agriculture news in marathi, manzur reservoir collapse, nagar,maharashtra | Agrowon

बंधारा फुटल्याने साडेचार एकर क्षेत्र गेले वाहून
टीम अॅग्रोवन
गुरुवार, 12 ऑक्टोबर 2017
कोपरगाव, जि. नगर ः तालुक्‍याच्या पश्‍चिम भागातील मंजूर येथे गोदावरी नदीवर बांधलेला कोल्हापूर पद्धतीचा बंधारा सोमवारी (ता.९) रात्री फुटल्याने सुमारे साडेचार एकर क्षेत्र वाहून गेल्याचे येथील नुकसानग्रस्त शेतकऱ्यांनी सांगितले. २००६मध्ये आलेल्या महापुरातही बंधारा फुटला होता. स्वतंत्र गेटवे आणी संरक्षक भिंतीबाबत अनेक वेळा सांगूनही सरकार व कारखाना प्रशासनाकडून दखल न घेतल्याची तक्रार शेतकऱ्यांनी केल्या आहेत.
 
कोपरगाव, जि. नगर ः तालुक्‍याच्या पश्‍चिम भागातील मंजूर येथे गोदावरी नदीवर बांधलेला कोल्हापूर पद्धतीचा बंधारा सोमवारी (ता.९) रात्री फुटल्याने सुमारे साडेचार एकर क्षेत्र वाहून गेल्याचे येथील नुकसानग्रस्त शेतकऱ्यांनी सांगितले. २००६मध्ये आलेल्या महापुरातही बंधारा फुटला होता. स्वतंत्र गेटवे आणी संरक्षक भिंतीबाबत अनेक वेळा सांगूनही सरकार व कारखाना प्रशासनाकडून दखल न घेतल्याची तक्रार शेतकऱ्यांनी केल्या आहेत.
 
दरम्यान, माजी आमदार शंकरराव कोल्हे यांनी बुधवारी (ता. ११) दुर्घटनास्थळी भेट देऊन बंधारा दुरस्तीबाबत शेतकऱ्यांना अाश्‍वस्त केले. दारणा व गंगापूर धरणांच्या (नाशिक) पाणलोटक्षेत्रात दोन दिवसांपासून दमदार पाऊस सुरू असल्याने गोदावरी नदीपात्रात १५ ते २० हजार क्‍यूसेक वेगाने पाणी सोडण्यात येत आहे. 
 
१५ ऑक्टोबरपर्यंत पावसाचा अंदाज असताना त्याआधीच सर्व फळ्या टाकण्यात आल्याने बंधाऱ्यावर पाण्याचा ताण येऊन तो बाजूने खचला. यापूर्वीही बंधारा जेव्हा फुटला तेव्हाही जमीन वाहून गेली होती, असे येथील नुकसानग्रस्त शेतकऱ्यांनी सांगितले.  यानंतर दुरस्ती करण्यात आली होती, परंतू यंदा पुन्हा तोच प्रकार घडल्याने शेतकरी संतप्त झाले आहेत. 
 
बंधारा फुटल्याने शेतीसह त्यावरील ऊस, मका, बाजरी आदी पिकांसह विहिर, मोटारपंप, इलेक्ट्रीक पोल, सायफन वाहून गेले आहेत. शेतकरी माणिकराव राजेभोसले, भाऊसाहेब राजेभोसले, लक्ष्मण राजेभोसले, विठाबाई पांडुरंग वालझडे, शिवाजी वालझडे, अशोक वालझडे, परसराम वालझडे, मच्छिंद्र वालझडे आदी शेतकऱ्यांचे मोठे नुकसान झाले आहे. आमच्या नुकसानीचे पंचनामे करून नुकसान भरपाई मिळावी आणि बंधाऱ्याच्या संरक्षक भिंतीची भक्कम दुरूस्ती व्हावी, अशी मागणी शेतकऱ्यांनी केली आहे. 
 
संजीवनी कारखान्याने माजी मंत्री शंकरराव कोल्हे यांच्या पुढाकारातून सुमारे दीड कोटी रुपये खर्चून १९९५ मध्ये हा बंधारा बांधला. त्याचा फायदा चासनळी, धामोरी, मोर्वीस, मायगाव देवी व मंजूर या पाच गावांतील ८२६ हेक्‍टर क्षेत्र १२७.८५ दशलक्ष घनफूट साठवण क्षमता असलेल्या या बंधाऱ्याच्या ओलिताखाली येते. दरम्यान, आमदार स्नेहलता कोल्हे व संजीवनी उद्योगसमूहाचे अध्यक्ष बिपीन कोल्हे यांनी जलसंपदामंत्री गिरीश महाजन यांच्याशी चर्चा करून मदतीची मागणी केली आहे. 
 
