agriculture news in marathi, mass trapping Experiment in kadegaon, Maharashtra | Agrowon

बोंड अळी नियंत्रणासाठी ‘मास ट्रॅपिंग'चा प्रयोग
टीम अॅग्रोवन
बुधवार, 25 जुलै 2018

गुजरात कृषी विद्यापीठाच्या धर्तीवरती १६ ट्रॅप प्रतिएकर लावून जास्तीत जास्त नर पतंग पकडण्याची प्रत्यक्ष शेतावरील चाचणीचे नियोजन करण्यात आले आहे. या चाचणीमधून नुकसान, उत्पादन खर्च असा प्रयोग नसलेल्या ठिकाणाशी त्याचा तुलनात्मक अभ्यास करून शिफारस दिली जाणार आहे. 
- अजय मिटकरी, विषय विशेषज्ञ (पीक संरक्षण), 
कृषी विज्ञान केंद्र खरपुडी जि. जालना. 

औरंगाबाद : मराठवाड्यात गुलाबी बोंड अळीचा उद्रेक गत हंगामात शेतकरी, कृषीची यंत्रणा व तज्‍ज्ञांनी अनुभवला. यंदाही लवकर लागवड झालेल्या कपाशी पिकात गुलाबी बोंड काही भागांत डोके वर काढते आहे. अशावेळी कामगंध सापळ्यांच्या आधारे मराठवाड्यात चार ठिकाणी ‘मास ट्रॅपिंग’चा प्रयोग राबविला जाणार आहे. जालना जिल्ह्यातील कडेगाव येथे गुजरातच्या धर्तीवर 'मास ट्रॅपिंग'साठी दहा शेतकऱ्यांच्या दहा एकरांवर प्रतिएकर सोळा कामगंध सापळे लावण्यात आले आहेत.  

यंदा मराठवाड्यात हंगामपूर्व कपाशीची लागवड झाली नाही. शिवाय शेतकऱ्यांच्या शेतात कामगंध सापळे लावण्याचे कामही मोहीम म्हणून हाती घेतले जात आहे. अशावेळी प्रयोग म्हणून गुजरातच्या धर्तीवर राबविल्या जात असलेल्या 'मास ट्रॅपिंग'नेही आपले महत्त्व अधोरेखित केले आहे. जालना जिल्ह्यातील खरपुडी कृषी विज्ञान केंद्राच्या माध्यमातून कडेगाव येथील दहा शेतकऱ्यांच्या सलग दहा एकरांवर हा प्रयोग राबविला जात आहे. त्या क्षेत्रातील गुलाबी बोंड अळीचे जास्तीत जास्त नर पतंग ट्रॅप करायचे व त्यामाध्यमातून गुलाबी बोंड अळीची पुढील पिढी निर्माण होण्यावर नियंत्रण आणण्याचे काम या प्रयोगातून केले जाणार आहे.

गुजरातमधील कृषी विद्यापीठाने याविषयी संशोधन करून २०१६ च्या जॉईंट ॲग्रोस्कोमध्ये एकरी १६ कामगंध सापळे लावण्याविषयी शिफारस केली होते. याविषयी खरपुडी कृषी विज्ञान केंद्राकडून 'मास ट्रॅपिंग' प्रयोग शेतकऱ्यांना उत्पादन खर्चाला परवडणार आहे का याची चाचपणी झाली. त्यानंतर वसंतराव नाईक मराठवाडा कृषी विद्यापीठाच्या यंदाच्या ॲक्‍शन प्लॅन विषयीच्या बैठकीत परवानगी मिळण्याची मागणी करण्यात आली. त्याला मंजुरात मिळाल्यानंतर 'मास ट्रॅपिंग' राबविण्यासाठी कडेगावातील दहा शेतकऱ्यांच्या दहा एकरांवर दहा दिवसांपूर्वीच एकूण १६० ट्रॅप्स लावण्यात आले आहेत.

