agriculture news in marathi, low temperature hits banana plant | Agrowon

तापमानघटीचा केळीबागांना फटका
टीम अॅग्रोवन
मंगळवार, 2 जानेवारी 2018

जळगाव : किमान तापमानात मागील १० दिवसांपासून सतत घट होत असल्याने निसवणीच्या अवस्थेत असलेल्या नवती केळीबागांमध्ये निसवणीची प्रक्रिया मंदावली आहे. घड आखूड निसवत असून, लहान केळी रोपांवर करप्याचाही प्रादुर्भाव दिसून येत आहे. रावेर, यावल, चोपडा भागांत कमी तापमानामुळे समस्या (चिलिंग इंज्युरी) अधिक असल्याची माहिती आहे. सुमारे ११ हजार हेक्‍टर क्षेत्र कमी तापमानामुळे उद्‌भवलेल्या समस्यांमुळे बाधित झाले आहे.

जळगाव : किमान तापमानात मागील १० दिवसांपासून सतत घट होत असल्याने निसवणीच्या अवस्थेत असलेल्या नवती केळीबागांमध्ये निसवणीची प्रक्रिया मंदावली आहे. घड आखूड निसवत असून, लहान केळी रोपांवर करप्याचाही प्रादुर्भाव दिसून येत आहे. रावेर, यावल, चोपडा भागांत कमी तापमानामुळे समस्या (चिलिंग इंज्युरी) अधिक असल्याची माहिती आहे. सुमारे ११ हजार हेक्‍टर क्षेत्र कमी तापमानामुळे उद्‌भवलेल्या समस्यांमुळे बाधित झाले आहे.

केळीला किमान तापमान १२ अंश सेंटिग्रेडपेक्षा कमी असले, तर फटका बसायला सुरवात होते. अर्थातच मागील 10 ते 12 दिवसांपासून किमान तापमान 12 अंश सेंटिग्रेडखालीच आहे. सध्या 9 व 10 अंश सेंटिग्रेड यादरम्यान तापमान आहे. उतिसंवर्धित लहान केळीरोपे कमी तापमानामुळे उद्‌भवलेल्या समस्यांना लवकर बळी पडली आहेत. रोपांची वाढ खुंटली आहे. तसेच पाने पिवळी पडली आहेत. उतिसंवर्धित केळीरोपांखालील (दोन ते तीन महिन्यांच्या बागा) क्षेत्र सुमारे साडेतीन हजार हेक्‍टर आहे. रावेर, यावल व चोपडा भागांत हे क्षेत्र आहे. या भागातील लहान केळीबागा बाधित झाल्या आहेत.

तज्ज्ञांनी दिलेल्या माहितीनुसार, कमी तापमानामुळे झाडांच्या प्रकाश संश्‍लेषणाच्या प्रक्रियेसह मुळांच्या विस्तारावर परिणाम झाला आहे. मुळ्या कमकुवत झाल्याने झाडाला जमिनीतून हवे ते व हवे तेवढे अन्नघटक मिळत नाहीत. तर करप्याला प्रोत्साहन देणारी बुरशी सक्रिय झाली असून, झाडाची पाने पिवळी पडत अाहेत. प्रकाश संश्‍लेषणाची प्रक्रिया मंदावली आहे. निवसणीवरील केळीबागा म्हणजेच नवतीचे क्षेत्र सुमारे 11 हजार हेक्‍टर असून, या बागांमध्ये कमी तापमानामुळे निसवणीची प्रक्रिया थांबल्यासातखी स्थिती आहे. जी झाडे निसवत आहेत, त्यांचे घड आखूड व हलक्‍या दर्जाचे येत आहेत. काही घड पोग्यातच अडकत आहेत.

बागांना ऊब मिळावी म्हणून शेतकरी रात्रीच्या वेळी बागांभोवती शेकोट्या पेटविणे, रात्रीच्या वेळी सिंचन करणे व करपा रोगाच्या अटकावासाठी बुरशीनाशकांच्या फवारण्या घेत आहेत.

