नागपूर : माफसूची जानेवारी महिन्यात होणारी भरती प्रक्रिया कुलगुरूविनाच होण्याची शक्यता आहे. नव्या कुलगुरूच्या घोषणेबाबत वेळकाढू धोरण अवलंबिण्यात आले आहे. यामुळे प्रभारींच्या भरवशावर होणारी ही भरती पारदर्शी होईल किंवा नाही याबाबत साशंकता आहे.
महाराष्ट्र पशू व मत्स्य विज्ञान विद्यापीठाकडे गोरेवाडा प्राणिसंग्रहालयाचे व्यवस्थापन सोपविण्यात आले आहे. या प्राणिसंग्रहालयातील जनावरांच्या आरोग्याची काळजी माफसू घेणार आहे. त्याकरिता आवश्‍यक पदनिर्मिती व भरतीला शासनाने तत्कालीन कुलगुरू डॉ. आदित्यकुमार मिश्रा यांच्या कार्यकाळातच मान्यता दिली होती. सप्टेंबर २०१७ मध्ये डॉ. मिश्रा यांचा कार्यकाळ संपुष्टात आला. तेव्हापासून ही भरती प्रक्रिया पुढे सरकली नाही.
आता विद्यापीठाचा कारभार नागपूर विभागीय आयुक्‍त अनुपकुमार प्रभारी कुलगुरू म्हणून पाहत आहेत. असे असताना त्यांच्याच कार्यकाळात गोरेवाडा प्राणिसंग्रहालयाकरिताची भरती प्रक्रिया राबविण्याचा घाट घालण्यात आला आहे. या माध्यमातून सहा सहायक प्राध्यापकांची पदे भरली जाणार आहेत. त्याकरिता 15 व 16 जानेवारीला भरतीची प्रक्रिया होईल. त्याकरिता आवश्‍यक मुलाखतपत्रदेखील उमेदवारांना पोचली आहेत. निवड समितीचे चेअरमन कुलगुरू राहतात. परंतु सद्यःस्थितीत माफसूला कुलगुरूच नाहीत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.