agriculture news in marathi, Maharashtra get four National aWards in National Gokul Mission | Agrowon

‘राष्ट्रीय गोकुळ मिशन’अंतर्गत महाराष्ट्राला चार राष्ट्रीय पुरस्कार
वृत्तसेवा
रविवार, 3 जून 2018

नवी दिल्ली : केंद्रीय कृषी मंत्रालयांतर्गत येणाऱ्या ‘राष्ट्रीय गोकूळ मिशन’च्या वतीने आज महाराष्ट्राला चार पुरस्कार प्राप्त झाले. पुरस्कारांचे वितरण केंद्रीय कृषिमंत्री राधामोहन सिंह आणि  केंद्रीय कृषी राज्यमंत्री कृष्णा राज यांच्या हस्ते करण्यात आले. 

नवी दिल्ली : केंद्रीय कृषी मंत्रालयांतर्गत येणाऱ्या ‘राष्ट्रीय गोकूळ मिशन’च्या वतीने आज महाराष्ट्राला चार पुरस्कार प्राप्त झाले. पुरस्कारांचे वितरण केंद्रीय कृषिमंत्री राधामोहन सिंह आणि  केंद्रीय कृषी राज्यमंत्री कृष्णा राज यांच्या हस्ते करण्यात आले. 

येथील पुसा राष्ट्रीय कृषी संशोधन केंद्रातील ए. पी. शिंदे सभागृहात केंद्रीय कृषी आणि शेतकरी कल्याण मंत्रालयाच्या वतीने ‘जागतिक दुग्ध दिना’चे औचित्य साधून कार्यक्रमाचे आयोजन करण्यात आले. यावेळी केंद्रीय कृषी शेतकरी कल्याण मंत्री राधामोहनसिंह, राज्यमंत्री कृष्णा राज आणि वरीष्ठ अधिकारी उपस्थित होते. ‘राष्ट्रीय गोकूळ मिशन’अंतर्गत राष्ट्रीय गोपालरत्न आणि अन्य पुरस्कारांचे वितरण यावेळी करण्यात आले. 

यावर्षी नाशिक जिल्ह्यातील तरसाळी (ता. बागलान) येथील अनिरुद्ध पाटील यांना राष्ट्रीय गोपालरत्न पुरस्काराने सन्मानित करण्यात आले. श्री. पाटील हे अभियंता असून काही काळ त्यांनी नोकरी केली. नंतर गावी येऊन त्यांनी ‘सारजा डेरी फर्म’ सुरू केले. सध्या त्यांच्याकडे १३० गीर गायी आहेत. या गायींपासून दरराेज २०० लिटर दूध मिळते. गायींचे संगोपन, दुग्ध व्यवसाय, देशी गोवंशाची वाढ व्हावी यासाठी प्रचार-प्रसार करणे, स्थानिक शेतकऱ्यांना पशुधनाचे महत्त्व पटवून देण्याचे काम ते करतात. याशिवाय गायीपासून दुग्ध, गोमूत्र, गवरी, तूप, सेंद्रिय खत आदीचे उत्पादनही करतात. त्यांच्या या विशेष कार्याची दखल म्हणून त्यांना राष्ट्रीय गोपालरत्न पुरस्काराने सन्मानित करण्यात आले. पुरस्काराचे स्वरूप ५ लाख रुपये रोख, सन्मानचिन्ह असे आहे. 

महाराष्ट्र शासनाच्या पशुसंवर्धन मंत्रालयाच्या वतीने ‘राष्ट्रीय गोकूळ मिशन’ उत्कृष्टपणे राबविल्याबद्दल महाराष्ट्राला आज पुरस्कृत करण्यात आले. हा पुरस्कार राज्याचे पशुसंवर्धन आयुक्त कांतिलाल उमाप यांनी स्वीकारला. पुरस्काराचे स्वरूप ५१ हजार रुपये आणि सन्मान चिन्ह असे आहे. 

