agriculture news in marathi, lok sabha election voting,satara,maharashtra | Agrowon

साताऱ्यात उत्साहात मतदान
टीम अॅग्रोवन
मंगळवार, 23 एप्रिल 2019

सातारा  : जिल्ह्यात मंगळवारी लोकसभा निवडणुकीसाठी उत्साहात मतदान झाले. ‘आपला’ खासदार निवडण्यासाठी सकाळपासून अनेक मतदान केंद्रांवर मतदारांच्या रांगा लागल्या होत्या. सातारा लोकसभा मतदारसंघात सायंकाळी पाच वाजेपर्यंत ५३ टक्के मतदान झाले होते. यामध्ये कऱ्हाड उत्तर विधानसभा मतदारसंघात सर्वाधिक ५६.४९ टक्के, तर पाटण विधानसभा मतदारसंघात सर्वात कमी ५०.३० टक्के मतदान झाले होते. एकूण १८ लाख ३८ हजार ९८७ मतदानापैकी पाच वाजेपर्यंत ९ लाख ७४ हजार ८७५ मतदान झाले होते. 

सातारा  : जिल्ह्यात मंगळवारी लोकसभा निवडणुकीसाठी उत्साहात मतदान झाले. ‘आपला’ खासदार निवडण्यासाठी सकाळपासून अनेक मतदान केंद्रांवर मतदारांच्या रांगा लागल्या होत्या. सातारा लोकसभा मतदारसंघात सायंकाळी पाच वाजेपर्यंत ५३ टक्के मतदान झाले होते. यामध्ये कऱ्हाड उत्तर विधानसभा मतदारसंघात सर्वाधिक ५६.४९ टक्के, तर पाटण विधानसभा मतदारसंघात सर्वात कमी ५०.३० टक्के मतदान झाले होते. एकूण १८ लाख ३८ हजार ९८७ मतदानापैकी पाच वाजेपर्यंत ९ लाख ७४ हजार ८७५ मतदान झाले होते. 

लोकसभा निवडणुकीसाठी सातारा लोकसभा मतदारसंघांत मंगळवारी सकाळी मतदानास उत्साहात प्रारंभ झाला. अनेक ठिकाणी सुवासिनींच्या हस्ते प्रथम मतदान करण्यात आले. सर्वच मतदान केंद्रांवर अंगणवाडी सेविकांनी मतदान केंद्रात उत्कृष्ट व्यवस्था ठेवली होती. मतदान केंद्रांबाहेर रांगोळ्या काढल्या होत्या. पाण्याची व्यवस्थाही केली होती. त्या दिव्यांग मतदारांना मदतही करीत होत्या. गेले काही दिवस उन्हाचा कडाका जास्तच वाढला आहे. पूर्व भागातील खटाव-माण तालुक्‍यात त्याची तीव्रता जास्त होती. यामुळे अनेक महिलांसह नागरिकांनी सकाळीच मतदान करण्यास पसंती दिली. सकाळी नऊपर्यंत त्यामुळेच विविध मतदान केंद्रांबाहेर मतदारांच्या रांगा लागल्या होत्या. 

दुपारच्या सत्रात उन्हामुळे मतदार बाहेर पडले नाहीत, दुपारनंतर मात्र मतदान केंद्रांवर पुन्हा रांगा लागल्या होत्या. सकाळी सात ते दुपारी तीनपर्यंत सातारा लोकसभा मतदारसंघात पाच लाख ८७ हजार ६६४ मतदारांनी मतदानाचा हक्क बजावला होता. काही ठिकाणी व्हीव्हीपॅट मशिनमध्ये बिघाड आल्याने मतदारांचा खोळंबा झाला. यामध्ये माण तालुक्यातील मलवडीत येथील केंद्रावरील अर्धा तास तांत्रिक अडचणीमुळे मशिन बंद पडले होते.

गोवारे (ता. कराड) येथील सकाळी अकरा वाजण्याचा सुमारास मतदान केंद्र क्रमांक ९८ मधील व्हीव्हीपॅट मशिनमध्ये बिघाड झाल्याने सुमारे अर्धा तास मतदार खोळंबले होते. नवीन मशिन बसविल्यानंतर मतदान प्रक्रिया सुरू झाली. वाई तालुक्यातील भिरडाचीवाडी येथे मतदान केंद्र क्रमांक २८२  येथे व्हीव्हीपॅट बंद अर्ध्या तास बंद पडले होते. वाईहून तंत्रज्ञ आल्यानंतर दुरुस्ती झाली.

वाई तालुक्यातील वेळे येथे तीन वाजण्याच्या सुमारास मतदानावर बहिष्काराचे सावट असतानाच १३७ नंबर केंद्रातील मशिन सुमारे एक तासभर बंद पडले होते. महामुलकरवाडी (ता. जावली) येथे दुपारी तीन वाजता मतदान मशिन बिघडल्यामुळे  मतदान केंद्रावर गर्दी झाली होती. 
विधानसभा मतदारसंघनिहाय मतदानाची टक्केवारी (सायंकाळी पाच वाजेपर्यंत)  ः वाई ५१.११, कोरेगाव ५४.३१, कऱ्हाड उत्तर ५६.४९, कऱ्हाड दक्षिण ५६.२२, पाटण ५०.३०, सातारा ५०.३६.

इतर बातम्या
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कोल्हापूर जिल्ह्यात पावसाअभावी... कोल्हापूर  : अनेक ठिकाणी पेरण्या झाल्या...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
आमदार दीपिका चव्हाण यांनी मांडली...नाशिक : जिल्ह्यातील बागलाण व चांदवड तालुक्यातील...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नाशिकला ‘राष्ट्रवादी युवक’चे रेल रोको...नाशिक  : केंद्र व राज्य सरकारच्या अपयशामुळे...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
सौर कृषिपंप योजनेतील लाभार्थी हिस्सा...मुंबई : मुख्यमंत्री सौर कृषिपंप योजनेत...
कृषी विभागात बदल्यांची धूमपुणे  : राज्यात ऐन खरिपाच्या नियोजनात कृषी...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...