बाजार समित्या निवडणुकांची तयारी सुरू

पुणे : राज्यातील बाजार समित्यांच्या निवडणुकांची तयारी सुरू झाली असून पारंपरिक निवडणूक पद्धतीमध्ये हाेणाऱ्या अामूलाग्र बदलाची नियमावली लवकरच जाहीर हाेणार अाहे. निवडणुकीच्या प्रणालीबाबत विविध २० हरकती आणि सूचना पणन संचालनालयाकडे प्राप्त झाल्या असून, या हरकती सूचना शासनाला पाठविण्यात आल्या आहेत, अशी माहिती पणन संचालक डॉ. आनंद जाेगदंड यांनी दिली.

शेतकऱ्यांना मतदानाचा थेट अधिकार या निवडणुकांमध्ये मिळणार असून, गणाएेवजी सर्वच उमेदवारांना मतदानाचा अधिकार मिळावा, पूर्वीप्रमाणेच पारंपरिक पद्धतीने निवडणूक व्हावी, अशी सूचनादेखील आली आहे. मात्र ही निवडणूक नव्या धाेरणाप्रमाणेच हाेणार असल्याचे सूत्रांनी स्पष्ट केले आहे.

दरम्यान सहकार निवडणूक प्राधिकरणाने बाजार समित्यांच्या निवडणुकांसाठीची प्राथमिक तयारी म्हणून सर्व जिल्हाधिकाऱ्यांना निवडणूक निर्णय अधिकारी म्हणून घाेषित केले असून, मतदार याद्या तयार करण्याच्या सूचना देण्यात आल्या आहेत. राज्यातील बाजार समित्यांमध्ये थेट शेतकऱ्यांना मतदानाचा अधिकार देण्याचा महत्त्वपूर्ण निर्णय शासनाने घेतला.

या निर्णयामुळे ग्रामीण महाराष्ट्रातील सर्वांत माेठे आर्थिक सत्ता केंद्र असलेल्या बाजार समित्यांच्या निवडणुका मिनी विधानसभा म्हणून आेळखल्या जाणार आहे. या निवडणुकांसाठीच्या कायद्यातील बदलाला विधानसभेत मंजुरी मिळाली असून, विधान परिषदेची मान्यता मिळणे बाकी आहे. विधान परिषदेची मान्यता मिळाल्यानंतर लवकरच या निवडणुकांची प्रक्रिया सुरू करण्यात येणार आहे.

यासाठीची नियमावली लवकरच जाहीर करण्यात येणार आहे. दरम्यान नव्याने हाेणाऱ्या निवडणूक प्रणालीबाबत पणन संचालनालयाने हरकती आणि सूचना मागविल्या हाेत्या. त्यानुसार २० हरकती सूचना आल्या असून, यामध्ये पारंपरिक पद्धतीनेच निवडणुका व्हाव्यात, निवडणुकांचा खर्च शासनाने करावा, गणनिहाय मतदान न हाेता सर्व उमेदवारांना मतदानाचा अधिकार मिळावा, अारक्षित जागांवर लॉटरी पद्धतीने आरक्षण काढण्यात येऊ नये आदी विविध हरकती घेण्यात आल्या आहेत. या सर्व हरकती शासनाकडे पाठविण्यात आल्याचे पणन संचालक डॉ. अानंद जाेगदंड यांनी सांगितले.

खर्च कमी करण्यासाठी गणांची निर्मिती सर्वच उमेदवारांना मतदानाचा अधिकार दिल्यास निवडणुकीचा खर्च वाढणार आहे. हा खर्च कमी करत निवडणूक पद्धतीमध्ये सुसूत्रात आणण्यासाठी गणनिहाय मतदान घेण्यात येणार, असेही सूत्रांनी स्पष्ट केले आहे.