सध्या निसवणीवर असलेल्या केळी बागांमध्ये घड पोग्यातच अडकणे, आखूड घड येणे अशा समस्या आहेत. तापमान कमी होत असल्याने हा फटका आणखी वाढेल.
- सत्त्वशील पाटील, शेतकरी, कठोरा (जि. जळगाव)

पाच महिन्यांच्या केळीमध्ये करपा अधिक आहे. त्याचे प्रमाण प्रतिझाड तीन पानांवर आहे. झाडांची वाढ हवी तशी नाही.
- जितेंद्र पाटील, शेतकरी, नारोद (जि. जळगाव)

इतर अॅग्रो विशेष
‘कर्जनिधी’चा लाभ शेतकऱ्यांना कसा मिळणार...केंद्र सरकारने शेतकऱ्यांना कर्ज म्हणून ११ लाख...
अधिक नुकसान, कमी भरपाईराज्यभरात खरीप, रब्बी आणि उन्हाळी अशा तिन्ही...
'टिळक महाराष्ट्र विद्यापीठा'तर्फे...पुणे : टिळक महाराष्ट्र अभिमत विद्यापीठाने ‘सकाळ’...
शेतकऱ्यांसाठी हमीभाव दिवास्वप्नचमुंबई : सध्या शेतीमाल हमीभावाच्या मुद्द्यावरून...
साखर मूल्यांकनात १३० रुपयांनी वाढकोल्हापूर : साखर दरात वाढ होत असल्याने त्याचा...
संयुक्त खतांच्या किमती वाढल्यानागपूर ः वातावरणातील बदलामुळे शेतकऱ्यांसमोरील...
हेक्टरी २९१ किलोच तुरीची खरेदीसांगली : वेळ सकाळी दहाची...जत तालुक्‍यातील शेतकरी...
सरकार कांदा खरेदी करण्याची शक्यतानवी दिल्ली : देशात कांदा उत्पादक शेतकऱ्यांना...
मध्य महाराष्ट्रात शुक्रवारी गारपिटीची...पुणे ः कर्नाटकाचा उत्तर भाग आणि अरबी समुद्र, गोवा...
‘हवामान स्मार्ट शेती’ प्रकल्पाला...नवी दिल्ली : हवामानाच्या लहरीपणामुळे देशातील...
माझा शेतकरी चोर आहे का ः धनंजय मुंडेरावेर, जि. जळगाव ः मराठवाड्यातील गारपीटग्रस्त...
राज्यातील धरणासाठा ५२.८३ टक्क्यांवरपुणे : राज्यात रब्बी हंगामात पाण्याचा मोठ्या...
खतांवरील अनुदानाबरोबरच किमतीही हव्यात...खत उद्योगाच्या प्रगतीमध्ये केंद्र सरकार व राज्य...
पंचायत तज्ज्ञ गटाचा अहवाल लवकरच सादर...पुणे  : राज्यातील ग्रामविकासाची भविष्यकालीन...
तेहेतीस वर्षांपासून ‘बोन्साय’ कलेचा...पुणे येथील प्राजक्ता काळे यांनी ३३ वर्षांपासून...
उसापेक्षा किफातशीर ठरले रताळेसोलापूर जिल्ह्यातील बाभूळगावाने रताळे पिकात आपली...
हमी नको, हवा रास्त भाव केंद्र सरकारने २०१८ चा अर्थसंकल्प सादर करताना...
राज्यात अधिकाधिक ‘सीड पार्क’...दर्जेदार बियाण्यांच्या संशोधनासाठी खासगी...
दीडपट हमीभाव : केंद्र सरकारचं लबाडाघरचं...केंद्र सरकार आकड्यांचा खेळ करून स्वतःच्या सोयीचा...
उत्पादन खर्च काढण्यात सरकारची चलाखीपुणे : केंद्र सरकार आपल्या सोयीचा उत्पादन...