारीतून निवडणूक 

  • एकूण मतदार  - १८ लाख ५४ हजार २४८ 
  • पुरुष मतदार  -  ९ लाख ७० हजार ६३१ 
  • महिला मतदार - ८ लाख ८३ हजार ५२९ 
  • अन्य मतदार -   ८८ 
  • एकूण मतदान केंद्रे - २०३० 
  • एकूण कर्मचारी  -  ८०३२ 
  • क्षेत्रीय अधिकारी  -  १९८ 
  • वाहने - ३०५ 
  • थेट प्रक्षेपण होणारी मतदान केंद्रे - १९२ 
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com