agriculture news in marathi, meeting for maratha reservation, mumbai, maharashtra | Agrowon

आरक्षणासंदर्भात सर्वपक्षीय नेत्यांची आज बैठक
टीम अॅग्रोवन
शनिवार, 28 जुलै 2018

मुंबई  : मुंबईसह राज्यभरात पेटलेला मराठा आरक्षण आंदोलनाचा वणवा शुक्रवारीही (ता.२७) धुमसत होता. मराठवाड्यासह राज्यभरात आंदोलनाला हिंसक वळण लागले. यासंदर्भात मुख्यमंत्री देवेंद्र फडणवीस आणि त्यांच्या मंत्रिमंडळातील सहकाऱ्यांची बैठक गुरुवारी (ता.२६) रात्री उशिरा संपली. बैठकीत मराठा आरक्षणासंदर्भात मागास आयोगाचा अहवाल राज्य सरकारने तातडीने द्यावा, अशी भूमिका मांडण्यात आली. तसेच मराठा आरक्षणाच्या मुद्यावर तोडगा काढण्यासाठी विधानसभेच्या सर्वपक्षीय गटनेत्यांची शनिवारी (ता.२८) दुपारी बैठक बोलवण्यात आली आहे.  

मुंबई  : मुंबईसह राज्यभरात पेटलेला मराठा आरक्षण आंदोलनाचा वणवा शुक्रवारीही (ता.२७) धुमसत होता. मराठवाड्यासह राज्यभरात आंदोलनाला हिंसक वळण लागले. यासंदर्भात मुख्यमंत्री देवेंद्र फडणवीस आणि त्यांच्या मंत्रिमंडळातील सहकाऱ्यांची बैठक गुरुवारी (ता.२६) रात्री उशिरा संपली. बैठकीत मराठा आरक्षणासंदर्भात मागास आयोगाचा अहवाल राज्य सरकारने तातडीने द्यावा, अशी भूमिका मांडण्यात आली. तसेच मराठा आरक्षणाच्या मुद्यावर तोडगा काढण्यासाठी विधानसभेच्या सर्वपक्षीय गटनेत्यांची शनिवारी (ता.२८) दुपारी बैठक बोलवण्यात आली आहे.  

मराठा आरक्षणाच्या मागणीवरून राज्यभर सुरू असलेले आंदोलन कसे शमवता येईल, यासाठी आता मुख्यमंत्र्यांनी डॅमेज कंट्रोलला सुरुवात केली आहे. तसेच हे आंदोलन कसे शांत करता येईल, मराठा समाजाला त्वरित कोणकोणत्या बाबींचा दिलासा देता येईल, यावर विचार करून रणनीती आखण्यासाठी गुरुवारी रात्री उशिरा वर्षा या निवासस्थानी राज्यातील मराठा मंत्र्यांची तसेच आमदारांची बैठक घेण्यात आली. मराठा युवकांमध्ये आरक्षणाच्या मागणीची धग संपलेली नाही. आगामी काळात सरकारला हा रोष परवडणारा नसल्याचे सांगण्यात येत आहे, म्हणून सरकारकडून यावर उपाय काढण्याचे प्रयत्न सुरू आहेत. मराठा मोर्चाच्या समन्वयकांशी चर्चा करण्यासाठी नेमकी कोणती रणनीती आखता येईल याचा अंदाज सरकारकडून घेण्यात आल्याचे समजते. सर्व आमदारांनी आपापल्या मतदारसंघातील आणि जिल्ह्यातील वातावरण शांत करण्यासाठी पुढाकार घ्यावा, अशा सूचना या बैठकीत दिल्या गेल्या.

