agriculture news in marathi, Maghi Yatra, Pandharpur, Solapur | Agrowon

विठ्ठल विठ्ठल गजरी, अवघी दुमदुमली पंढरी
टीम अॅग्रोवन
रविवार, 28 जानेवारी 2018

माघी यात्रेनिमित्त तीन लाखांहून अधिक भाविक
 दर्शनासाठी लागला १६ तासांपेक्षा जास्त कालावधी

पंढरपूर, जि. सोलापूर 
विठ्ठल विठ्ठल गजरी ।
अवघी दुमदुमली पंढरी ॥ 
हरि कीर्तनाची दाटी ।
तेथे चोखा घाली मिठी ॥

माघी यात्रेनिमित्त तीन लाखांहून अधिक भाविक
 दर्शनासाठी लागला १६ तासांपेक्षा जास्त कालावधी

पंढरपूर, जि. सोलापूर 
विठ्ठल विठ्ठल गजरी ।
अवघी दुमदुमली पंढरी ॥ 
हरि कीर्तनाची दाटी ।
तेथे चोखा घाली मिठी ॥

श्री विठ्ठलाच्या दर्शनाचे समाधान आणि माघी यात्रा सोहळ्याचा आनंद मिळवण्यासाठी सुमारे तीन लाखांहून अधिक भाविक येथे आले आहेत. यात्राकाळात २६ जानेवारी, शनिवार आणि रविवार जोडून आल्याने दरवर्षीच्या तुलनेत यंदा भाविकांच्या गर्दीत लक्षणीय वाढ झाल्याचे दिसून येत आहे. श्री विठ्ठलाच्या दर्शनासाठी आज (रविवारी) माघी एकादशी दिवशी सोळा तास लागत होते.

दरवर्षीपेक्षा यंदा अधिक गर्दी झाल्याने श्री विठ्ठलाच्या दर्शनाची रांग शनिवारी रात्री पाचव्या क्रमांकाच्या पत्राशेडमध्ये गेली होती. यंदा माघी यात्रेला जास्त गर्दी झाल्याबद्दल अशोक पांडुरंग कदम (कणकेवाडी, ता. राधानगरी, जिल्हा-कोल्हापूर) यांना विचारले असता, ते म्हणाले, आमच्या भागातील ऊसतोड यंदा लवकर संपली आहे. शेतशिवारामध्ये सध्या काही महत्त्वाची कामे नाहीत. त्यामुळे गेल्या वर्षीपेक्षा आमच्या दिंडीत या वर्षी दुप्पट वारकरी सामील झाले आहेत. 

माघी एकादशीनिमित्त चंद्रभागा नदीत पवित्र स्नान करण्यासाठी भाविकांची अलोट गर्दी झाली होती. स्नान आटोपल्यानंतर भाविक दर्शनरांगेत तर दिंड्या नगर प्रदक्षिणेला जात होत्या. सकाळी १० वाजता श्री विठ्ठल मंदिरातून दर्शन घेऊन बाहेर आलेल्या बाबूराव सदाशिव जाधव (रा. अमदाबाद, तालुका - भालकी, जिल्हा - बिदर) यांना विचारले असता ते म्हणाले, आम्ही काल सायंकाळी ६ वाजता दर्शन बारीमध्ये उभे होतो. दर्शन रांगेतील भाविकांना मंदिर समितीच्या वतीने चहा-पाणी देण्यात आले. मात्र रांग पुढे सरकण्याचा वेग कमी असल्यामुळे दर्शनासाठी जवळपास १६ तास लागले.

अतिक्रमणे जैसे थे.....
दरवर्षी यात्रेत स्थानिक नागरिकांच्या दुकानांच्या पुढील रस्त्यावर हे विक्रेते त्यांचे स्टॉल मांडून बसतात. या वर्षीदेखील तीच परिस्थिती दिसत आहे. सर्वत्र परगावाच्या विक्रेत्यांनी स्टॉल लावल्याने वारकऱ्यांना चालणे मुश्‍किल होत होते.

