शबरीमला मंदिर प्रवेशप्रकरणी केरळमध्ये आज लाँग मार्च

शबरीमला मंदिर प्रवेशप्रकरणी केरळमध्ये आज लाँग मार्च
शबरीमला मंदिर प्रवेशप्रकरणी केरळमध्ये आज लाँग मार्च

तिरुअनंतपुरम, केरळ : शबरीमला मंदिरात सर्व महिलांना प्रवेश देण्याच्या सर्वोच्च न्यायालयाने दिलेल्या निकालाविरुद्ध केरळ सरकारने याचिका दाखल करावी, या मागणीसाठी आज (ता. १५) राष्ट्रीय लोकशाही आघाडीच्या नेतृत्वाखाली सुमारे ८० हिंदुत्ववादी संघटनांच्या वतीने लाँग मार्च काढण्यात येणार आहे. भाजपचे प्रदेशाध्यक्ष पी. एस. श्रीधरन पिल्लई हे लाँग नेतृत्व करणार आहेत.     धार्मिक परंपरा आणि रुढी जपण्यासाठी राज्य सरकारने सर्वोच्च न्यायालयाकडे विनंती करावी, अशीही मागणी प्रदेश भाजपने केली आहे. अय्यपा ब्रह्मचारी असून, दहा ते ५० वयोगटातील महिलांना शबरीमला मंदिरात प्रवेश दिला जात नाही. मात्र सर्वोच्च न्यायालयाने अलीकडेच सर्व वयोगटांतील महिलांना दर्शनासाठी परवानगी देणारा आदेश दिला आहे. या आदेशाविरुद्ध याचिका दाखल करण्यास केरळ सरकार आणि देवासम मंडळाने नकार दिला आहे. १८ ऑक्‍टोबरपासून मंदिर दर्शनासाठी खुले होणार आहे. तत्पूर्वी मंदिर १७ ऑक्‍टोबरला सायंकाळी सुरू होणार आहे. शबरीमला येथे दर्शनासाठी महाराष्ट्रातील सामाजिक कार्यकर्त्या तृप्ती देसाई जाणार असून, स्थानिक शिवसेनेने मात्र आत्मघाती पथक रवाना करणार असल्याचे नमूद केले. केरळ सरकारने शबरीमला येथील महिलांच्या दर्शनासाठी तयारी केली आहे. सर्वोच्च न्यायालयाच्या आदेशाचे पालन करण्यासाठी केरळचे मुख्यमंत्री पिनराई विजयन यांनी राज्य पोलिसांना निर्देश दिले असून, मंदिर परिसरात बंदोबस्त ठेवण्यात आला आहे.     दरम्यान, या आदेशाविरुद्ध राज्यभरात ठिकठिकाणी धरणे, मोर्चा आंदोलन करण्यात येत आहे. प्रारंभी भाजपने महिलांच्या मंदिरप्रवेशाची बाजू घेतली होती; परंतु भाविकांची नाराजी पाहता भाजपने आंदोलन करण्याचा निर्णय घेतला आहे. सोमवारचा लाँग मार्च पंडलम येथून सुरू होणार असून, तो सचिवालयापर्यंत जाणार आहे. हिंदू भाविकांच्या तीव्र भावना लक्षात घेता सीपीएमच्या नेत्यांनी मुख्यमंत्र्यांना तडजोडीची भूमिका घेण्याचे सागितले आहे. यासाठी उद्या (ता.१६) पंडलम येथील शाही कुटुंबीयासमवेत चर्चा होणार आहे. लाँग मार्चमध्ये सहभागी होण्यासाठी प्रवीण तोगडिया येथे दाखल झाले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com