agriculture news in Marathi, Mandeshi festival will start tomorrow, Maharashtra | Agrowon

मुंबईत उद्यापासून रंगणार माणदेशी महोत्सव
टीम अॅग्रोवन
बुधवार, 3 जानेवारी 2018

मुंबई : सातारा जिल्ह्यातील दुष्काळी माणदेशी भागातील महिला शेतकऱ्यांची वैविध्य आणि वैशिष्ट्यपूर्ण उत्पादने तसेच ग्रामीण संस्कृतीने नटलेला माणदेशी महोत्सव येत्या गुरुवारपासून (ता. ४) मुंबईत होणार आहे. यंदा ४ जानेवारी ते ७ जानेवारीपर्यंत हा महोत्सव येथील रवींद्र नाट्यमंदिराच्या प्रांगणात भरणार आहे. 

मुंबई : सातारा जिल्ह्यातील दुष्काळी माणदेशी भागातील महिला शेतकऱ्यांची वैविध्य आणि वैशिष्ट्यपूर्ण उत्पादने तसेच ग्रामीण संस्कृतीने नटलेला माणदेशी महोत्सव येत्या गुरुवारपासून (ता. ४) मुंबईत होणार आहे. यंदा ४ जानेवारी ते ७ जानेवारीपर्यंत हा महोत्सव येथील रवींद्र नाट्यमंदिराच्या प्रांगणात भरणार आहे. 

दुष्काळी भागातील महिला सक्षमीकरण आणि त्यांना प्रोत्साहन देण्याचे काम करणाऱ्या माणदेशी फाउंडेशनने याचे आयोजन केले आहे. प्रसिद्ध दिग्दर्शक आशुतोष गोवारीकर प्रमुख पाहुणे म्हणून महोत्सवात सहभागी होणार आहेत. गावाकडील संस्कृतीचा प्रत्यक्ष अनुभव घेण्यासाठी मुंबईकरांनी या महोत्सवात येऊन आनंद घ्यावा, असे आवाहन फाउंडेशनच्या अध्यक्षा चेतना सिन्हा यांनी केले आहे. 

या महोत्सवात माणदेशाचे वैशिष्ट्य असलेले माणदेशी जेन, घोंगडी, दळण्यासाठी जाती व खलबत्ते, केरसुण्या, दुरड्या, सुपल्या, हे साहित्य व माणदेशी माळरानातली गावरान ज्वारी, बाजरी, देशी कडधान्य, तसेच चटकदार चटण्या व मसाल्यांची चव चाखता येणार आहे. यावर्षी माणदेशी महोत्सवात ९० ग्रामीण उद्योजक आपल्या उत्पादनांद्वारे सहभागी होणार आहेत.

त्याचसोबत घरच्या घरी तयार केलेल्या खास सातारी टच असलेल्या विविध चटण्या, पापड, लोणचे, खर्डा, ठेचा, शेव-पापड आदी विविध बाबी उपलब्ध असणार आहेत. त्याचप्रमाणे हातमागावरच्या आणि हाताने कलाकुसर केलेल्या शाली, साड्या, दुपट्टे, ब्लाऊज, ड्रेस मटेरिअल्सदेखील खरेदी करता येणार आहे. यावर्षी कर्नाटक, काश्मीर, लखनौ आणि कलकत्ता येथील कारागीरांनादेखील महोत्सवासाठी निमंत्रित करण्यात आले आहे.

तसेच या महोत्सवाचे आणखी प्रमुख आकर्षण म्हणजे बारा बलुतेदार होय. ग्रामीण संस्कृतीचा कणा असलेले सुतार, लोहार, कुंभार यांची थेट कला येथे पाहण्यास आणि अनुभवण्यास मिळणार आहे. संध्याकाळी माणच्या मातीचं दर्शन घडविणारे खेळ, लोकनृत्य, लोकसंगीत यांचादेखील आस्वाद उपस्थितांना घेता येणार आहे. माण तालुक्यातील गाझी लोकनृत्य, तसेच एका सायंकाळी उपस्थितांना महिला कुस्त्यांचा आनंद घेता येणार आहे.

इतर अॅग्रो विशेष
कौशल्य विकास कार्यक्रमातून मिळतोय एकीचा...राज्यात गेल्या दीड दशकामध्ये गटशेतीचे मूळ...
कौशल्य विकासातून गटशेतीसाठी शेतकरी...मुंबई ः शेतीतून उत्पन्न वाढवायचे असेल तर...
पोषणमूल्यावर आधारित कृषी प्रकल्पास...पुणे : राज्यातील कृषी विज्ञान केंद्रांच्या मदतीने...
हमीभाव न देणाऱ्या व्यापाऱ्यांचे परवाने...सोलापूर : हमीभावापेक्षा कमी दराने शेतमाल खरेदी...
खानदेशात कापूस लागवड वाढण्याचा अंदाजजळगाव : खानदेशात आगामी खरिपात कापूस लागवड किंचित...
अाॅनलाइन नोंदणी न झाल्यास शेतकरीच...अकोला ः शासनाच्या आधारभूत किमतीने तूर खरेदीसाठी...
संपूर्ण शेतीमाल नियमनमुक्त करावापुणे ः राज्य सरकारने संपूर्ण शेतीमाल...
कोरडवाहू फळ संशोधन कार्याला गती...परभणी: पोषण मूल्यांच्या सुरक्षिततेसाठी...
राज्यातील सत्तावीस कृषी महाविद्यालयांचे...पुणे : भारतीय कृषी संशोधन परिषदेची आदर्श...
दुष्काळग्रस्त १५१ तालुक्यांसाठी दोन...मुंबई : राज्यातील खरीप हंगाम २०१८ मध्ये...
विदर्भात उद्यापर्यंत पावसाचा अंदाजपुणे : राज्याच्या कमाल तापमानात सातत्याने वाढ होत...
एकात्मिक कीड नियंत्रणासाठी फेरोमोन...रासायनिक कीडनाशकांना किटक प्रतिकारक होत असून,...
परागकणांचा मागोवा घेण्याची कार्यक्षम...दक्षिण आफ्रिकेतील स्टेल्लेनबाऊच विद्यापीठातील...
खानदेशात पाणीटंचाईच्या प्रस्तावात वाढजळगाव : खानदेशात पाणीटंचाईचे प्रस्ताव वाढत आहेत....
कडाक्याच्या थंडीने गव्हाच्या विविध...सातारा ः येथील वेण्णा तलाव परिसरात असलेल्या...
राहुरी कृषी विद्यापीठाचा दर्जा घसरलापुणे: राहुरी येथील महात्मा फुले कृषी...
कणेरी मठावर देशातील पहिले डिव्हाइन...कोल्हापूर : हजारो फुलझाडांसह विविध प्रकारची...
आंध्र प्रदेशातील एका कंपनीचा परवाना `...नागपूर ः आंध्र प्रदेशातील एका बियाणे कंपनीच्या...
आणखी साडेचार हजार गावांमध्ये दुष्काळी...मुंबई : खरीप हंगाम २०१८ मध्ये राज्यातील ५०...
मराठवाड्यात आज पावसाचा अंदाजपुणे : कमाल तापमानात वाढ झाल्याने राज्यात...