agriculture news in Marathi, marketing is a middle point of smart project, Maharashtra | Agrowon

स्मार्ट प्रकल्पाचा केंद्रबिंदू शेतमाल ‘मार्केटिंग’ : आयुक्त सुहास दिवसे
टीम अॅग्रोवन
शुक्रवार, 22 मार्च 2019

पुणे : राज्यातील बहुतेक शेतकऱ्यांना आता पिकवायचे कसे हे सांगण्याची गरज नाही. आता विकायचे कसे आणि कुठे यासाठी कृषी विभाग पुढाकार घेईल. त्यासाठी स्मार्ट प्रकल्प राबविला जात आहे, स्मार्ट प्रकल्पाचा केंद्रबिंदू ‘मार्केटिंग’च असेल, अशी माहिती कृषी आयुक्त सुहास दिवसे यांनी दिली. 

पुणे : राज्यातील बहुतेक शेतकऱ्यांना आता पिकवायचे कसे हे सांगण्याची गरज नाही. आता विकायचे कसे आणि कुठे यासाठी कृषी विभाग पुढाकार घेईल. त्यासाठी स्मार्ट प्रकल्प राबविला जात आहे, स्मार्ट प्रकल्पाचा केंद्रबिंदू ‘मार्केटिंग’च असेल, अशी माहिती कृषी आयुक्त सुहास दिवसे यांनी दिली. 

जागतिक बॅंकेच्या मदतीने महाराष्ट्र राज्य कृषी व्यवसाय व ग्रामीण परिवर्तन (स्मार्ट) प्रकल्प राबविला जात आहे. मुख्यमंत्री देवेंद्र फडणवीस स्वतः या प्रकल्पाला आकार देण्यासाठी आढावा घेत आहेत. मुख्यमंत्री कार्यालयाचे अतिरिक्त मुख्य सचिव प्रवीणसिंह परदेशी यांच्या संकल्पनेतून स्मार्ट प्रकल्पाला गती दिली जात आहे. याशिवाय निवृत्त मुख्य सचिव रत्नाकर गायकवाड आणि अतिरिक्त मुख्य सचिव सुधीरकुमार गोयल यांचाही सहभाग यात आहे. 

राज्यातील दहा हजार गावांचा समावेश स्मार्टमध्ये केला जाणार आहे. त्यासाठी २ हजार ११८ कोटी रुपये इतका निधी गुंतविण्यात येणार असून, त्यापैकी १ हजार ४८३ कोटी रुपये जागतिक बँक देणार आहे. 

श्री. दिवसे म्हणाले की, “विविध पिकांच्या उत्पादनात शेतकऱ्यांनी चांगली प्रगती केली आहे. त्यामुळे जादा उत्पादकता उद्दिष्ठ असले तरी ते  मुख्य उद्दिष्ट नाही. त्याऐवजी शेतकऱ्यांना मार्केंटिंग क्षेत्रात बळकट करण्याची अतिशय गरज आहे. स्मार्ट प्रकल्पामध्ये पणन आणि कृषी अशा दोन्ही यंत्रणा एकत्रितपणे मार्केटिंगच्या मुद्द्यावर काम करणार आहेत.”

कृषी मूल्य साखळीला (व्हॅल्यू चेन) सुगी पश्चात क्षेत्रांमध्ये मूल्यवर्धनासाठी प्रोत्साहन देणे हा स्मार्टचा मुख्य उद्देश ठेवण्यात आलेला आहे. आयुक्त म्हणाले की, “प्रकल्पाच्या संकल्पनेची बांधणी सध्या सुरू आहे. त्यामुळे कोणत्या बाबी कशा पद्धतीने केल्या जाणार हे अजून निश्चित झालेले नाही. त्यावर अभ्यास आणि बैठका सुरू आहेत. मात्र, या उपक्रमाची सर्व दिशा लवकरच स्पष्ट होर्ईल.”