तसेच मराठा समाजासाठी देण्यात येणाऱ्या सवलती अधिक जलद गतीने कशा देता येतील, अण्णासाहेब पाटील आर्थिक विकास महामंडळाकडून देण्यात येणारी कर्जे आणि महाविद्यालयातील शैक्षणिक शुल्काची सवलत तातडीने देण्याबाबत तोडगा काढण्याचे ठरवण्यात आले. तसेच राज्य मागासवर्गाकडून अहवाल लवकर प्राप्त करण्यासाठी त्यांना लागणाऱ्या सर्व सुविधा देण्यात येणार असल्याची माहिती सूत्रांकडून देण्यात आली.

दरम्यान, महसूलमंत्री चंद्रकांत पाटील यांच्या नेतृत्वाखालील मंत्र्यांचे शिष्टमंडळ शुक्रवारी संध्याकाळी मागासवर्ग आयोगाच्या अध्यक्षांची भेट घेऊन मराठा आरक्षणासंदर्भात आयोगाचा अहवाल लवकरात लवकर द्यावा, अशी विनंती करणार होते.

इतर ताज्या घडामोडी
`जलयुक्त`ची कामे गतीने पूर्ण करा : डवलेबुलडाणा : जलयुक्‍त शिवार अभियानातंर्गत भूजल...
नगर जिल्ह्यात सव्वाचार लाख हेक्‍टर...नगर ः नगर जिल्ह्यामध्ये रब्बीच्या सरासरी...
सांगलीतील मध्यम, लघू प्रकल्पांत २३...सांगली ः जिल्ह्यातील ८४ मध्यम आणि लघू प्रकल्पांत...
नगर जिल्हा परिषदेत दलालांचा सुळसुळाटनगर ः जिल्हा परिषदेत आता पहिल्यासारखी स्थिती नाही...
सोलापुरात वांगी, ढोबळी मिरची, कोबी दरात...सोलापूर ः सोलापूर कृषी उत्पन्न बाजार समितीच्या...
रेशीम शेतकऱ्यांना सरकारचे अर्थसाह्य :...नागपूर : नव्याने रेशीम शेतीकडे वळणाऱ्या...
नाशिक जिल्हा बॅँकेच्या संचालकांच्या...नाशिक : आर्थिक अडचणीत सापडलेल्या जिल्हा मध्यवर्ती...
सोलापुरातील रस्त्याचे काम शेतकऱ्यांनी...सोलापूर : सोलापूर-विजापूर राष्ट्रीय...
योग्य वेळी करा मिरीची काढणीमिरी घोसामधील एक ते दोन मणी पिवळे अगर नारंगी...
नाशिकला वांगी, घेवडा, आले दर तेजीतनाशिक : गत सप्ताहात नाशिक बाजार समितीत बहुतांश...
बियांद्वारे मिळवता येतील भाताचे ‘क्लोन’ बियांद्वारे मिळवता येतील भाताचे ‘क्लोन’...
प्रथिनांद्वारे मिळवता येईल अधिक टिकाऊ...निसर्गातील कोळ्याच्या धाग्यापासून प्रेरणा घेत चीन...
ऊसतोडणी कामगारांच्या गावांत दुष्काळी...नगर ः जनावरे जगवण्यासाठी आणि रोजगाराच्या शोधात...
नामपूरात शेतमालाला दर, कर्जमाफीसाठी...नामपूर, जि. नाशिक : कांदा पिकासह शेतमालाचे...
वजनकाट्यात घोळ करणाऱ्यांनी लाज बाळगावीमाळेगाव, जि. पुणे ः ‘माळेगाव साखर कारखान्याचे...
कोल्हापूर जिल्ह्यास ३०० एकर तुती...कोल्हापूर : महारेशीम अभियानांतर्गत कोल्हापूर...
हमीभावाने साडेदहा हजार क्विंटल शेतीमाल...नांदेड ः नांदेड, परभणी, हिंगोली जिल्ह्यांमध्ये...
पुणे बाजारात भाजीपाल्यांचे दर स्थिर;...पुणे ः गुलटेकडी येथील कृषी उत्पन्न बाजार...
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...