काही कुटुंबांचे स्थलांतर
पुणतांबा, ता. राहता : गोदावरी नदीत १४ हजार क्युसेकने विसर्ग सुरू असल्याने पुणतांबा येथील गोदावरीवरील बंधाऱ्यात फळ्या टाकून नुकतेच पाणी अडविण्यात आले होते. मंजूरचा बंधारा फुटल्याने येथील बंधाऱ्यावरून पाणी वाहू लागल्याने वैजापूर रस्ता बंद झाला व पुणतांबे-कोपरगाव रस्त्यावरील कातनाला पुलावर चार फुट पाणी होते. रस्तापूर भागात पाणी शिरल्यामुळे बनकरवस्ती, बजरंगवाडी भागातील काही कुटुंबांचे स्थलांतर करण्यात आले होते.

इतर ताज्या घडामोडी
फुलोरा अवस्थेतील द्राक्ष बागेचे...द्राक्ष लागवड विभागात पाऊस झाल्याने बागेच्या...
साताऱ्यात शेवगा प्रतिक्विंटल ५००० ते...सातारा ः येथील कृषी उत्पन्न बाजार समितीत मंगळवारी...
`दुष्काळाबाबत उपाययोजनांसाठी स्वतंत्र...पुणे  ः दुष्काळ आणि योजनांच्या माध्यमातून...
वऱ्हाडात काही ठिकाणी अवकाळी पाऊसअकोला : वऱ्हाडात मंगळवारी (ता.२०) सकाळ पर्यंतच्या...
साताऱ्यातील प्रमुख धरणांत ७१ टक्क्यांवर...सातारा  ः जिल्ह्यातील सर्वत्र प्रमुख...
अमरावती जिल्ह्यात रब्बीचे ५० टक्‍के...अमरावती : जिल्ह्यात सरासरीच्या तुलनेत कमी पाऊस...
मालावी देशातील हापूस पुण्यात दाखलपुणे ः दक्षिण अफ्रिका खंडातील मालावी देशातील...
सोलापुरात सलग दुसऱ्या दिवशी पाऊससोलापूर : सोलापूर जिल्ह्यात ठिकठिकाणी सोमवारी...
नव्या सहकारी संस्थांना भागभांडवल :...नाशिक : सहकार खात्याने नावीन्यपूर्ण सहकारी संस्था...
पुणे जिल्ह्यातील चार तालुक्यांत काही...पुणे ः पुणे जिल्ह्यात दोन दिवसांपासून ढगाळ हवामान...
हिरज येथे रेशीम कोषाची बाजारपेठसोलापूर : राज्यातील रेशीम कोष उत्पादक शेतकरी व...
संगमनेरच्या पश्‍चिम भागाला पाऊस,...संगमनेर, जि. नगर ः तालुक्‍याच्या पश्‍चिम भागात...
कोल्हापुरात ऐन हंगामातच गुऱ्हाळघरे शांतकोल्हापूर  : यंदा गूळ दरात काहीशी वाढ...
दुष्काळ, आरक्षणाच्या मुद्द्यांवर विधान...मुंबई : दुष्काळग्रस्त शेतकऱ्यांना तातडीने मदत...
परिषदेत पहिल्याच दिवशी राज्य सरकारची...मुंबई : विधान परिषदेचे पहिले विरोधी पक्षनेते...
जुन्नर तालुक्यात द्राक्ष बागांवर...नारायणगाव, जि. पुणे : जुन्नर तालुक्‍यातील द्राक्ष...
कर्जमुक्तीसह विविध मागण्यांसाठी...परभणी  : मानवत तालुक्यासह जिल्ह्यातील...
नाशिक जिल्ह्यात ३५०० द्राक्षप्लॉटची...नाशिक  : युरोपियन राष्ट्रांसह रशिया आणि अन्य...
शेतकऱ्यांनो, आत्महत्या करू नका ः आदित्य...बुलडाणा   ः तुम्ही संकटात असताना...
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...