Agriculture News in Marathi, marigold prices down, Kolhapur district | Agrowon

झेंडूच्या दरात मोठी घसरण
राजकुमार चौगुले
शुक्रवार, 1 डिसेंबर 2017

कोल्हापूर : दिवाळीच्या दरम्यान उच्चांकी असलेल्या झेंडूचे दर गेल्या पंधरवड्यापासून मोठ्या प्रमाणात कोसळले आहेत. दिवाळीच्या दरम्यान सातत्याने शंभर रुपये किलोच्या आसपास असणारे दर आता दहा ते पंधरा रुपयांवर येवून ठेपले आहेत.

सध्या मुंबई शहरात फेरीवाल्यांच्या विरोधातील आंदोलनामुळे फेरीवाल्यांकडील फूल विक्री बंद आहे. याचा प्रतिकूल परिणाम मुंबईत किरकोळ प्रमाणात होणाऱ्या फुलांच्या विक्रीवर झाला आहे. यामुळे फूलबाजारातून होणारी सुमारे तीस टक्क्‍यांहून अधिक विक्री ठप्प झाली आहे.

कोल्हापूर : दिवाळीच्या दरम्यान उच्चांकी असलेल्या झेंडूचे दर गेल्या पंधरवड्यापासून मोठ्या प्रमाणात कोसळले आहेत. दिवाळीच्या दरम्यान सातत्याने शंभर रुपये किलोच्या आसपास असणारे दर आता दहा ते पंधरा रुपयांवर येवून ठेपले आहेत.

सध्या मुंबई शहरात फेरीवाल्यांच्या विरोधातील आंदोलनामुळे फेरीवाल्यांकडील फूल विक्री बंद आहे. याचा प्रतिकूल परिणाम मुंबईत किरकोळ प्रमाणात होणाऱ्या फुलांच्या विक्रीवर झाला आहे. यामुळे फूलबाजारातून होणारी सुमारे तीस टक्क्‍यांहून अधिक विक्री ठप्प झाली आहे.

साहजिकच ‘फार फुले पाठवू नका’ अशा सूचना शेतकऱ्यांना व्यापाऱ्यांकडून देण्यात येत असल्याने राज्यातील फूल उत्पादक शेतकऱ्यांना दररोज लाखो रुपयांचा फटका सहन करावा लागत आहे.

कोल्हापूर, सांगलीसह सातारा, पुणे, संगमनेर, नाशिक, बीड, सोलापूर, पंढरपूर आदींसह मध्य प्रदेशातील उज्जैन, कर्नाटकातील बंगळूर आदी भागांतूनही फुलांची आवक फूलबाजारात होते. अवकाळी पाऊस व प्रतिकूल हवामानामुळे यंदा झेंडू फुलांच्या बागांचे अपरिमित नुकसान झाले. यामुळे फुलांच्या आवकेत मोठी घट झाली. सणासुदीचे दिवस व फुलांची टंचाई यामुळे यंदा झेंडूचा दर शंभर, क्वचित प्रसंगी दीडशे रुपयांवर राहिला.

दिवाळी झाल्यांनतर दहा ते पंधरा दिवस दर पन्नास रुपयांच्या आसपास होते. परंतु मुंबईत फेरीवाल्यांच्या विरोधात आंदोलन सुरू झाल्यानंतर त्याचा फटका फूलबाजाराला बसला. मुंबईत जेवढी विक्री फुलांची होते, त्यौपैकी नियमित ग्राहकांना साठ ते सत्तर टक्के तर फेरीवाल्यांना तीस ते चाळीस टक्के इतकी होते.

आंदोलनामुळे फेरीवाल्यांचा व्यवसाय बंद झाल्यानंतर फेरीवाल्यांची फुलांची मागणी एकदम कमी झाली अाहे. सणवारही नसल्याने ही फुले शिल्लक राहू लागली. याचा फटका दर एकदम खाली येण्यावर झाला.

अतिरिक्त फुलांची विक्री करायची कुठे?
गेल्या काही दिवसांपासून बाजारात झेंडूची आवक वाढत असून, या फुलांची विक्री करायची कोठे हा प्रश्‍न मुंबईतील व्यापाऱ्यांना भेडसावत असल्याने त्यांनी थोड्या थोड्या प्रमाणात फुले पाठवावीत, असे आवाहन करण्यास सुरवात केली आहे. फेरीवाल्यांचा व्यवसाय कधी सुरळीत होईल याचा अंदाज नसल्याने मागणीअभावी झेंडूचे दर सणासुदीच्या काळापर्यंत पडलेलेच राहतील असा अंदाज आहे. यामुळे सध्या सुरू असलेल्या व नवे प्लॉट करणाऱ्या झेंडू उत्पादकांपुढे ही समस्या उभी राहिली आहे.

नवीन उत्पादकांपुढे पेच
सरत्या हंगामात फुले नसल्याने यंदा अनेक शेतकऱ्यांनी झेंडू घेण्याविषयी नियोजन केले होते. झेंडू प्लॉट घेण्यासाठी तयारी करीत असतानाच दर पडल्याने व ते कधी सुरळीत होतील याची शाश्‍वती नसल्याने आता नव्याने झेंडूचे उत्पादन घेणाऱ्या शेतकऱ्यांपुढे पेच पडला आहे. यामुळे अनेक शेतकरी झेंडू करण्याचे नियोजन बाजूला ठेवत असल्याचे चित्र सध्या फूल उत्पादक पट्ट्यात आहे.

 

फेरीवाल्यांच्या संपामुळे आमच्याकडील फुलांचा उठाव मंदावला आहे. माल शिल्लक राहत असल्याने दररोज येणाऱ्या फुलांची कशी विक्री करायची, या चिंतेत आम्ही आहोत. दर नसल्याने शेतकऱ्यांचेही मोठे नुकसान होत आहे. पण क्षमतेपेक्षा जादा फुले आम्ही घेऊ शकत नसल्याने आमचाही नाइलाज आहे.
- सचिन लोखंडे, व्यापारी, दादर फूल मार्केट
.............
दिवाळीवेळी माझ्या फुलांचा प्लॉट सुरू झाला. पहिल्या तोड्याला ८० रुपये दर मिळाला. पण त्यानंतर दरात वेगाने घसरण होत गेली. आता हा दर १० रुपयांवर आला आहे. व्यापाऱ्यांकडूनही फारशी मागणी नाही. मजूर व व्यवस्थापन खर्चाचा हिशेब केल्यास फुले पाठवून काही रक्कम राहण्याऐवजी पदरमोड करून गाडीभाडे देण्याची वेळ आली आहे.
- सचिन कोळी, झेंडू उत्पादक

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...