agriculture news in marathi, mango export through sea route, mumbai, maharshtra | Agrowon

साडेचौदा टन केशर, बदामी आंबा समुद्रामार्गे इंग्लंडला निर्यात
टीम अॅग्रोवन
गुरुवार, 23 मे 2019

बॉम्बे फ्रूट्स अॅण्ड व्हेजिटेबल्स इम्पोर्ट-एक्स्पोर्ट प्रा.लि. या कंपनीच्या बॉम्बे एक्स्पोर्ट्स या ब्रँडखाली हे आंबे निर्यात करण्यात आले आहेत. सध्या प्रायोगिक तत्त्वावर ही सेवा सुरवात करण्यात आली आहे. हा प्रयोग यशस्वी ठरल्यास सर्वच निर्यातदार व्यापाऱ्यांसाठी लांब पल्ल्याच्या जलवाहतुकीचा सक्षम पर्याय उपलब्ध होणार आहे. अपेडा आणि राज्य पणन मंडळाचे मार्गदर्शन आणि सहकार्यामुळे हे शक्य झाले.
- प्रीतेश शेजवळ, आंबा निर्यातदार, मुंबई.

मुंबई : वातावरण नियंत्रित करून फळाचे टिकवणक्षमता वाढवता येणाऱ्या आधुनिक तंत्राच्या साह्याने मुंबईहून पहिल्यांदाच जलवाहतुकीद्वारे साडेचौदा टन केशर आणि बदाम आंबा इंग्लंडला निर्यात करण्यात आला आहे. आतापर्यंत फक्त हवाई वाहतुकीमार्गे आंबा निर्यात केला जात होता. या नव्या तंत्रामुळे निर्यातदारांना दीर्घ अंतरावरील जलवाहतुकीचा आणखी एक पर्याय उपलब्ध होणार आहे. 

कंट्रोल अॅटमॉस्फियर रिफर टेम्प्रेचर या वातावरण नियंत्रित करणाऱ्या अत्याधुनिक तंत्राचा वापर करून कंटेनरमधील कार्बनडाय ऑक्साईड आणि ऑक्सिजनचे प्रमाण नियंत्रित केले जाते. त्यामुळे आंबा पक्व होण्याचा काळ नियंत्रित होऊन फळाची टिकवणक्षमता वाढवली जाते. आंबा काढणीनंतर खाण्यायोग्य असेपर्यंत पंधरा दिवसांचा काळ गृहीत धरला जातो. हवाई वाहतुकीमार्गे पाठवला जाणारा आंबा लवकर पोचतो. त्यासाठी या प्रक्रियेची आवश्यकता भासत नाही. 

मुंबईहून इंग्लंडला जल वाहतुकीमार्गे आंबा पोचण्यासाठी सुमारे तीन आठवड्यांचा कालावधी जातो, अशा लांब पल्ल्याच्या, दीर्घकालीन वाहतुकीचा विचार करून जहाजामार्गे आंबा पाठवायचा असेल तर, त्यासाठी या आधुनिक तंत्राचा वापर केला जातो. जेणेकरून आंबा पोचल्यानंतर ते फळ खाण्यायोग्य अवस्थेत ग्राहकांपर्यंत पोचवता येते. या सगळ्या प्रक्रियेत आंब्याच्या दर्जावर कोणताही परिणाम होत नाही. फळाची चव, दर्जा कायम राहतो. या आधुनिक तंत्राचा वापर करून मुंबई कृषी उत्पन्न बाजार समितीतून पहिल्यांदाच आंब्याचा कंटेनर रवाना झाला.

सध्या गुजरातचा केशर आणि आंध्र प्रदेशचा बदामी आंबा पाठवण्यात आला आहे. दोन्ही मिळून सुमारे साडेचौदा टन आंबा इंग्लंडला निर्यात करण्यात आला आहे. सध्या प्रायोगिक तत्त्वावर ही सेवा सुरवात करण्यात आली आहे. आंब्याच्या हवाई वाहतुकीला मोठा खर्च येतो. अनेकदा आंब्यापेक्षा वाहतुकीचाच खर्च अधिक होत असल्याने आंब्याचे दरही वाढतात. परिणामी ग्राहक इतर देशातील आंब्यांकडे वळू शकतात. 

तुलनेत जलवाहतुकीचा खर्च कमी असतो. आंब्याचे दरही मर्यादित राहू शकतात. त्यामुळे भारतीय आंब्याचा ग्राहक टिकवून ठेवण्यासाठी व्यापाऱ्यांना निर्यातीसाठी हवाई वाहतुकीसोबतच जलवाहतुकीचा पर्याय उपलब्ध होणार आहे. मॉक्सलाइन शिपिंग कंपनीच्या मुंबई ते इंग्लंड जल वाहतूक सेवेच्या माध्यमातून आंब्याचा हा पहिला कंटेनर इंग्लंडला येत्या दोन दिवसांत रवाना होणार आहे. पुढील २१ दिवसांत हे जहाज इंग्लंडला पोचेल. 
 

इतर ताज्या घडामोडी
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...
सरकारला शेतकऱ्यांचे काहीच पडलेले नाही ः...मुंबई  : ''किडनी घ्या; पण बियाणे द्या...
‘सर्जा-राजा’ला माउलींच्या रथाचा मानमाळीनगर, जि. सोलापूर  : संत ज्ञानेश्‍वर...
पूर्णवेळ संचालकानेच लावले  `केम`...अमरावती  ः कृषी समृद्धी समन्वयित प्रकल्पातील...
तत्कालीन प्रकल्प अधिकारी ‘केम’...मुंबई : विदर्भातील सहा जिल्ह्यांतील कृषी...
कृषी सल्ला : पानवेल, गुलाब, ऊस, मका,...हवामान ः पुढील पाचही दिवस आकाश अंशतः ढगाळ राहील...