मोसंबीवर मावा चिकटा वाढला

औरंगाबाद : देवगाव येथील शहादेव ढाकणे यांच्या बागेतील मोसंबीवर आलेला चिकटा व मावा.
औरंगाबाद : देवगाव येथील शहादेव ढाकणे यांच्या बागेतील मोसंबीवर आलेला चिकटा व मावा.

औरंगाबाद  : मोसंबीवर मावा व चिकटाचा प्रादूर्भाव वाढला आहे. दरवर्षीपेक्षा यंदा हे प्रमाण जास्त असल्याची माहिती शेतकऱ्यांनी दिली. हवामान बदलामुळे हे प्रमाण वाढले असून त्याचा परिणाम मोसंबीच्या कोनी फूटण्यावर होत असल्याचे शेतकरी सांगतात.

मराठवाड्यात मोसंबीचे सर्वाधिक क्षेत्र जालना व औरंगाबाद जिल्ह्यात आहे. या मोसंबी उत्पादकांपैकी जवळपास ७० टक्‍के शेतकरी आंबे बहार घेतात तर जवळपास ३० टक्‍के शेतकरी मृग बहाराचे नियोजन करतात. यंदा मृग बहाराच्या नियोजन करणाऱ्या शेतकऱ्यांना अडचणींना सामोरे जावे लागले. अचानक पाऊस, वा पावसाची  प्रदीर्घ दडी यामुळे शेतकऱ्यांचे आंबे बहाराचे नियोजन कोलमडले.

त्यातच वातावरणातील इतर बदलांनीही नियोजन कोलमडविण्यात हातभार लावल्याचे शेतकरी सांगतात. तुर्त शेतकऱ्यांचे आंबे बहराचे नियोजन सुरू असताना त्यावर मावा व चिकटा चा प्रादूर्भाव मोठ्या प्रमाणात झाला आहे. खासकरून पैठण तालुक्‍यातील मोसंबीवर हे प्रमाण अधिक आहे.

साधारणपणे फूल लागण्याच्या अवस्थेत हा मावा येतो परंतू त्यांचे प्रमाण यंदा जास्त आहे. मावा व चिकटा च्या प्रादूर्भावामुळे निघणारी ''कोणी'' पीवळी व त्यानंतर काळी पडत असल्याचे शेतकरी सांगतात. त्याचा थेट परिणाम मोसंबीच्या बहार फूटण्यावर होउन अपेक्षेच्या तुलनेत यंदा आंबे बहाराचे उत्पादणातही फटका बसेल अशी माहिती शेतकऱ्यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com