agriculture news in marathi, lok sabha election third phase, mumbai, maharashtra | Agrowon

राज्यात तिसऱ्या टप्प्यात शांततेत मतदान
टीम अॅग्रोवन
बुधवार, 24 एप्रिल 2019

मुंबई :  लोकसभा निवडणुकीच्या तिसऱ्या टप्प्यात 14 मतदार संघांमध्ये सायंकाळी सहा वाजेपर्यंत अंदाजे 61.30 टक्के मतदान झाले असून काही मतदान केंद्रांवर सायंकाळी सहानंतरही मतदारांच्या रांगा असल्याने उशिरापर्यंत मतदान सुरु होते. दिवसभरात कुठेही अनुचित प्रकार घडल्याची घटना झाली नसून मतदान शांततेत पार पडले. राज्यात आतापर्यंत पहिल्या टप्प्यामध्ये 63.04 टक्के, दुसऱ्या टप्प्यात 62.88 टक्के मतदान झाले आहे, अशी माहिती अतिरिक्त मुख्य निवडणूक अधिकारी दिलीप शिंदे यांनी आज मंत्रालयात झालेल्या पत्रकार परिषदेत दिली.

मुंबई :  लोकसभा निवडणुकीच्या तिसऱ्या टप्प्यात 14 मतदार संघांमध्ये सायंकाळी सहा वाजेपर्यंत अंदाजे 61.30 टक्के मतदान झाले असून काही मतदान केंद्रांवर सायंकाळी सहानंतरही मतदारांच्या रांगा असल्याने उशिरापर्यंत मतदान सुरु होते. दिवसभरात कुठेही अनुचित प्रकार घडल्याची घटना झाली नसून मतदान शांततेत पार पडले. राज्यात आतापर्यंत पहिल्या टप्प्यामध्ये 63.04 टक्के, दुसऱ्या टप्प्यात 62.88 टक्के मतदान झाले आहे, अशी माहिती अतिरिक्त मुख्य निवडणूक अधिकारी दिलीप शिंदे यांनी आज मंत्रालयात झालेल्या पत्रकार परिषदेत दिली. यावेळी सह मुख्य निवडणूक अधिकारी अनिल वळवी, उप मुख्य निवडणूक अधिकारी शिरीष मोहोड उपस्थित होते.

दरम्यान, काही मतदान केंद्रांवर ईव्हीएम मशिन आणि व्हीव्हीपॅट यंत्रात बिघाड झाल्याचे निदर्शनास आल्यानंतर ते तात्काळ बदलून देण्यात आले. आज झालेल्या 14 मतदार संघात एकूण 249 उमेदवार निवडणूक रिंगणात होते. तर 28 हजार 691 मतदान केंद्रांपैकी 3 हजार 825 मतदान केंद्रांचे लाईव्ह वेबकास्टींग करण्यात आले. 1 लाख 54 हजार कर्मचारी या मतदान केंद्रांवर कार्यरत होते. 90 मतदान केंद्रांवर संपूर्ण महिला कर्मचारी होत्या तर चार मतदान केंद्र दिव्यांग कर्मचाऱ्यांद्वारे कार्यरत होती.

तिसऱ्या टप्प्यात सायंकाळी सहा वाजेपर्यंत अंदाजित मतदान अशाप्रकारे : जळगाव 58.00 टक्के, रावेर 58.00 टक्के, जालना 63.00 टक्के, औरंगाबाद 61.87 टक्के, रायगड 58.06 टक्के, पुणे 53.00 टक्के, बारामती 59.50 टक्के, अहमदनगर 63.00 टक्के, माढा 63.00 टक्के, सांगली 64.00 टक्के, सातारा 57.06 टक्के, रत्नागिरी-सिंधुदुर्ग 62.26 टक्के, कोल्हापूर 69.00 टक्के, हातकणंगले 68.50 टक्के. 2014 मध्ये झालेल्या लोकसभा निवडणुकीत या 14 मतदार संघात 62.88 टक्के मतदान झाले होते.
लोकसभा निवडणुकीच्या तिसऱ्या टप्प्यात राज्यातील १४ मतदारसंघांमध्ये मंगळवारी (ता. २३) सायंकाळी पाच वाजेपर्यंत बहुतांश ठिकाणी शांततेत आणि कोणताही अनुचित प्रकार न घडता मतदान प्रक्रिया पार पडली. 

तिसऱ्या टप्प्यात राष्ट्रवादी काँग्रेसच्या सुप्रिया सुळे, सुनील तटकरे, उदयनराजे भोसले, भाजपचे रावसाहेब दानवे, गिरीश बापट, संजयकाका पाटील, शिवसेनेचे अनंत गिते, चंद्रकांत खैरे, ‘स्वाभिमानी’चे राजू शेट्टी आदींसह तब्बल २४९ उमेदवारांचे भवितव्य ईव्हीएम यंत्रात बंद झाले.

लोकसभा निवडणुकीच्या तिसऱ्या टप्प्यात राज्यातील १४ मतदारसंघांत मंगळवारी मतदानप्रक्रिया पार पडली. जळगाव, रावेर, जालना, औरंगाबाद, रायगड, पुणे, बारामती, नगर, माढा, सांगली, सातारा, रत्नागिरी-सिंधुदुर्ग, कोल्हापूर, हातकणंगले या मतदारसंघांत या टप्प्यात मतदान झाले.