हिंगोली जिल्ह्यातील तोंडापूर कृषी विज्ञान केंद्रामार्फत तसेच अंबाजोगाई येथील डिघोळअंबा कृषी विज्ञान केंद्र व औरंगाबादच्या एमजीएम कृषी विज्ञान केंद्रामार्फतही प्रत्येकी एका गावात ‘मास ट्रॅपिंग’चा प्रयोग केला जाणार आहे. 

असे होतील फायदे...

  • हे यशस्वी झाल्यास नुकसानीच्या पातळीआधीच गुलाबी बोंड अळीवर नियंत्रण येईल.
  •  कीटकनाशकाचा खर्च कमी करण्यात यश मिळेल.     रासायनिक किडनाशकाचा मित्र किडी, प्राणी, माणसांवरीत होणार दुष्परिणाम रोखता येईल.     
  • शाश्‍वत उत्पादन मिळविण्यातही मिळेल यश.

इतर अॅग्रो विशेष
गहू पिकाचे जनुकीय विश्लेषण, सुसंगत...आंतरराष्ट्रीय संशोधकांच्या गटाने गहू पिकाचे...
वऱ्हाडात पावसाचे जोरदार पुनरागमनअकोला  : दोन दिवस उसंत घेतल्यानंतर वऱ्हाडात...
खान्‍देशात जोरदार पाऊसजळगाव : खानदेशात मागील २४ तासांत अनेक ठिकाणी...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यात पावसाने...
शासनाच्या नव्या निर्णयाचा महाबीज,...अकोला ः महाबीज आणि राष्ट्रीय बीज निगम यांच्या...
बियाणे उत्पादक शेतकऱ्यांना फरकाची रक्कम...मुंबई: राज्याला बियाणे उत्पादनात स्वयंपूर्ण...
राज्यातील धरणांमध्ये ५९ टक्के पाणीसाठापुणे : सह्याद्रीच्या घाटमाथ्यासह, मध्य...
बाळासाहेब ठाकरे ग्रामपंचायत बांधणी...मुंबई: राज्यातील ग्रामपंचायतींना स्वत:च्या...
‘ग्लायफोसेट’ला पर्याय काय? पुणे ः ग्लायफोसेट मानवी आरोग्य व पर्यावरणाला...
सेंद्रिय शेतीच्या प्रसारासाठी डॉ....मुंबई : राज्यातील शेतीक्षेत्रात रासायनिक खतांचा...
ग्लॅडिअोलस, गुलछडीतून दरवळला यशाचा सुगंधतांत्रिक शिक्षणाचा पुरेपुर वापर, नावीन्यांचा शोध...
‘बकरी ईद’चे उद्दिष्ट ठेवून बोकड संगोपन...बकरी ईदच्या सणाचे उद्दिष्ट ठेवत पुणे जिल्ह्यातील...
विदर्भात दणका; मराठवाड्यात जोरदारपुणे : राज्यात सुरू असलेल्या पावसाने...
तेलंगणातही आढळली लष्करी अळी हैदराबाद ः लष्करी अळीच्या प्रादुर्भावाने भारतासह...
केरळला २६०० कोटींचे पॅकेज द्या :...तिरुअनंतपूरम ः पुरामुळे केरळचे प्रचंड प्रमाणात...
केळी उत्पादकांना विमा परतावा सात...जळगाव ः हवामानावर आधारित फळ पीकविमा योजनेत जळगाव...
...तर दूध उत्पादकांना २५ रुपये दर देणे...पुणे: राज्यातील दूध उत्पादक शेतकऱ्यांना प्रतिलिटर...
गुणवत्तेच्या नावाखाली दूधदर कपातीचा...मुंबई : राज्यातील दूध उत्पादक शेतकऱ्यांनी...
काळी आई आणि तिच्या लेकरांवर प्रेम करा४ ऑगस्टच्या ‘अॅग्रोवन’मध्ये तीस वर्षे सतत फ्लॉवर...
युरियाचा वापर हवा नियंत्रितचपंधरा दिवसांच्या उघडिपीनंतर राज्यात पावसाने दमदार...