नगर : मांडओहळ धरण १०० टक्के भरले

मांडओहोळ प्रकल्प, टाकळी ढोकेश्वर, ता. पारनेर, जि. नगर
मांडओहोळ प्रकल्प, टाकळी ढोकेश्वर, ता. पारनेर, जि. नगर

टाकळी ढोकेश्वर : पारनेर तालुक्याला वरदान ठरलेला मांडओहोळ प्रकल्प आज पहाटे पाच वाजता पुर्ण क्षमतेने भरला आहे. त्यामुळे टाकळी ढोकेश्वरसह परीसरातील गावांचा पाणीप्रश्न मिटला आहे. अशी माहीती शाखा अभियंता भाऊसाहेब घनदाट यांनी दिली.

धरणामध्ये एकूण ३९९ दशलक्ष घनफूट तर उपयुक्त ३१० दशलक्ष घनफूट पाणीसाठा आहे. (ता. २५) आॅगस्ट रोजी या धरणात ३२% साठा होता पंरतु पळसपुर, शिंदेवाडी, काताळवेढा, काळेवाडी, सावरगाव परिसरात दोन दिवसापासून झालेल्या जोरदार पावसामुळे हा प्रकल्प आज १००% भरला आहे. या धरणावरून टाकळी ढोकेश्वरसह कान्हुर पठार सोळा गाव पाणी योजना असून, त्या पाणीटंचाईच्या काळात सुरू करण्यात अडचण येणार नाही. प्रकल्पाखालील खडकवाडी, पळशी, वासुंदे यासंह अन्य गावांना या पाण्याचा शेतीसाठी फायदा होणार आहे.

आठवड्यात झालेल्या पावसाने येथील छोट्या तलावांसह विहिरींनाही पाणी वाढल्याने शेतकरी व गाव गावकऱ्यांनी समाधान व्यक्त केले. पाण्याचा वापर काटकसरीने करा तरच हे पाणी पुढील महिने पुरेल असे सहायक अभियंता शंकर रोहकले यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com