दुपारी ३ वाजेपर्यंत याठिकाणी सरासरी ४६.२८ टक्के मतदान झाले होते. दुपारी तीन वाजेपर्यंत जळगाव येथे ४२.६२, रावेर येथे ४६.०४, जालन्यात ४९.४०, औरंगाबादमध्ये ४७.३६, रायगडमध्ये ४७.९७, पुण्यात ३६.२९, बारामतीत ४५.३५, नगरमध्ये ४५.६५ टक्के, माढा येथे ४४.१३, सांगलीत ४६.६४, साताऱ्यात ४४.७७, रत्नागिरी-सिंधुदुर्गात ४७.१८, कोल्हापुरात ५४.२४, हातकणंगलेत ५२.२७ टक्के मतदान झाले. 

दुपारी रणरणत्या उन्हातही मतदार उत्साहाने मतदानासाठी येत होते. कोल्हापूर, हातकणंगले मतदारसंघात, तर चुरशीने मतदान होताना दिसून आले. त्यामुळे याठिकाणी दुपारी तीनपर्यंतच मतदानाचा टक्का ५० टक्क्यांच्या पुढे गेला होता. पुणे लोकसभा मतदारसंघात मात्र मतदारांचा निरुत्साह दिसून आला. त्यामुळे त्याठिकाणी मतदानाचा टक्का घसरल्याचे पाहायला मिळाले.

मतदानाची वेळ संध्याकाळी सहा वाजेपर्यंत असल्याने मतदानाच्या टक्केवारीत आणखी वाढ झाली. संध्याकाळी पाचपर्यंत या सर्व चौदा मतदारसंघांत सरासरी ५५ टक्के मतदान झाले. त्यामुळे आता वाढलेल्या मतांचा लाभ कुणाला होणार आणि पुण्यात मतदानाच्या टक्केवारीत घट झाल्याने त्याचा तोटा कोणाला होईल, याबाबत तर्कवितर्क व्यक्त होत आहेत. तिसऱ्या टप्प्यात एकूण २ कोटी ५७ लाख ८९ हजार ७३८ मतदार मतदानासाठी पात्र होते. यात १ कोटी ३३ लाख १९ हजार १० पुरुष, १ कोटी २४ लाख ७० हजार ७६ महिला आणि ६५२ इतर नागरिक मतदार होते.

इतर ताज्या घडामोडी
लोकसभेच्या निकालावर ठरेल विधानसभेची...नगर ः लोकसभा निवडणुकीत कोणत्या मतदारसंघातून...
उष्णतावाढीमुळे यावर्षीही साताऱ्यात आले...सातारा  ः मागील तीन ते चार वर्षांपासून मे...
नांदेड जिल्ह्यात १२१ टॅंकरने पाणीपुरवठानांदेड  ः नांदेड जिल्ह्यातील पाणीटंचाईचे...
जलसंधारण कामांसाठी पुणे जिल्ह्याला ११...शेटफळगढे, जि. पुणे  : जिल्ह्यातील जलयुक्त...
पाणीप्रश्नी किनगाव ग्रामपंचायतीवर...रोहिलागड, जि. जालना  : किनगाव येथील महिलांनी...
अठराशेवर गावांमध्ये घेतल्या जाणार २६५२...औरंगाबाद   : येत्या खरीप हंगामात...
खानदेशात बाजरी मळणीचा हंगाम आटोपलाजळगाव  ः खानदेशात बाजरीचा मळणी हंगाम आटोपला...
धुळे, नंदुरबारमध्ये राष्ट्रीयीकृत...धुळे : धुळे व नंदुरबार जिल्हा बॅंकेने १२ हजारांवर...
कोल्हापुरात ‘पाणीबाणी’ची शक्यताकोल्हापूर : जिल्ह्यात वेळेवर पाऊस सुरू न झाल्यास...
आरग येथे नागिलीच्या पानांचे सौदे सुरूसांगली  ः कधीकाळी खाण्यासाठी वापरण्यात...
अकोला जिल्ह्यात २० टक्क्यांपर्यंत...अकोला :  आगामी खरीप हंगामासाठी जिल्ह्यात पीक...
नगर जिल्ह्यातील १२४ गावांचे पाणी दूषितनगर  : जिल्ह्यातील २६४५ गावांचे पाणीनमुने...
बुलडाणा जिल्हा कृषी विक्रेता संघटनेच्या...बुलडाणा ः जिल्हा कृषी विक्रेता संघटनेची १४...
निफाड तालुक्यात द्राक्षबागांच्या...नाशिक  : निफाड तालुक्यातील द्राक्षबागांमध्ये...
सोलापूर जिल्हा परिषद करणार ‘रोहयो’ची...सोलापूर ः जिल्हा परिषदेच्या वतीने यंदाच्या...
भूगर्भात पाणीसाठा टिकविण्यासाठी भूमिगत...भूमिगत बंधारा बांधण्याचे काम जमिनीखाली असल्याने...
सरकारने शेतकऱ्यांच्या समस्यांत टाकली...नागपूर ः दुष्काळी मदत नाही, कर्जमाफीच्या...
वडगाव येथील पाटबंधारे कार्यालयासमोर...वडगाव निंबाळकर, जि. पुणे  ः नीरा डावा...
पुणे बाजार समितीवर पुन्हा प्रशासकीय...पुणे : विधानसभा निवडणुकांच्या तोंडावर पुणे बाजार...
अळिंबी उत्पादनातून केली संकटांवर मातलोणी (जि. जळगाव) येथील अनिल माळी यांच्याकडे कृषी...