agriculture news in marathi, marathwada in heavy rain | Agrowon

नांदेड, लातूर, उस्मानाबादमध्ये पावसाचे धुमशान
टीम अॅग्रोवन
शनिवार, 9 जून 2018

औरंगाबाद ः मृग नक्षत्राला सुरवात होण्याच्या काही तास आधी मराठवाड्यातील नांदेड, लातूर, उस्मानाबाद जिल्ह्यांत पावासाने चांगलेच धुमशान घातले. या तीनही जिल्ह्यांतील ३८ महसूल मंडळांत ६५ मिलिमीटरपेक्षा जास्त पावसाची नोंद झाली. त्यामधील दहा मंडळांत तर पावसाने कहर करत १०४ ते २०८ मिलिमीटर दरम्यानचा टप्पा गाठला. उस्मानाबाद जिल्ह्यातील उमरगा मंडळात सर्वाधिक २०८ मिलिमीटर पावसाची नोंद झाली.

औरंगाबाद ः मृग नक्षत्राला सुरवात होण्याच्या काही तास आधी मराठवाड्यातील नांदेड, लातूर, उस्मानाबाद जिल्ह्यांत पावासाने चांगलेच धुमशान घातले. या तीनही जिल्ह्यांतील ३८ महसूल मंडळांत ६५ मिलिमीटरपेक्षा जास्त पावसाची नोंद झाली. त्यामधील दहा मंडळांत तर पावसाने कहर करत १०४ ते २०८ मिलिमीटर दरम्यानचा टप्पा गाठला. उस्मानाबाद जिल्ह्यातील उमरगा मंडळात सर्वाधिक २०८ मिलिमीटर पावसाची नोंद झाली.

जूनच्या सुरवातीपासूनच अपवाद वगळता मराठवाड्यातील बहुतांश भागांत पूर्वमोसमी पावसाने कमी अधिक प्रमाणात बरसण्यास सुरवात केली होती. जूनमध्ये पहिल्या सात दिवसांतील मंडळनिहाय पडलेल्या पावसाची तोपर्यंत अपेक्षित पावसाशी तुलना केली असता २२८ मंडळांत अपेक्षित पावसाच्या तुलनेत शंभर टक्‍के पाऊस पडला होता. ५९ मंडळांत ७५ टक्‍क्‍यांपेक्षा जास्त, ५९ मंडळांत ५० ते ७५ टक्‍के, २७ मंडळांत २५ ते ५० टक्‍के तर ४८ मंडळांत अपेक्षित पावसाच्या तुलनेत २५ टक्‍क्‍यांपेक्षाही कमी पावसाची हजेरी लागली होती. शुक्रवारी (ता. ८) सकाळी आठ वाजेपर्यंतच्या पावसाच्या नोंदीनुसार नांदेड जिल्ह्यातील पाच, लातूर जिल्ह्यातील २१ तर उस्मानाबाद जिल्ह्यातील १२ मंडळांत ६५ ते २०८ मिलिमीटरदरम्यान पाऊस झाला. जोरदार ते अतिजोरदार झालेल्या पावसामुळे उस्मानाबाद जिल्ह्यातील तुरोरी जवळील पाचफूला ओढा तर जेवळी येथील बेन्नीतुरा नदीपात्र भरून वाहू लागली.

नांदेड जिल्ह्यातील नांदेड, मुदखेड, अर्धापूर, भोकर, उमरी, कंधार, लोहा, हतगाव, हिमायतनगर, देगलूर, बिलोली धर्माबाद, नायगाव मुखेड आदी तालुक्‍यात सरासरी ११ ते ४९ मिलिमीटरदरम्यान पाऊस पडला. जिल्ह्याची सरासरी २५.१० मिलिमीटर राहिली. परभणी जिल्ह्यातील पालम, पूर्णा व गंगाखेड तर हिंगोली जिल्ह्यातील कळमनुरी व वसमत तालुक्‍यात पावसाचा जोर अधिक होता. बीड जिल्ह्यातील अंबाजोगाई तालुक्‍यात सरासरी ११.२० मिलिमीटर पावसाची नोंद झाली. लातूर जिल्ह्यात सरासरी ५५.५१ मिलिमीटर पाउस पडला. तर उस्मानाबाद जिल्ह्याची पावसाची सरासरी ३७.८८ मिलिमीटर राहिली. पेरणी करण्यास उपयुक्‍त ठरणाऱ्या या पावसामुळे त्या भागात पेरणीची कामे गती पकडण्याची शक्‍यता आहे.

