यांत्रिकीकरण उपअभियानात अनेक शेतकरी राहणार वंचित

नगर जिल्हा परिषद, संग्रहित छायाचित्र
नगर जिल्हा परिषद, संग्रहित छायाचित्र

जळगाव  ः जिल्ह्यात यांत्रिकीकरण उपअभियान, राष्ट्रीय अन्नसुरक्षा अभियान आणि राष्ट्रीय कृषी विकास योजनेतून ट्रॅक्‍टर व ट्रॅक्‍टरचलित अवजारांसाठी अर्जांचा अक्षरशः पाऊस पडला. पण या तिन्ही योजना मिळून पाच कोटी रुपये निधी मंजूर आहे. दुसऱ्या बाजूला अर्जांची संख्या लक्षात घेता १५ कोटी रुपये निधी या योजनांसंबंधी लागणार आहे; मात्र निधी वाढवून मिळणे अशक्‍य असून, जवळपास दोन हजार लाभार्थी या योजनेपासून वंचित राहण्याची शक्यता आहे. मागील मे महिन्यात या योजनेसंबंधी जिल्हा अधीक्षक कृषी अधिकारी कार्यालयाने अर्ज मागविले होते. अनुसूचित जमाती, अनुसूचित जाती व महिलांना ५० टक्के अनुदान देय आहे, तर इतर लाभार्थींना ४० टक्के अनुदान ट्रॅक्‍टरचलित अवजारांसाठी देय आहे. ट्रॅक्‍टर खरेदीसंबंधी अनुसूचित जमाती, अनुसूचित जाती व महिला यांना सव्वा लाख रुपये आणि इतरांना एक लाख रुपये अनुदान देय आहे. यांत्रिकीकरण उपअभियानासंबंधी ८५ लाख निधी मंजूर होता, उर्वरित दोन योजनांसाठी चार कोटी १५ लाख निधी मंजूर होता.

लाभ द्यायला सुरवात या योजनेतून अर्जदारांना लाभ देण्यास सुरवात झाली आहे. आतापर्यंत साडेचार कोटी रुपये अनुदानाएवढी अवजारे व ट्रॅक्‍टर याचे वाटप झाले असून, सर्व तालुक्‍यांमध्ये समान वितरण करण्याचा प्रयत्न कृषी विभागाने केला आहे.

२५ टक्के निधीची प्रतीक्षा या योजनांचा २५ टक्के निधी अजून प्राप्त झालेला नाही; परंतु लवकरच हा निधी प्राप्त होईल आणि उर्वरित लाभार्थींना वितरण होईल. या योजनेतून लाभार्थी आपल्याला हव्या त्या प्रमाणात कंपनीचे अवजार किंवा ट्रॅक्‍टर खरेदी करू शकतो. खरेदीनंतर अनुदान त्याच्या खात्यावर वितरित केले जात असल्याचे सांगण्यात आले.

योजनेबाबत गती कृषी विभागाने या योजनेसंबंधी गतीने कार्यवाही केली आहे. जेवढे अर्ज आले होते त्यातील पात्र लाभार्थींना अवजारे खरेदीची परवानगी देऊन अनुदानाचेही अवजार खरेदीनंतर लागलीच वितरण केले, अशी माहिती मिळाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com