agriculture news in marathi, Marathwada Sweet lime in crises, Mosambi | Agrowon

मराठवाड्यातील मोसंबी पुन्हा संकटाच्या फेऱ्यात
टीम अॅग्रोवन
मंगळवार, 26 डिसेंबर 2017

औरंगाबाद : मराठवाड्यातील मोसंबी फळबागांच्या बहराच्या नियोजनात वातावरण बदलाने खोडा घातला आहे. आंबिया बहर घेण्यात वातावरण बदलाचा अडथळा निर्माण होत असून, मोसंबीवर मावा, तुडतुडे, फुलकिडे, करपा आदी कीड-रोगांचा प्रादुर्भाव झाला आहे. एकीकडे मृग बहरातून म्हणावे तसे उत्पादन हाती आले नाही, त्यामुळे शेतकऱ्यांच्या आशा आंबिया बहरावर होत्या. मात्र बहर फुटीवरच कीड-रोगाने आक्रमण केल्याने शेतकरी पुन्हा अडचणीत आले आहेत. 

औरंगाबाद : मराठवाड्यातील मोसंबी फळबागांच्या बहराच्या नियोजनात वातावरण बदलाने खोडा घातला आहे. आंबिया बहर घेण्यात वातावरण बदलाचा अडथळा निर्माण होत असून, मोसंबीवर मावा, तुडतुडे, फुलकिडे, करपा आदी कीड-रोगांचा प्रादुर्भाव झाला आहे. एकीकडे मृग बहरातून म्हणावे तसे उत्पादन हाती आले नाही, त्यामुळे शेतकऱ्यांच्या आशा आंबिया बहरावर होत्या. मात्र बहर फुटीवरच कीड-रोगाने आक्रमण केल्याने शेतकरी पुन्हा अडचणीत आले आहेत. 

मराठवाड्यात जवळपास ४८ हजार हेक्‍टरवर मोसंबीचे क्षेत्र विस्तारले आहे. सर्वाधिक क्षेत्र जालना व औरंगाबाद जिल्ह्यांत आहे. मोसंबीला जीआयचे मानांकन मिळाल्याने मोसंबीची गोडी वाढली आहे. मराठवाड्यातील जवळपास ७० टक्‍के शेतकरी आंबिया बहर घेतात, तर ३० टक्‍के शेतकरी मृग बहराचे नियोजन करतात. गेल्या हंगामात मोसंबी बागायतदारांना नोटाबंदीचा सर्वाधिक फटका बसला. दिवाळीनंतर मालाची कमतरता जाणवू लागली, तसतसा मोसंबीचा बाजार वधारले. मात्र या दरवाढीचा पाच ते दहा टक्‍केच मोसंबी उत्पादकांना फायदा झाला. त्यातच मृग बहराच्या नियोजन करणाऱ्या शेतकऱ्यांच्या पदरी निराशाच आल्याचे चित्र आहे. 

अचानक पाऊस, पावसाचा प्रदीर्घ खंड यामुळे शेतकऱ्यांचे मृग बहराचे नियोजन कोलमडले. त्यातच वातावरणातील इतर बदलांचाही नियोजनवर परिणाम झाल्याचे शेतकऱ्यांनी सांगितले. अपेक्षेच्या तुलनेत यंदा मृग बहराचे दहा ते वीस टक्‍केच उत्पादन होईल, अशी आशा असल्याची माहिती शेतकऱ्यांनी दिली. मोसंबीवर मावा, तुडतुडे, फुलकिडे, करपा आदी कीड-रोगांचा प्रादुर्भाव झाला. कीड-रोगांचे नियंत्रण करताना उत्पादनखर्चातही वाढ झाल्याचे शेतकऱ्यांनी सांगितले. 

प्रतिक्रिया...
यंदा जवळपास दोन एकर मोसंबीवर मृग बहराचं नियोजन होतं; पण गुंडी आलीच नाही. आंबिया बहर जसा हातचा, तसं मृग बहराचं नाही. यंदा मृग बहरासाठीची मेहनत फुकट गेली. थंडी, दव, गरमी असं बदलणारं वातावरणं किडींना पोषक ठरतंय. 
- ब्रद्रिनाथ पाचोडे, मोसंबी उत्पादक, पाचलगाव, जि. औरंगाबाद 

नवीन बहरासाठीच्या आगारीवर मावा पडलाय. मृग बहराचं उत्पादन पाच ते दहा टक्‍केच होईल. माल नसल्यानं दर तेजीत राहील, पण शेतकऱ्यांना माल नसल्यानं फायदा होईल असं वाटत नाही. 
- रुस्तुम घनवट, मोसंबी उत्पादक, पांगरा, जि. औरंगाबाद 

ज्या बागा आंबिया बहरासाठी ताणावर होत्या, त्यांचा पावसामुळे ताण तुटल्याने अशा बागांना फुलोरा येण्याऐवजी नवती आली. दुसरीकडे वातावरणातील बदलामुळे मृग बहरावर कोळी किडीचा प्रादुर्भाव होऊन त्यांनी रसशोषण केल्याने फळाची प्रत खालावली. त्यासाठी शेतकऱ्यांनी डायकोफॉल किंवा गंधक २ ग्रॅम प्रतिलिटर पाण्यात मिसळून फवारल्यास त्यावर प्रतिबंध आणता येतो. 
- डॉ. संजय पाटील, शास्त्रज्ञ फळसंशोधन केंद्र, हिमायतबाग, औरंगाबाद. 

इतर अॅग्रो विशेष
दक्षिण अशियात मॉन्सूनचा पाऊस सरासरी...पुणे : भारतासह दक्षिण आशियातील देशांच्या बहुतांशी...
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...