कमी दाबाचे क्षेत्र निवळणार; रविवारपासून कोरडे हवामान

कमी दाबाचे क्षेत्र निवळणार; रविवारपासून कोरडे हवामान
कमी दाबाचे क्षेत्र निवळणार; रविवारपासून कोरडे हवामान

पुणे : अरबी समुद्रातील कमी दाब क्षेत्राची तीव्रता कमी होत आहे. शुक्रवारी (ता. १६) सकाळपर्यंत हे क्षेत्र पूर्णपणे निवळणार असल्याचे हवामान विभागाने स्पष्ट केले आहे. तर राज्यात बहुतांशी ठिकाणी गुरुवारी दिवसभर ढगाळ हवामान होते. कोकण, मध्य महाराष्ट्रात तुरळक ठिकाणी पावसाच्या सरी पडल्या. शनिवारपर्यंत (ता. १७) राज्यात हलक्या पावसाची शक्यता अाहे. तर रविवारपासून राज्यात कोरड्या हवामानाचा अंदाज वर्तविण्यात आला आहे.

दरम्यान, कोकणात अांबा, काजू आदी फळपिकांसह कोल्हापुरातील भाजीपाला पिकांना पाऊस आणि ढगाळ हवामानाचा काही प्रमाणात फटका बसला. रब्बीतील काढणीच्या असवस्थेतील पिकांनाही फटका बसला.

अरबी समुद्रात लक्षद्वीप बेटाजवळ कमी दाबाचे क्षेत्र सक्रिय होते. वायव्य दिशेकडे सरकून शुक्रवारी ते निवळून जाणार आहे. तर मध्य महाराष्ट्र आणि मध्य प्रदेशातील चक्राकार वाऱ्यांची स्थिती विरून गली होती. पुढील दोन दिवस राज्यात ढगाळ हवामान राहणार असून, तुरळक ठिकाणी पाऊस पडण्याची शक्यता आहे. बुधवारी रात्री कोकणातील लांजा, कुडाळ, सावंतवाडी, कोल्हापुरातील करंजफेन, मलकापूर, अंबा, गगनबावडा, साळवण येथे पावसाच्या सरी कोसळल्या, तर गुरुवारी सकाळी पुण्यातील मावळ, मुळशी हवेली तालुक्यात पावसाचा शिडकावा झाला. ढगाळ हवामानामुळे तापमानात घट होत असून, गुरुवारी सकाळपर्यंतच्या २४ तासांमध्ये भिरा येथे राज्यातील उच्चांकी ४०.३ अंश सेल्सिअस तापमानाची नोंद झाली.

गुरुवारी (ता. १५) सकाळी साडेआठ वाजेपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३५.५, जळगाव ३६.७, कोल्हापूर ३६.१, महाबळेश्वर २९.४, मालेगाव ३६.६, नाशिक ३३.३, सांगली ३६.१, सातारा ३६.६, सोलापूर ३८.७, मुंबई ३४.२, रत्नागिरी ३४.८, डहाणू ३४.४, भिरा ४०.३, औरंगाबाद ३६.०, परभणी ३९.१, नांदेड ३८.०, अकोला ३९.५, अमरावती ३७.२, बुलडाणा ३६.६, चंद्रपूर ३७.५, गोंदिया ३७.५, नागपूर ३८.८, वर्धा ४०.०, यवतमाळ ३७.५. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com