खानदेशात मक्याची आवक नगण्य

मक्‍याचे दर १९०० रुपये प्रतिक्विंटलपर्यंत आहेत. परंतु आवकच नाही. कारण शेतकऱ्यांकडे मका नाही. पुढेही आवक कमीच राहील, कारण जळगाव किंवा इतर भागात अमेरिकन लष्करी अळीमुळे मका पीक जेमतेम आहे. - कैलास चौधरी , संचालक, जळगाव बाजार समिती.
संग्रहित छायाचित्र
संग्रहित छायाचित्र

जळगाव : खानदेशातील प्रमुख बाजार समित्यांमध्ये मक्‍याची आवक अगदी नगण्य असून, दरातही मागील १०-१२ दिवसांत बऱ्यापैकी वाढ झाली आहे. परंतु या दराचा लाभ शेतकऱ्यांना होणार नाही. कारण शेतकऱ्यांकडे मका उपलब्ध नसल्याचा मुद्दा काही शेतकरी व बाजार समितीच्या संचालकांनी मांडला आहे. 

जळगाव, पाचोरा, अमळनेर, धुळ्यातील दोंडाईचा व शिरपूर आणि नंदुरबार व शहादा या बाजार समित्यांमध्ये मक्‍याची अधिक आवक होते. खरिपात मका लागवड कमी असते. तरीदेखील फेब्रुवारीअखेरपर्यंत आवक सुरू असते. परंतु यंदा दुष्काळी स्थितीचा फटका सर्वत्र बसल्याने मक्‍याची आवक रखडतच सुरू होती. जळगाव जिल्ह्यातील १२ शासकीय खरेदी केंद्रांत फक्त २०० क्विंटल मक्‍याची आवक झाली. कारण मक्‍याला बाजारात हमीभावाइतके दर होते. या महिन्याच्या पहिल्या पंधरवड्यात आवक अगदी कमी झाली. 

जळगाव, अमळनेर येथील बाजारात प्रतिदिन मिळून १०० क्विंटलही आवक होत नसल्याची स्थिती आहे. आवक नगण्य असल्याने दरात काहीशी वाढ झाली असून, ते १९०० रुपयांपर्यंत पोचले आहे. खानदेशात रब्बी हंगामात मक्‍याची २० हजार हेक्‍टरवरही लागवड झालेली नाही. 

मागील हंगामात मक्‍याची एकट्या जळगाव जिल्ह्यात ७० हजार हेक्‍टरवर लागवड झाली होती. आवक मार्चपासून वाढली. ती जूनअखेरपर्यंत कायम होती. कमाल दर १२५० रुपये प्रतिक्विंटलपर्यंत मिळाले होते. परंतु यंदा खरिपातील मक्‍यास १७०० पर्यंत दर मिळाले. सद्यःस्थितीत जे दर आहेत, ते पुढेही टिकून राहतील, कारण मार्चपर्यंत आवक वाढणार नाही. मागील हंगामाच्या तुलनेत या रब्बीमधील मक्‍याचे दर किमान १५०० रुपयांपर्यंत राहतील, असा अंदाज कृषी उत्पन्न बाजार समितीमधील सूत्रांनी व्यक्त केला.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com