स्वच्छतेकडे पालिकेचे दुर्लक्ष 
मंदिर परिसरात व स्टेशन रोडवर अनेक ठिकाणी कचरा साठल्याचे दिसत होते. याबाबत पुणे येथून सहकुटुंब आलेले अमित सिन्हा यांनी नाराजी व्यक्त केली. ते म्हणाले, पंढरपूर हे महाराष्ट्रातील प्रसिद्ध तीर्थक्षेत्र असूनही येथे सर्वत्र अस्वच्छता दिसून येत आहे. किमान मंदिर परिसर तरी कचरामुक्त ठेवायला हवा. 
 

इतर अॅग्रो विशेष
दुष्काळ जाहीर करण्यासाठी पीक नुकसानीचा...नाशिक : दुष्काळ जाहीर करण्यासाठी केंद्र सरकारची...
मुंबईत १५ ला सर्वपक्षीय मेळावा ः नवलेकोल्हापूर: किसान सभेच्या पुढाकाराने १५...
दुष्काळ जाहीर करण्याबाबत टोलवाटोलवी ः...पुणे : राज्यात अनेक ठिकाणी दुष्काळी स्थिती असूनही...
नव्या दुष्काळी संहितेमुळे राज्यातील...मुंबई: राज्यावर १९७२ च्या दुष्काळापेक्षाही...
हुमणी रोखण्यासाठी कृती आराखडा : कृषी...पुणे : राज्यात उसाच्या क्षेत्रावर मोठ्या प्रमाणात...
मध्य महाराष्ट्र, मराठवाडा, विदर्भात...पुणे: राज्यात ‘ऑक्टोबर हीट’चा चटका सातत्याने...
नव्या हंगामात ऊस गाळपासाठी ३१ साखर...पुणे : राज्यात नव्या गाळप हंगामासाठी आतापर्यंत ३१...
चौदा हजार गावांमधील भूजल पातळी चिंताजनकमुंबई : राज्य सरकारच्या भूजल सर्वेक्षण व...
बदलत्या काळात बनली कलिंगड शेती...पाण्याची उपलब्धता असताना चितलवाडी (जि. अकोला)...
संघर्ष, चिकाटी, एकोप्यातूनच लाभले...बलवडी (भाळवणी) (ता. खानापूर, जि. सांगली) जोतीराम...
'सकाळ'चे दिवाळी अंक अॅमेझॉनवर !पुणे : क्लिकवर चालणाऱया आजच्या जगात दिवाळी अंकही...
संपूर्ण देशातून मॉन्सून परतलापुणे : नैर्ऋत्य मोसमी वारे (माॅन्सून) रविवारी (ता...
डॉ. हद्दाड आणि डाॅ. नॅबार्रो यांना २०१८...पुणे : जगभरातील कुपोषित माता आणि बालकांना...
हुमणीग्रस्त ऊसक्षेत्र चार लाख हेक्टरवरपुणे ः राज्यात दुष्काळामुळे त्रस्त झालेल्या...
पाणीटंचाईने संत्राबागांची होरपळअमरावती ः विदर्भाचा कॅलिफोर्निया अशी ओळख असलेल्या...
उन्हाचा चटका वाढलापुणे : राज्यात पावसाने उघडीप दिल्यानंतर कमाल...
पाच मिनिटांत एका एकरवर फवारणी !...शेतीमध्ये आधुनिक तंत्रज्ञान आले पाहिजे, असे जो तो...
‘सह्याद्री’ च्या शिवारात हवामान अाधारित...अत्याधुनिक संगणकीय, उपग्रह व डिजिटल या प्रणाली...
द्राक्षपट्ट्याला दुष्काळाचे ग्रहणसांगली ः गेल्यावर्षीपेक्षा यंदा पाऊस कमी झालाय......
पर्यावरण संवर्धन, ग्राम पर्यटनाला चालनापर्यावरण संवर्धन, अभ्यासाच्या बरोबरीने ‘मलबार...