agriculture news in marathi, Marathwada in tension due to decreasing water level | Agrowon

पाणीसाठा घटल्याने मराठवाड्यासमोर चिंतेचे ढग
टीम अॅग्रोवन
रविवार, 12 ऑगस्ट 2018

औरंगाबाद : पावसाळ्यातच पाऊस पडत नसल्याने मराठवाड्यातील पाणीसाठ्यात वाढ होण्याऐवजी घट नोंदली गेली आहे. ती गेल्या आठवड्याच्या तुलनेत किंचित असली तरी त्यामुळे मराठवाड्याच्या चिंतेत भर पडली आहे.

औरंगाबाद : पावसाळ्यातच पाऊस पडत नसल्याने मराठवाड्यातील पाणीसाठ्यात वाढ होण्याऐवजी घट नोंदली गेली आहे. ती गेल्या आठवड्याच्या तुलनेत किंचित असली तरी त्यामुळे मराठवाड्याच्या चिंतेत भर पडली आहे.

मराठवाड्यातील मोठ्या, मध्यम, लघू प्रकल्पांसह गोदावरी, तेरणा, मांजरा, रेणा नदीवरील बंधाऱ्यांमध्ये केवळ १९.५५ टक्‍केच उपयुक्‍त पाणीसाठा शिल्लक आहे. गत आठवड्यात २२.८६ टक्‍के असलेला ११ मोठ्या प्रकल्पातील पाणीसाठा २१.९७ टक्‍क्‍यांवर आला आहे. मोठ्या प्रकल्पांपैकी येलदरी, सिद्धेश्वर, सिनाकोळेगाव या प्रकल्पांमध्ये उपयुक्‍त पाण्याचा थेंब नाही. मध्यम प्रकल्पांची स्थितीही अवघड आहे. ७५ मध्यम प्रकल्पात केवळ १५ टक्‍केच उपयुक्‍त पाणीसाठा शिल्लक आहे. गत आठवड्यात तो १५.३४ टक्‍के इतका होता. गेल्या आठवड्यात १२.५६ टक्‍के उपयुक्‍त पाणीसाठा असलेल्या ७४६ लघू प्रकल्पांमध्ये केवळ १२.२७ टक्‍केच उपयुक्‍त पाणीसाठा शिल्लक आहे. गोदावरी नदीवरील ११ बंधाऱ्यातील उपयुक्‍त पाणीसाठा ३३.४० टक्‍क्‍यांवरून घटून ३३.२४ टक्‍क्‍यांवर आला आहे. दुसरीकडे तेरणा मांजरा, रेणा नदीवरील २४ बंधाऱ्यांमधील पाणीसाठाही २८.६० टक्‍क्‍यांवरून २७.६० टक्‍क्‍यांवर आला आहे. औरंगाबाद व जालना जिल्ह्यात सुरू असलेले पाण्याचे टॅंकर व कायम असलेले पाणीपुरवठ्यासाठीचे विहीरींचे अधिग्रहण भूजल स्थितीही स्पष्ट करण्यास पुरेसे आहे.

३५ मध्यम प्रकल्पांची स्थिती अवघड

मराठवाड्यातील ७५ मध्यम प्रकल्पांपैकी तब्बल ३५ मध्यम प्रकल्पांची स्थिती उपयुक्‍त पाणीसाठ्याबाबत अवघड बनली आहे. या प्रकल्पांमध्ये उपयुक्‍त पाण्याचा थेंब नाही. त्यामध्ये औरंगाबाद जिल्ह्यातील १३, जालना जिल्ह्यातील २, बीड जिल्ह्यातील ९, लातूर जिल्ह्यातील ३, उस्मानाबाद जिल्ह्यातील ५, नांदेडमधील २ व परभणी जिल्ह्यातील एका प्रकल्पाचा समावेश आहे.

२९८ लघू प्रकल्पांत ५ टक्‍क्‍यांच्या आत उपयुक्‍त पाणीसाठा

मराठवाड्यातील ७४६ लघू प्रकल्पांपैकी तब्बल २९८ लघू प्रकल्पांमध्ये ५ टक्‍क्‍यांच्या आतच उपयुक्‍त पाणीसाठा शिल्लक आहे. त्यामध्ये औरंगाबाद जिल्ह्यातील तेरा प्रकल्पांत ५ टक्‍के, परभणीमधील २२ प्रकल्पातही ५ टक्‍के, बीडमधील १२६ प्रकल्पात ३ टक्‍के तर जालना जिल्ह्यातील ५७ प्रकल्पात केवळ १ टक्‍का उपयुक्‍त पाणीसाठा शिल्लक आहे. लातूर जिल्ह्यातील १३२ प्रकल्पात १० टक्‍केच उपयुक्‍त पाणीसाठा शिल्लक असल्याची माहिती जलसंपदा विभागाच्या सूत्रांनी दिली.

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...