जलमय झाला उमरगा व परिसर
उमरगा (जि. उस्मानाबाद) शहर व तालुक्‍यात शुक्रवारी (ता. ८) मध्यरात्री व पहाटे झालेल्या अतिवृष्टीने संपूर्ण शहर जलमय झाले. शेत-शिवारातील बांध फुटून शेतीचे मोठे नुकसान झाले आहे. शहरातील जवळपास दोनशे घरांत पाणी घुसल्याने संसारोपयी साहित्याचे मोठे नुकसान झाले. शेत शिवारातून आलेल्या पावसाचे पाणी राष्ट्रीय महामार्गावर थांबल्याने मध्यरात्री दोन नंतर दोन तास वाहतूक ठप्प झाली होती. यंदा फेब्रुवारी महिन्यापासून अधून-मधून वादळी वाऱ्यासह हलक्‍या पावसाने उमरगा तालुक्‍यात हजेरी लावण्याचे काम केले. गुरुवारी रात्री दहापासून ढगाळ वातावरण होते. रात्री साडेअकराच्या सुमारास हलका पाऊस सुरू होता. मध्यरात्रीनंतर पावसाचा जोर वाढला. उमरगा मंडळात मराठवाड्यातील सर्वाधिक २०८ मिलिमीटर पाऊस झाल्याने सर्वत्र पाणीच पाणी असे चित्र निर्माण झाले.

अतिवृष्टी झालेली मंडळे (पाऊस मिलिमीटरमध्ये)
नांदेड जिल्हा : हदगाव ८४, तामसा ११२, बिलोली ८०, लोहगाव ७०, धर्माबाद ८६, 
लातूर जिल्हा : औसा १०४, लामजणा १२५, किल्लारी १२८, मातोळा ८३, भादा ७०,
किनीथोट ८२, बेलकुंड ९६, मोघा १०५, हेर ८०, देवर्जन ७०, वाढवण बु.७६

फोटो गॅलरी

इतर ताज्या घडामोडी
रविवार विशेष : दावणत्या दाव्यानं असे किती जीव ओढत नेले असतील...
केंद्रीय कृषी विद्यापीठे ही काळाची गरज...देशात वातावरणावर आधरित १५ झोन आहेत. या...
श्रीमंत रानातला ‘गरीब’ प्रतिभावंत !ठकाबाबांनी जगण्यावर, कलेवर भरभरून प्रेम केले. कला...
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...
पाकिस्तानात घुसूनच सर्जिकल स्ट्राइक करा...नवी दिल्ली : दहशतवादाविरोधात सर्व राजकीय पक्षांनी...
शिवजयंतीला शिवनेरी किल्ल्यावर शिववंदनापुणे : छत्रपती श्री शिवाजी महाराज यांच्या...
हुतात्मा संजय राजपूत, नितीन राठोड यांना...बुलडाणा  ः काश्मीरमधील पुलवामा सेक्टरमध्ये...
जिवाणूंमुळे होतो फुफ्फुसाच्या...फुफ्फुसाच्या ट्यूमरच्या विकासामध्ये तेथील...
पाणीटंचाईची ऊस लागवडीला झळपुणे :ऑक्टोबरपासून सुरू झालेल्या...
नगर जिल्हा परिषदेचे उद्या अंदाजपत्रकनगर : जिल्हा परिषदेची अंदाजपत्रकीय विशेष सभा...
सौरपंपांपासून साडेचार हजार शेतकरी वंचितजळगाव : मुख्यमंत्री सौरकृषिपंप योजनेच्या लाभासाठी...
सौर कृषिपंप योजनेच्या लाभार्थ्यांचा...सोलापूर : शेतकऱ्यांना सौरऊर्जेद्वारे दिवसाही...
औरंगाबादेत द्राक्ष प्रतिक्विंटल ३५०० ते...औरंगाबाद : येथील कृषी उत्पन्न बाजार समितीमध्ये...
शिवसेना-भाजपचे युतीच्या दिशेने पुढचे...मुंबई: लोकसभा निवडणुकीतील युतीसाठी शिवसेना-...
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...