पपईला फळधारणा न झाल्याने शेतकऱ्याचे नुकसान

बुलडाणा ः मोमीनाबाद येथे काळे व गवळे यांच्या शेतातील पपईच्या झाडांना फळे लागली नसून झाडे अशी उभी अाहेत
बुलडाणा ः मोमीनाबाद येथे काळे व गवळे यांच्या शेतातील पपईच्या झाडांना फळे लागली नसून झाडे अशी उभी अाहेत

बुलडाणा : जिल्ह्यात नांदुरा तालुक्‍यातील मोमीनाबाद येथे सचिन काळे व सुरेश लक्ष्मण गवळे या शेतकऱ्यांनी लावलेल्या पपईला फळधारणाच झाली नाही. शिवाय लागवड केलेल्या झाडांपैकी ५० टक्के झाडे नर निघाल्याने शेतकऱ्यांचे अतोनात नुकसान झाले अाहे. संबंधित नर्सरीचालकाने फसवणूक केली असून, नुकसानभरपाई मिळावी, अशी मागणी या शेतकऱ्यांनी कृषी विभागाकडे केली अाहे.

या वर्षी काळे व गवळे यांनी पपईची लागवड केली होती. यासाठी त्यांनी मार्च २०१७ मध्ये सोलापूर जिल्ह्यातील मोहळ येथील बोडखे रोपवाटिकेमधून प्रत्येकाने रोपे अाणली. लागवडीनंतर या रोपांना शिफारशीनुसार खते व फवारण्यासुद्धा केल्या; मात्र एवढे करूनही यातील जवळपास पन्नास टक्के झाडे ही नर जातीची निघाल्याने या झाडांना फळधारणाच झाली नाही.

मोमीनाबाद येथील दोन्ही शेतकऱ्यांनी याबाबत तालुका कृषी अधिकारी यांच्याकडे रीतसर तक्रार केल्यानंतर संबंधित अधिकाऱ्यांनी स्थळ पंचनामा केला. यात जवळपास ३८ टक्के झाडे ही वांझ असल्याचे नमूद केले. यामुळे या शेतकऱ्यांच्या पपई पिकाला फळधारणा होऊ न शकल्याने त्यांचे ५० टक्के नुकसान झाल्याचे स्पष्ट केले.

शेतकऱ्यांनी खरेदी केलेल्या बियाणे, रोपे, पुरवठा पावतीवर कुठल्याही जातींचा किंवा प्लॉटचा उल्लेख नसल्यामुळे मोबदला मिळण्यात अडचणी निर्माण झाल्या. रोपवाटिकाचालकांकडे संपर्क साधला असता, त्यांच्याकडून प्रतिसाद मिळत नसल्याचे शेतकऱ्यांचे म्हणणे अाहे. बियाण्यात नर जातीच्या झाडांचा भरणा झाल्याने शेतकऱ्यांना लागलेला खर्चही निघेल की नाही याची शाश्‍वती राहिलेली नाही.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com