परभणीत शनिवारपासून महाराष्ट्र सिंचन परिषद

संग्रहित छायाचित्र
संग्रहित छायाचित्र

परभणी : दुर्मिळ पाण्याचे आदर्श व्यवस्थापन या विषयावर परभणी येथे शनिवारी (ता.३०) आणि रविवारी (ता.३१) १८व्या महाराष्ट्र सिंचन परिषदेचे आयोजन करण्यात आले आहे. या निमित्त उत्कृष्ट पाणी व्यवस्थापनाबद्दल परभणी आणि हिंगोली जिल्ह्यातील चार शेतकऱ्यांना पुरस्काराने सन्मानित करण्यात येणार आहे.

शनिवारी (ता.३०) सकाळी दहा वाजता ज्ञानोपासक महाविद्यालयामध्ये या परिषदेचे उद्‌घाटन वसंतराव नाईक मराठवाडा कृषी विद्यापीठाचे कुलगुरू डाॅ. बी. व्यंकटेश्वरलू यांच्या हस्ते होणार आहे. अकोला येथील डाॅ. पंजाबराव देशमुख कृषी विद्यापीठाचे कुलगुरू डाॅ. व्ही. एम. भाले यांची प्रमुख उपस्थिती राहणार आहे.

या वेळी स्वागताध्यक्ष गणेशराव दुधगांवकर, महाराष्ट्र सिंचन सहयोगचे संस्थापक डाॅ. माधवराव चितळे, अध्यक्ष डाॅ. दि. मा. मोरे, सिंचन सहयोग परभणीच्या अध्यक्षा डाॅ. संध्याताई दूधगांवकर आदी उपस्थित राहणार आहेत.

सिंचन परिषदेतर्फे उत्कृष्ट पाणी व्यवस्थापनाबद्दल शेतकऱ्यांना देण्यात येणारे पुरस्कार आर. टी. देशमुख (रा. इरळद, जि. परभणी), प्रताप काळे (रा. धानोरा काळे, जि. परभणी), चंद्रकांत कुलकर्णी (रा. डोंगरकडा, जि. हिंगोली), रामेश्वर मांडगे (रा. बेलवाडी, जि. हिंगोली) यांना देण्यात येणार आहेत. या वेळी डाॅ. एस. बी. वराडे, माधवराव पाटील शेळगांवकर, उत्तम दगडू, वसंतराव अंबुरे, यांच्या कार्याबद्दल सत्कार करण्यात येणार आहे.

ग्रामीण भागातून येऊन यशस्वी उद्योग उभारणी केल्याबद्दल भालचंद्र पेडगांवकर, पुरुषोत्तमलाल खुराणा, युसूफ इनामदार, मुरलीधर डाके यांचा सत्कार करण्यात येणार आहे. या परिषदेमध्ये पाणी व्यवस्थापन या विषयावरील परिसंवादमध्ये डाॅ. माधवराव चितळे, डाॅ. दि. मा. मोरे, विजयअण्णा बोराडे, डाॅ. सुभाष टाले, या. रा. जाधव, डाॅ. भगवान कापसे, डाॅ. एस. बी. वराडे, डाॅ. सुनील गोरंटीवार, रा. ब. घोटे, डाॅ. सुरेश कुलकर्णी सहभागी होणार आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com