agriculture news in Marathi, mango, watermelon and musk melon demand increased, Maharashtra | Agrowon

नाशिकला आंबा, खरबूज, कलिंगडाला मागणी वाढली
ज्ञानेश उगले
मंगळवार, 1 मे 2018

नाशिक : वाढत्या उन्हाळ्याबरोबरच नाशिक बाजार समितीत भाजीपाल्याची आवकही वाढती आहे. गत सप्ताहात बहुतांश फळभाज्यांची आवक वाढती राहिली. मुंबईच्या बाजारपेठेतून मागणी स्थिर राहिल्याने दरही स्थिरावलेले होते. या काळात हापूस आंबा, लिंबू, खरबूज, कलिंगड, कारले या शेतमालाला मात्र चांगली मागणी होती. 

नाशिक : वाढत्या उन्हाळ्याबरोबरच नाशिक बाजार समितीत भाजीपाल्याची आवकही वाढती आहे. गत सप्ताहात बहुतांश फळभाज्यांची आवक वाढती राहिली. मुंबईच्या बाजारपेठेतून मागणी स्थिर राहिल्याने दरही स्थिरावलेले होते. या काळात हापूस आंबा, लिंबू, खरबूज, कलिंगड, कारले या शेतमालाला मात्र चांगली मागणी होती. 

एप्रिल महिन्याच्या दुसऱ्या आठवड्यापासून नाशिक बाजार समितीत हापूस आंब्याचे आगमन झाले आहे. गत सप्ताहात हापूस आंब्याची दररोज सरासरी ५५० क्विंटलची आवक झाली. या वेळी आंब्याला प्रतिक्विंटलला ११ हजार ते २३ हजार व सरासरी १६ हजार रुपये दर मिळाले. हापूस शिवाय इतरही वाणांच्या आंब्याची आवक बाजार समितीत होत आहे. या वेळी इतर वाणांच्या आंब्याची साधारण ३२ क्विंटल आवक होती. या आंब्याला या वेळी क्विंटलला १५०० ते २५०० व सरासरी २००० रुपये दर मिळाला. 

गत सप्ताहात खरबूज आणि कलिंगडाला विशेष मागणी वाढली. खरबुजाची सरासरी १२० क्विंटल आवक झाली. या वेळी खरबुजाला क्विंटलला १००० ते २००० व सरासरी १५०० रुपये दर मिळाले. तर कलिंगडाची आवक सरासरी ४२० क्विंटल होती. कलिंगडाला क्विंटलला ५०० ते १२०० व सरासरी ९०० रुपये दर मिळाले. 

दरवर्षी उन्हाळ्यात लिंबाला मागणी वाढते. मागील दीड महिन्यांपासून लिंबाची आवक ३० ते ४० क्विंटल या दरम्यान स्थिर आहेत. मात्र, स्थानिक आणि जिल्ह्याबाहेरील बाजारपेठेतून चांगली मागणी असल्याने लिंबाला तेजीचे दर मिळत आहेत. गत सप्ताहात लिंबाची ३६ क्विंटलची आवक झाली असता लिंबाला प्रति क्विंटलला ५००० ते ७५०० व सरासरी ६२५० असे दर मिळाले. 

या उन्हाळ्यात स्थानिक तसेच जिल्ह्याबाहेरील बाजारपेठेतून कारल्याला विशेष मागणी होत आहे. गत सप्ताहात नाशिक बाजार समितीत कारल्याची २६४ क्विंटलची आवक झाली. नाशिकच्या दिंडोरी, निफाड, इगतपुरी, त्र्यंबकेश्‍वर या तालुक्‍यांतून आवक होते. या वेळी कारल्याला प्रतिक्विंटलला २०८० ते ३००० व सरासरी २२०० रुपये दर मिळाले. एकंदरीतच मागणीच्या तुलनेत कारल्याची आवक कमी असल्यामुळे कारल्याला चांगले दर मिळत असल्याचे चित्र दिसून आले. 

