Agriculture news in Marathi, MAIDC,Maharashtra Agro Industries Development Corporation | Agrowon

'कृषी उद्योग'मधील भ्रष्टाचाराची शस्त्रक्रिया
मनोज कापडे
मंगळवार, 29 ऑगस्ट 2017

पुणे : महाराष्ट्र कृषी उद्योग महामंडळातील (एमएआयडीसी) आर्थिक अनागोंदीला लगाम घालण्याचा निर्णय शासनाने घेतला आहे. बीबीएफ ते इतर औजारांमधील घोटाळ्यात चर्चेत असलेले उच्चपदस्थ अधिकारी डी. के. सूर्यगण यांच्या विरोधात थेट खटला भरण्याची तयारी सुरू झाल्यामुळे महामंडळातील भ्रष्ट लॉबी हादरली आहे. 

पुणे : महाराष्ट्र कृषी उद्योग महामंडळातील (एमएआयडीसी) आर्थिक अनागोंदीला लगाम घालण्याचा निर्णय शासनाने घेतला आहे. बीबीएफ ते इतर औजारांमधील घोटाळ्यात चर्चेत असलेले उच्चपदस्थ अधिकारी डी. के. सूर्यगण यांच्या विरोधात थेट खटला भरण्याची तयारी सुरू झाल्यामुळे महामंडळातील भ्रष्ट लॉबी हादरली आहे. 

महामंडळाचे उपमहाव्यवस्थापक महेंद्र बोरसे यांनी एक गोपनीय चौकशी अहवाल राज्याच्या प्रधान कृषी सचिव बिजयकुमार यांना पाठविला आहे. माजी उपमहाव्यवस्थापक डी. के. सूर्यगण यांच्या कार्यकाळात निविदा प्रक्रियेत अनियमितता, गैरशिस्त आणि गैरकारभार दिसून येतो. शासनाने मान्य केलेल्या सामायिक यादीप्रमाणे सूर्यगण यांची विभागीय चौकशी ही सेवानिवृत्त अधिकाऱ्याकडे सोपविण्याचे प्रस्तावित आहे, असे या अहवालात म्हटले आहे. 

व्यवस्थापकीय संचालक करंजकर तसेच कृषिमंत्र्यांकडेही पाठविलेल्या या अहवालात सूर्यगण यांच्यावर पोलिस खात्यात प्राथमिक चौकशी अहवाल (एफआयआर) दाखल करण्याची परवानगी मागण्यात आलेली आहे. 

‘भविष्यात महामंडळाची बदनामी होऊ नये यासाठी सूर्यगण यांच्याकडून आरोपपत्राद्वारे खुलासा मागवून चौकशी करण्याच्या प्रस्तावास मंजुरी देण्यात यावी. मात्र, त्याआधी सूर्यगण यांना निलंबित करून एफआयआर दाखल करण्यासाठी आदेश प्राप्त व्हावेत. तशी मंजुरी मिळताच सूर्यगण यांच्या विरोधात एफआरआर दाखल करण्यासाठी उपमहाव्यवस्थापक (कृषी अभियांत्रिकी) यांना आदेश देण्यात येतील, असे या अहवालात नमूद करण्यात आले आहे.  
 
बैलगाडी ते बीबीएफपर्यंत पैशांची गंगा
कृषी उद्योग महामंडळात पद्धतशीर साखळी तयार झाल्यामुळे महामंडळात बैलगाड्यांपासून ते बीबीएफ प्लांटरपर्यंत सर्वच कंत्राटांमध्ये पैशांची गंगा वाहिली आहे. त्यात ठेकेदार आणि अधिकाऱ्यांनी आपले हात धुऊन घेतल्याचे मंत्रालयातील सूत्रांचे म्हणणे आहे. सूर्यगण यांनी निविदा न काढताच ठेकेदारांशी खरेदीचे व्यवहार केले होते. चौकशीत ते दोषी आढळले आहेत. ‘बीबीएफ प्लांटरसाठी वर्धा येथील एका फर्मला निविदेनुसार कंत्राट मिळाले होते. मात्र, निविदेत भाग घेतलेले नसतानाही विदर्भ, खानदेश आणि पश्चिम महाराष्ट्रातील तीन फर्मची बीबीएफ प्लांटरचे कंत्राट बहाल करण्यात आले,’ असे अहवाल सांगतो. 

खुलासा आल्यानंतर कारवाई ः कृषिमंत्री  पांडुरंग फुंडकर
कृषी उद्योग महामंडळातील विविध घोटाळ्यांबाबत ठपका ठेवण्यात आलेले तत्कालीन उपमहाव्यवस्थापक डी. के. सूर्यगण यांच्या चौकशीचा अहवाल कृषिमंत्री पांडुरंग फुंडकर यांनादेखील पाठविण्यात आलेला आहे. ‘या प्रकरणाची चौकशी झालेली आहे. कारवाई होईल. सूर्यगण यांच्यावर ठेवलेल्या आरोपांबाबत शासनाने खुलासा मागविला आहे. खुलासा आल्यानंतर कारवाई होईल,’ अशी माहिती कृषिमंत्री फुंडकर यांनी दिली. 

