औरंगाबाद : येथील कृषी उत्पन्न बाजार समितीमध्ये शनिवारी (ता. ४) आंब्यांची १४० क्विंटल आवक झाली. यामध्ये इतर राज्यांतून येणाऱ्या केसरसह लालबाग, पायरी, बदाम आदी आंब्यांचा समावेश होता. या आंब्याला ४००० ते १०००० रुपये प्रतिक्विंटलचा दर मिळाल्याची माहिती बाजार समितीच्या सूत्रांनी दिली.
औरंगाबाद बाजार समितीमध्ये शनिवारी मोसंबीची ३१ क्विंटल आवक झाली. तिला ६०० ते ३२०० रुपये प्रतिक्विंटलचा दर मिळाला. ४७ क्विंटल आवक झालेल्या डाळिंबाचे दर ४०० ते २००० रुपये प्रतिक्विंटल राहिले. ३५ क्विंटल आवक झालेल्या द्राक्षाचे दर ३५०० ते ६५०० रुपये प्रतिक्विंटल राहिले. ३० क्विंटल आवक झालेल्या पपईला ५०० ते ७०० रुपये प्रतिक्विंटलचा दर मिळाला. टरबुजाची आवक १९० क्विंटल, तर दर ६०० ते १२०० रुपये प्रतिक्विंटल, खरबुजाची आवक १७५ क्विंटल, तर दर ८०० ते १५०० रुपये, अंजिराची आवक १८ क्विंटल, तर दर ५००० ते ७००० रुपये प्रतिक्विंटल राहिला. ३५०० जुड्यांची आवक झालेल्या मेथीच्या भाजीला ८०० ते १५०० रुपये प्रतिशेकड्याचा दर मिळाला.
पालकाची ५५०० जुड्यांची आवक झाली. त्यास ५०० ते ७०० रुपये प्रतिशेकड्याचा दर मिळाला. ११ हजार जुड्यांची आवक झालेल्या कोथिंबिरीचे दर ४०० ते ८०० रुपये प्रतिशेकडा राहिले. २७० क्विंटल आवक झालेल्या हिरव्या मिरचीला २५०० ते ३५०० रुपये प्रतिक्विंटलचा दर मिळाला. कांद्याची आवक ५६८ क्विंटल, तर दर ३०० ते १००० रुपये, टोमॅटोची आवक २७६ क्विंटल, तर दर ५०० ते १५०० रुपये, वांग्याची ३३ क्विंटल आवक, तर दर ८०० ते १३०० रुपये, गवारीची आवक ३० क्विंटल, तर दर १५०० ते ३५०० रुपये, भेंडीची ५२ क्विंटल आवक, तर दर १५०० ते ३५०० रुपये, वालशेंगांची आवक ३ क्विंटल, तर दर २५०० ते ३५०० रुपये प्रतिक्विंटल राहिला. १० क्विंटल आवक झालेल्या मकाला ८०० ते १२०० रुपये प्रतिक्विंटलचा दर मिळाला.
काकडीची आवक १०८ क्विंटल, तर दर ६०० ते १००० रुपये, लिंबांची आवक १० क्विंटल, तर दर २५०० ते ६५०० रुपये, कारल्याची आवक ६ क्विंटल, तर दर ४००० ते ६००० रुपये, दुधी भोपळ्याची आवक ३ क्विंटल, तर दर ७०० ते ९०० रुपये प्रतिक्विंटल मिळाला. १४४ क्विंटल आवक झालेल्या पत्ताकोबीला ६०० ते १००० रुपये प्रतिक्विंटलचा दर मिळाला. ६५ क्विंटल आवक झालेल्या फ्लावरचे दर १५०० ते २५०० रुपये प्रतिक्विंटल राहिले. १५ क्विंटल आवक झालेल्या शेवग्याला ८०० ते १२०० रुपये प्रतिक्विंटलचा दर मिळाला. ५२ क्विंटल आवक झालेल्या ढोबळ्या मिरचीचे दर २००० ते ३२०० रुपये प्रतिक्विंटल राहिल्याची माहिती बाजार समितीच्या सूत्रांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.