जगात मक्याचा वापर वाढणार

संग्रहित छायाचित्र
संग्रहित छायाचित्र
नवी दिल्ली ः  यंदा (२०१७-१८) जगातील मका उत्पादन १०४० दशलक्ष टनांवर पोचण्याची शक्यता अाहे. जागतिक स्तरावर मक्याचा वापर वाढणार असल्याचा अंदाज अांतरराष्ट्रीय धान्य परिषदेने (अायजीसी) व्यक्त केला अाहे.
 
मक्याचा वापर २.७ दशलक्ष टनांनी वाढून १०६९ दशलक्ष टनांवर जाईल, असे ‘अायजीसी’ने मासिक अहवालात म्हटले अाहे. अाॅक्टोबर महिन्यात जाहीर केलेल्या अंदाज अहवालात जगात मका उत्पादन १०३४ दशलक्ष टन होईल, असे म्हटले होते. त्यात अाता अाणखी वाढ होणार असल्याचे नोव्हेंबरमधील अहवालात नमूद केले अाहे. 
 
अमेरिका, युरोपीय देश, रशिया अाणि चीनमध्ये मक्याचा वापर वाढणार अाहे. जागतिक स्तरावर वापर वाढूनही मक्याच्या शिल्लक साठा अधिक राहणार अाहे. जगातील शिल्लक साठा २०६ दशलक्ष टन राहणार अाहे, असे धान्य परिषदेने म्हटले अाहे. 
 
गव्हाचे उत्पादन ७४९ दशलक्ष टनांवर पोचणार
गव्हाचे जागतिक स्तरावरील उत्पादन वाढून ते ७४९ दशलक्ष टनांवर पोचेल. विशेषतः रशियातील गहू उत्पादन वाढणार अाहे. तर युरोपीय देशांमधील उत्पादन कमी होणार अाहे. गव्हाचा वापर ७४१.६ दशलक्ष टन राहील. तर शिल्लक साठा २ लाख टनांनी कमी होऊन तो २४९ दशलक्ष टनांपर्यंत खाली येईल, असे अहवालात म्हटले अाहे.
 
सोयाबीन उत्पादनात घटीचे संकेत
यंदा जगातील भात उत्पादन ४८२ दशलक्ष टन होईल. तर वापर ४८४ दशलक्ष टन राहील, असा अंदाज धान्य परिषदेने व्यक्त केला अाहे. तर सोयाबीन उत्पादन ३४८ दशलक्ष टनांवर पोचेल.
 
गेल्या वर्षी ३५० दशलक्ष टन सोयाबीन उत्पादन झाले होते. यंदा त्यात काही प्रमाणात घट होणार असल्याचे संकेत देण्यात अाले अाहेत. जागतिक स्तरावर सोयाबीन व्यापारात वाढ होऊन तो १५३ दशलक्ष टनांपर्यंत जाईल, असेही नमूद करण्यात अाले अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com