अॅग्रो इफेक्ट 
अॅग्रोवनने केला होता गैरव्यवहाराचा पाठपुरावा 

राज्यातील शेतकऱ्यांना कृषी उद्योग महामंडळाच्या माध्यमातून पुरविण्यात आलेल्या बीबीएफ प्लांटरमधील गैरव्यवहार अॅग्रोवनकडून सर्वप्रथम उघडकीस आणला गेला. एका सविस्तर मालिकेमधून बीबीएफमधील तांत्रिक घोटाळा व त्यात शासकीय अनुदानाची झालेली हानी यावर प्रकाश टाकला गेला होता. याशिवाय ॲग्रोवनमध्ये या संदर्भात इतर अनेक बातम्या, लेखांसह पाठपुरावा करण्यात आला. यामुळे विधिमंडळातदेखील चर्चा घडून आली. कृषी उद्योग महामंडळाने घेतलेल्या चुकीच्या भूमिकेचा फायदा घेत जिल्हा परिषदेच्या माध्यमातूनदेखील कोट्यवधींची अौजार खरेदी झाली होती. अॅग्रोवनकडून आणखी एका मालिकेद्वारे या खरेदीचा भांडाफोड करण्यात आला आहे. 

इतर अॅग्रो विशेष
झळा दुष्काळाच्या : शेतशिवार सुने......झळा दुष्काळाच्या ः जिल्हा औरंगाबाद गरज...
पाण्याचे राजकारण कोणीही करणार नाही ः...पुणे: राज्यातील गावा-गावांतील सामान्‍य...
नाशिकच्या आठ तालुक्यांत दुष्काळाचे संकटनाशिक : जुलैच्या पहिल्या आठवड्यात पीकपेरणी करून...
कृषी 'सेवापुलिंग'चे सर्व आदेश रद्दपुणे : कृषी खात्यातील काही महाभागांनी राज्य शासन...
भाताच्या खोडकिडी ल्यूर पाकिटात...चंद्रपूर ः भातावरील खोडकिडीचे पतंग आकर्षित व्हावे...
ग्रामपंचायतींमध्ये पीकनिहाय कृषी संदेश...पुणे: बोंड अळी तसेच पावसाचा खंड असल्यामुळे...
शेतकरी नवराच हवा गं बाई... कोल्हापूर : ‘शेतकरी नवरा नको गं बाई’ म्हणून...
कोकण, मध्य महाराष्ट्राच्या दक्षिण भागात...पुणे : कोकणाच्या सिंधुदुर्ग, रत्नागिरी, मध्य...
‘एमएसीपी’चे फलित काय ?पुणे : जागतिक बॅंकेकडून सुमारे ४५० कोटी रुपयांचे...
एकशेपंचवीस प्रकारच्या देशी बियाणांचा...काळा गहू, काळा हुलगा, लाल उडीद, पांढरे कारळे, साठ...
स्वादयुक्त, निर्यातक्षम आंबेमोहोर...निमझरी (जि. धुळे) येथील मच्छिंद्र, छगन आणि...
केरळला १०० कोटींची मदतकोची : केरळमधील पूरग्रस्त भागाची आज हवाई...
वानरांचा बंदोबस्त करणार कसा? माकडे आणि वानरे हजारो वर्षांपासून जंगलामध्ये,...
योजना चांगली, पण...हा य व्होल्टेज डिस्ट्रिब्युशन सिस्टिम (एचव्हीडीएस...
क्रॉपसॅप निरीक्षणाला अधिकाऱ्यांचा ‘खो'नागपूर ः क्रॉपसॅप प्रकल्पाअंतर्गत आठवड्यातून दोन...
‘दीडपट हमीभाव’प्रश्‍नी जनहित याचिकामुंबई: केंद्र सरकारने खरीप हंगामासाठी शेतीमालाला...
मॉन्सूनच्या काळात ७१८ जणांचा मृत्यूनवी दिल्ली ः देशात यंदाच्या माॅन्सूच्या काळात...
मराठवाड्यातील प्रकल्पांमधील पाणीसाठा...औरंगाबाद : पावसाळा सुरू असला तरी पाऊसच पडत...
कोकण, मध्य महाराष्ट्रात मुसळधारेचा अंदाजपुणे : राज्यात दडी मारलेल्या पावसाला पुन्हा...
वर्धा जिल्ह्यात कपाशीवर बोंड अळीचा...वर्धा ः जून महिन्यात लागवड करण्यात आलेल्या कपाशी...