मराठवाड्यात १८९ मंडलांत पाऊस

मराठवाड्यात १८९ मंडलांत पाऊस
मराठवाड्यात १८९ मंडलांत पाऊस

औरंगाबाद ः मराठवाड्यातील ४२१ महसूल मंडलांपैकी १८९ महसूल मंडलांत मंगळवारी (ता. ५) सकाळी आठ वाजेपर्यंतच्या चोवीस तासांत पावसाने हजेरी लावली. माॅन्सूनपूर्व असलेल्या या पावसाचा जोर बीड, लातूर, उस्मानाबाद व परभणी जिल्ह्यातील काही तालुक्‍यांत अधिक होता.

मराठवाड्यातील परभणी, सेलू, जिंतूर, औंढा नागनाथ, हिमायतनगर, अंबाजोगाई, माजलगाव, केज, धारूर, देवणी, शिरूर अनंतपाळ, भूम, वाशी आदी तालुक्‍यांतील जवळपास सर्वच मंडलांत मध्यम ते दमदार पावसाची हजेरी लागली. बीड जिल्ह्यातील अंबाजोगाई तालुक्‍यांतर्गत येत असलेल्या लोखंडी सावरगाव मंडलात सर्वाधिक ७७ मिलिमीटर, तर त्यापाठोपाठ याच तालुक्‍यातील अंबाजोगाई मंडलात ७० मिलिमीटर पावसाची नोंद झाली.

माजलगाव तालुक्‍यातील माजलगाव मंडलात ७० मिलिमीटर पाऊस नोंदला गेला. दुसरीकडे लातूर जिल्ह्यातील निलंगा तालुक्‍यांतर्गत येत असलेल्या निलंगा या एकमेव मंडलात ६५ मिलिमीटर पावसाची नोंद झाली. पाऊस झालेल्या १८९ मंडलांपैकी १५ तालुक्‍यांत पावसाची हजेरी बऱ्यापैकी राहिली. उर्वरित भागात तुरळक, हलका पाऊस पडल्याची नोंद आहे.

परभणी जिल्ह्यातील सोनपेठ तालुक्‍यात सरासरी २३ मिलिमीटर, जिंतूर येथे सरासरी १७.६७ मिलिमीटर, परभणी १९.५० मिलिमीटर, हिंगोली जिल्ह्यातील औंढा नागनाथ तालुक्‍यात सरासरी १५.२५ मिलिमीटर, नांदेडमधील हिमायतनगर तालुक्‍यात सरासरी १७ मिलिमीटर, बीड जिल्ह्यातील अंबाजोगाई तालुक्‍यात सरासरी ३४ मिलिमीटर, माजलगाव ३७.३३ मिलिमीटर, केज १७.१४ मिलिमीटर, धारून २५ मिलिमीटर, परळी १२.८० मिलिमीटर, लातूर जिल्ह्यातील देवणीत सरासरी ५८ मिलिमीटर, शिरूर अनंतपाळ तालुक्‍यात ३४.६७ मिलिमीटर, उस्मानाबाद जिल्ह्यातील कळंबमध्ये सरासरी २१.८३ मिलिमीटर, भूममध्ये १६.२० मिलिमीटर, तर वाशीत सरासरी २६ मिलिमीटर पावसाची नोंद झाली.

औरंगाबाद व जालना जिल्ह्यात तीन मंडलांत तुरळक ते हलका पाऊस पडला. परभणी जिल्ह्यातील ३९ पैकी ३४ मंडलांत पाऊस झाला. हिंगोली जिल्ह्यातील ३० पैकी २६ मंडलांत पाऊस झाला.

नांदेडमधील ८० पैकी ३९ मंडलांत पाऊस झाला. बीड जिल्ह्यात ६३ पैकी ४३ मंडलांत पावसाची हजेरी लागली. लातूर जिल्ह्यात ५३ पैकी २६ मंडलांत पाऊस पडला, तर उस्मानाबाद जिल्ह्यात ४२ पैकी १८ मंडलांत माॅन्सूनपूर्व पावसाने हजेरी लावल्याची नोंद आहे. दरम्यान, मंगळवारी (ता. ५) सकाळी ८ वाजेनंतर औरंगाबाद, जालना जिल्ह्यात काही भागांत पुन्हा पावसाने जोरदार हजेरी लावल्याचे वृत्त आहे.

मंडलनिहाय पावसाची आकडेवारी पुढीलप्रमाणे. (पाऊस मिलिमीटरमध्ये) गंगामसला ४०, दिंद्रुड ६३, केज २५, होळ २७, तेलगाव ३०, मोहखेड २७, परळी ४२, अंबूलगाव बु. २५, हिसामाबाद ४२, साकोळ ५२, देवणी बु. ६१, वलांडी ६३, बोरोळ ५०, कळंब ३०, इटकूर ५५, मोहा १३, गोविंदपूर २०, भूम २४, लिट १७, अम्बा २०, तेरखेड २३, पारगाव ४३.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com