सुलभ कर्जवाटप अभियानांतर्गत सोमवारपासून मेळावे
सुलभ कर्जवाटप अभियानांतर्गत सोमवारपासून मेळावे

सुलभ कर्जवाटप अभियानांतर्गत सोमवारपासून मेळावे

नांदेडः नांदेड जिल्ह्यातील तालुक्यांचे सहायक निबंधक (सहकारी संस्था) यांनी संबंधित तालुक्यामध्ये बँकांच्या मदतीने मंडळनिहाय पीक कर्ज वाटप मेळावे आयोजित करून सर्व पात्र शेतकऱ्यांना खरिपासाठी पीक कर्ज उपलब्ध करून देण्यासाठी आवश्यक ते प्रयत्न करण्याबाबत निर्देश जिल्हाधिकारी अरुण डोंगरे यांनी दिले आहेत.

त्याअनुषंगाने सोमवार (ता. १८) पासून ३० जूनपर्यंत जिल्ह्यातील प्रत्येक तालुक्यातील महसूल मंडल स्तरावर सुलभ पीक कर्ज वाटप अभियान मेळाव्यांचे आयोजन करण्यात आले आहे.

राज्यातील शेतकऱ्यांना खरीप हंगामासाठी आवश्यक पीक कर्ज वाटपात अडचण येऊ नये आणि बँक, प्रशासनाच्या परस्पर सहकार्याने कर्ज वाटप प्रक्रिया जलद, सुकर होण्यासाठी राज्य शासनाकडून सुलभ पीक कर्ज वाटप अभियान राबविण्यात येत आहे. शेतकऱ्यांना खरीप पीक कर्ज उपलब्ध होण्यामध्ये अडचणी आहेत किंवा मागणी करूनही कर्ज उपलब्ध होत नाही. त्या शेतकऱ्यांनी संबंधित तालुका उपनिबंधक, सहायक निबंधक (सहकारी संस्था) कार्यालयाशी संपर्क करण्याचे आवाहन करण्यात आले आहे.

जिल्हास्तरीय बँकर्स कमिटीच्या बैठकीत सर्व बँकाच्या प्रतिनिधींना जिल्ह्यातील पात्र शेतकऱ्यांना व कर्जमाफी मिळालेल्या शेतकऱ्यांना खरिपासाठी जलदगतीने पीक कर्ज वाटप करण्याबाबत श्री. डोंगरे यांनी संबंधितांना निर्देश दिले आहेत. छत्रपती शिवाजी महाराज शेतकरी सन्मान योजना २०१७ अंतर्गत कर्जमाफीचा लाभ मिळालेल्या शेतकऱ्यांना खरीप पीक कर्ज वाटप प्राधान्याने करण्यात यावे, अशा सूचना जिल्हाधिकारी श्री. डोंगरे यांनी जिल्हा अग्रणी बँकेमार्फत सर्व बँकांना दिल्या आहेत.

तालुकानिहाय मंडळ स्तर सुलभ कर्जवाटप मेळाव्याचा कालावधी सोमवार १८ ते २९ जून ः नांदेड, किनवट, हदगाव सोमवार १८ ते २५ जून ः मुदखेड, नायगाव, देगलूर, लोहा, बिलोली सोमवार १८ ते २७ जून  ः धर्माबाद सोमवार १८ ते ३० जून ः कंधार, मुखेड सोमवार १८ ते २० जून ः माहूर, उमरी सोमवार १८ ते २२ जून ः अर्धापूर, हिमायतनगर, भोकर

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com