उत्कृष्ट पशुचिकित्सकाचा पश्चिम विभागाचा प्रथम पुरस्कार कराड (जि.सातारा) शासकीय पशुचिकित्सक पॉलीक्लिनिकचे सहायक आयुक्त डॉ. अंकुश परिहार यांना तर द्वितीय पुरस्कार पश्चिम विभागाचा द्वितीय पुरस्कार पंढरपूर (जि. साेलापूर) येथील पशुचिकित्सालयातील सहायक आयुक्त डॉ. दिनकर र्बोडे यांना केंद्रीय कृषी राज्यमंत्री कृष्णा राज यांच्या हस्ते प्रदान करण्यात आला. पुरस्काराचे स्वरूप ३० हजार रुपये आणि सन्मान चिन्ह असे आहे.
 

इतर बातम्या
नाशिक तालुक्यात गारपिटीने द्राक्ष...नाशिक  : मागील आठवड्यात झालेल्या गारपिटीचा...
नत्र कमतरतेत मुळांच्या वाढीसाठी कार्यरत...जमिनीमध्ये नत्राची कमतरता असताना नत्राची पूर्तता...
जालना, औरंगाबाद, बीड, उस्मानाबादेत पाऊस...औरंगाबाद  : मराठवाड्यातील चार जिल्ह्यांतील...
दीड टक्‍क्‍यावर मराठवाड्यातील पाणीऔरंगाबाद : मराठवाड्यातील ८७२ प्रकल्प व...
‘संत्रा उत्पादकांना द्या भरीव मदत’नागपूर ः उन्हामुळे संत्रा उत्पादकांचे झालेल्या...
कोल्हापुरात कर्नाटकी बेंदूर उत्साहातकोल्हापूर : शहर व जिल्ह्यात मंगळवारी कर्नाटकी...
नाशिक जिल्ह्यात गोवर्धन गोवंश सेवा...नाशिक  : नाशिक जिल्ह्यातील आठ महसुली...
नांदेड, परभणी, हिंगोली : सहा लाखांवर...नांदेड : पंतप्रधान किसान सन्मान योजनेची व्याप्ती...
वाशीम जिल्ह्यात पंतप्रधानांच्या पत्राचे...वाशीम : आगामी पावसाळ्यात पावसाच्या पाण्याचे...
जलसंवर्धन कामांची राजू शेट्टींनी केली...बुलडाणा ः दुष्काळावर मात करण्यासाठी जलसंवर्धनाची...
सोलापुरात साडेबारा कोटी रुपयांची ६६...सोलापूर : लोकशाहीर अण्णा भाऊ साठे नागरी...
कर्ज नाकारणाऱ्या बॅंकांवर गुन्हे नोंदवू...सोलापूर : खरीप हंगामात किती शेतकऱ्यांना...
पीकविमा, दुष्काळी मदतीसाठी शेतकऱ्यांचा...माळाकोळी,जि.नांदेड : गतवर्षीच्या खरीप पिकांच्या...
विधिमंडळ प्रतोदपदी आमदार आकाश फुंडकर बुलडाणा ः जिल्ह्यातील खामगाव विधानसभा मतदारसंघाचे...
बचत गट चळवळ बनली गावासाठी आधारनागठाणे, जि. सातारा : ‘गाव करील ते राव काय करील’...
नगरमध्ये चांगला पाऊस पडेपर्यंत छावण्या...नगर : नगर जिल्ह्यामध्ये ४९८ छावण्या सुरू आहेत....
पुणे : पावसाअभावी खरीप पेरण्या खोळंबल्यापुणे ः जूनचा अर्धा महिना ओलांडला तरी अजूनही...
शेतकऱ्यांचा सातबारा कोरा करण्याची मागणी...मुंबई  शेतकऱ्यांचा सातबारा उतारा कोरा झालाच...
राज्य अर्थसंकल्प : सर्वसमावेशक ‘निवडणूक...मुंबई : राज्यात मोसमी पाऊस लांबला असला तरी आगामी...
कृषी सहायकांसाठी ग्रामपंचायतीत बैठक...मुंबई : शेतकरी आणि शासन यांच्यातला दुवा...