कांदा क्विंटलला ३०० ते ६५० रुपये
नाशिक जिल्ह्यातील १५ बाजार समित्या व ४५ उपबाजारांत प्रामुख्याने कांद्याची आवक होते. त्यात लासलगाव, पिंपळगाव बसवंत, उमराणे या बाजार समित्यात सर्वाधिक आवक होते. लासलगाव बाजार समितीत गत सप्ताहात सुटीचे दिवस वगळता इतर दिवशी सरासरी १७००० क्विंटल कांद्याची आवक झाली. या वेळी कांद्याला ३०० ते ६५० व सरासरी ६०० रुपये दर मिळाले. नाशिक जिल्ह्यातील इतर बाजार समित्यांतही आवक व दराची हीच स्थिती होती. उन्हाळ कांदा हा साठवणारा कांदा असल्याने सद्यस्थितीत बाजारात आवक कमी आहे. दरही स्थिर असल्याने शेतकऱ्यांना दरवाढीची प्रतीक्षा आहे. उत्तम प्रतीचा कांदा साठविला जात असून बहुतांश प्रमाणात दुय्यम दर्जाचा कांदा बाजारात येत आहे. त्यामुळे सध्या कांद्याचे दर स्थिर आहेत. येत्या पंधरा दिवसातही कांद्याचे सद्याचे दर स्थिर राहण्याची स्थिती आहे. असे लासलगाव बाजार समितीचे सचिव बी. वाय. होळकर यांनी सांगितले.

इतर ताज्या घडामोडी
जळगावात आले प्रतिक्विंटल २१०० ते ४५००...जळगाव ः कृषी उत्पन्न बाजार समितीमध्ये आल्याची (...
जळगावात आले प्रतिक्विंटल २१०० ते ४५००...जळगाव ः कृषी उत्पन्न बाजार समितीमध्ये आल्याची (...
महारेशीम नोंदणीला अकोला, वाशीममध्ये...अकोला :  रेशीम शेती आणि उद्योगास प्रोत्साहन...
मुख्यमंत्री फडणवीस साधणार ‘लोक संवाद’ पुणे ः शासनाच्या विविध योजना गरजूंपर्यंत...
पुणे विभागात रब्बीची अवघी ३४ टक्के पेरणीपुणे ः पावसाळ्यात कमी झालेल्या पावसामुळे गेल्या...
धुळे, नंदुरबार जिल्ह्यांत ९० विहिरींचे...धुळे : पाणीटंचाईची तीव्रता धुळे, नंदुरबार...
सोलापूर कृषी समितीच्या बैठकीत...सोलापूर : गुजरातमध्ये राबविण्यात येणाऱ्या कृषी...
कांदा, भाजीपाला वाटला मोफतचांदवड, जि. नाशिक : कांद्यासह भाजीपाला व इतर...
पालखेडच्या आवर्तनास जिल्हाधिकाऱ्यांचा...येवला, जि. नाशिक : पालखेड डाव्या कालव्यावरील...
पावसातही शेतकऱ्यांचा आम नदीपात्रात...वेलतूर, नागपूर : टेकेपार येथील शेतकऱ्यांनी...
स्वाभिमानीचे डफडे बजाओ आंदोलनबुलडाणा ः दुष्काळग्रस्त शेतकऱ्यांना मदत, सोयाबीन...
ज्वारीस द्या संरक्षित पाणीसर्वसाधारणपणे ७० ते ७५ दिवसांत ज्वारी फुलोऱ्यात...
गुणवत्तापूर्ण उत्पादनासाठी...प्रकाश संश्लेषणामध्ये हरितलवक आणि हरितद्रव्य...
`जलयुक्त`ची कामे गतीने पूर्ण करा : डवलेबुलडाणा : जलयुक्‍त शिवार अभियानातंर्गत भूजल...
नगर जिल्ह्यात सव्वाचार लाख हेक्‍टर...नगर ः नगर जिल्ह्यामध्ये रब्बीच्या सरासरी...
सांगलीतील मध्यम, लघू प्रकल्पांत २३...सांगली ः जिल्ह्यातील ८४ मध्यम आणि लघू प्रकल्पांत...
नगर जिल्हा परिषदेत दलालांचा सुळसुळाटनगर ः जिल्हा परिषदेत आता पहिल्यासारखी स्थिती नाही...
सोलापुरात वांगी, ढोबळी मिरची, कोबी दरात...सोलापूर ः सोलापूर कृषी उत्पन्न बाजार समितीच्या...
रेशीम शेतकऱ्यांना सरकारचे अर्थसाह्य :...नागपूर : नव्याने रेशीम शेतीकडे वळणाऱ्या...
नाशिक जिल्हा बॅँकेच्या संचालकांच्या...नाशिक : आर्थिक अडचणीत सापडलेल्या जिल्हा मध्यवर्ती...