महाबीजचे ९० टक्के बियाणे बाजारात

महाबीजचे ९० टक्के बियाणे बाजारात
महाबीजचे ९० टक्के बियाणे बाजारात

अकोला  : खरिपासाठी महाबीज ५ लाख ९६ हजार क्विंटल बियाणे पुरविणार अाहे. यापैकी ९० टक्के बियाणे राज्यातील बाजारात दाखल झाले अाहेत. उर्वरित बियाणे अाठ दिवसांत पुरविण्यात येईल, अशी माहिती महाबीजचे विपणन महाव्यवस्थापक रामचंद्र नाके यांनी दिली.  खरिप हंगामासाठी महाबीजने वेगवेगळ्या पिकांचे बियाणे पुरविण्याचे नियोजन केले अाहे. यात तृणधान्य एक लाख चार हजार २७९ क्विंटल, कडधान्य ४० हजार ४१० क्विंटल, गळीतधान्य साडेचार लाख क्विंटल व इतर बियाणे १३४२ क्विंटल असे एकूण पाच लाख ९६ हजार ३२ क्विंटल बियाणे महाबीज उपलब्ध करून देणार अाहे. या बियाण्यांपैकी ९० टक्के बियाणे बाजारात पुरविण्यात अाले अाहे.     ग्राम बीजोत्पादन योजनेअंतर्गत सोयाबीन जेएस ३३५ हे ३० किलो बियाणे बॅग १३५० रुपयांना शेतकऱ्यांना मिळेल. धान एमटीयू १००१, एमटीयू १०१०, अायअार ६४, सुवर्णा या वाणांची २५ किलोची बॅग ४६२.५० रुपयांना तर जेजीएल १७९८ या वाणाची २५ किलोची बॅग  ६८७.५० अाणि कर्जत ३ ही २५ किलोची बॅग ४०० रुपयांना दिली जाईल. हे बियाणे अनुदानित किमतीवर केंद्र व राज्य सरकारच्या महत्त्वाकांक्षी योजनेमध्ये पुरविले जात अाहे.  बीजोत्पादन योजना महाबीजच्या वतीने सोयाबीन व धान या पिकांसाठी राज्यात ग्राम बीजोत्पादन योजना राबवली जाणार अाहे. सोयाबीनच्या जेएस ३३५ या वाणासाठी पुणे, कोल्हापूर, सातारा, सांगला अाणि गडचिरोली, भंडारा व गोंदिया अाणि कोकणातील सर्व जिल्हे वगळून उर्वरित २२ जिल्ह्यांचा समावेश अाहे. तर धानाच्या एमटीयू १०१०, एमटीयू १००१, जेजीएल १७९८, अायअार ६४ व कर्जत ३ या वाणासाठी विदर्भातील नागपूर, भंडारा, गोंदिया, गडचिरोली अाणि चंद्रपूर या जिल्ह्यात ग्राम बीजोत्पादन घेतले जाणार अाहे. शेतकऱ्यांना एक एकर क्षेत्र मर्यादेत अनुदानावर यासाठी बियाणे दिले जात अाहे. शेतकऱ्यांनी सातबारा व अाधार कार्डची झेरॉक्स, मोबाईल क्रमांक इत्यादी माहिती घेऊन नजीकच्या कृषी विभाग किंवा महाबीज कार्यालयात संपर्क साधावा. परमीटवर नमूद लोकवाट्याची रक्कम भरून महाबीज विक्रेत्यांकडून अनुदानावर बियाणे प्राप्त करून घ्यावे असेही महाबीजने सूचविले अाहे.     राज्यात अधिकृत शेतकरी गट व फार्मर प्रोड्यूसर कंपनी यांनी उत्पादित केलेले सोयाबीन प्रमाणीत बियाणे उपलब्ध असल्यास ते महाबीज घेणार असून, शेतकऱ्यांना उपलब्ध करून देईल. संबंधित गट, कंपन्यांनी महाबीजच्या कार्यालयाशी संपर्क साधल्यास त्या बियाण्यांची पडताळणी केली जील. त्यानंतर त्याचा मोबदला देऊन महाबीज हे बियाणे घेईल. ते शेतकऱ्यांना हंगामासाठी देण्यात येणार अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com