दरम्यान, स्मार्ट प्रकल्पासाठी महाराष्ट्र स्पर्धाक्षम कृषी विकास (एमएसीपी) प्रकल्पाप्रमाणे स्वतंत्र आयएएस अधिकारी देण्याचे राज्य शासनाने टाळले आहे. त्याऐवजी कृषी आयुक्तांनाच ‘स्मार्ट’चे प्रकल्प संचालकपद देण्यात आले आहे. कृषी आयुक्तांनी मात्र अतिरिक्त प्रकल्प संचालकपदी दशरथ तांबाळे यांची नियुक्ती केली आहे. ते कोल्हापूर विभागाते कृषी सहसंचालक म्हणून कार्यरत आहेत. यापूर्वी एमएसीपीच्या बांधणीत श्री. तांबाळे व प्रदीप पाटील यांनी चांगली कामगिरी केली. अतिरिक्त प्रकल्प संचालक म्हणून आयुक्तांच्या वतीने बहुतेक कामकाज श्री. तांबाळे यांच्याकडून पाहिले जाईल, अशी माहिती सूत्रांनी दिली.

 कृषी उपसंचालक प्रदीप पाटील आणि तंत्र अधिकारी अजय पाटील यांनादेखील स्मार्ट प्रकल्पाची जबाबदारी देण्यात आली आहे.

इतर अॅग्रो विशेष
असाही एक छुपा करनव्वदच्या दशकापासून राबवल्या जात असलेल्या आर्थिक...
शेततळे की गळके भांडेमा  गेल त्याला शेततळे योजनेची सांगड रोजगार हमी...
इक्रीसॅट पद्धतीतून वाढविले भुईमूग...सोहाळे (ता. आजरा, जि. कोल्हापूर) येथील प्रयोगशील...
गौरीनंदन ने ठेवले दर्जेदार, भेसळमुक्त...शनी शिंगणापूर (ता. नेवासा, जि. नगर) येथील...
नैर्ऋत्य मोसमी वाऱ्यांनी पाच दिवसांत...पुणे : नैर्ऋत्य मोसमी वाऱ्यांनी (मॉन्सून)...
गतवर्षी नष्ट झाल्या ४० टक्के मधमाशी...गेल्या वर्षी एप्रिल २०१८ ते एप्रिल २०१९ या...
तुरळक ठिकाणीच जोरदार पावसाची शक्यता पुणे : मध्य महाराष्ट्रात चक्राकार वाऱ्याची स्थिती...
एचटीबीटी बियाणे विक्रीप्रकरणी सहा अटकेतवणी, जि. यवतमाळ  : चंद्रपूर जिल्ह्यातील...
राज्यात मध्यम ते हलक्या सरी पुणे ः मॉन्सून दाखल झाल्यानंतर राज्याच्या...
मराठवाड्यात पिककर्जवाटप केवळ १३...औरंगाबाद : कर्जपुरवठ्याबाबत पुन्हा एकदा ...
‘एचटीबीटी’ लागवडप्रकरणी शेतकरी...अकोला ः जिल्ह्यात एचटीबीटी कापूस बियाणे लागवड...
नाशिक येथे आज पाणी व्यवस्थापन परिषदनाशिक: दर्जेदार पीक उत्पादनासाठी सुपीक जमिनीच्या...
मॉन्सूनने महाराष्ट्र व्यापलापुणे : नैर्ऋत्य मोसमी वाऱ्यांनी (मॉन्सून)...
उत्पन्नवाढीचे गणित चुकते कुठे?साधारणपणे एप्रिल महिन्याच्या आरंभास विविध...
पीकविम्याचे कवित्वप तप्रधान पीकविमा योजनेची देशपातळीवर अंमलबजावणी...
‘वैद्यकीय' प्रवेशास मराठा आरक्षण लागू...नवी दिल्ली : वैद्यकीय आणि दंतवैद्यकीयच्या...
राज्यात सर्वदूर पावसाची हजेरी पुणे : राज्यात मॉन्सून दाखल झाल्यानंतर सर्वदूर...
तीव्र दुष्काळाच्या प्रदेशात ११० एकरांवर...आटपाडी (जि. सांगली) येथील राजेश सातारकर यांची...
आठवडाभराच्या खंडानंतर पुन्हा चांगला...पुणे: राज्याच्या बहुतांशी भागात मॉन्सूनचे आगमन...
मालेगाव बाजार समितीत ‘इतर’च्या नावाखाली...नाशिक: मालेगाव कृषी उत्पन्न बाजार समितीमध्ये ‘इतर...