agriculture news in marathi, Mekunu to gearup in Arabia Sea | Agrowon

‘मेकुणू’ चक्रीवादळ होणार अतितीव्र
टीम अॅग्रोवन
गुरुवार, 24 मे 2018

पुणे : अरबी समुद्रात घोंगावत असलेल्या ‘मेकुणू’ चक्रीवादळाने बुधवारी (ता.२३) सकाळी साडेआठ वाजता तीव्र रूप धारण केले आहे. गुरुवारी (ता. २४) सकाळपर्यंत हे वादळ अतितीव्र होणार असून, ओमान आणि येमेनच्या किनाऱ्याजवळच्या ताशी १६० ते १८० किलोमीटर वेगाने वारे वाहण्याचा इशारा देण्यात आला आहे. ही वादळी प्रणाली भारतापासून दूर असल्याने पश्‍चिम किनारपट्टीवर व लक्षद्वीप बेटांवर त्याचा विपरीत परिणाम होणार नसल्याचे हवामान विभागाने स्पष्ट केले आहे.

पुणे : अरबी समुद्रात घोंगावत असलेल्या ‘मेकुणू’ चक्रीवादळाने बुधवारी (ता.२३) सकाळी साडेआठ वाजता तीव्र रूप धारण केले आहे. गुरुवारी (ता. २४) सकाळपर्यंत हे वादळ अतितीव्र होणार असून, ओमान आणि येमेनच्या किनाऱ्याजवळच्या ताशी १६० ते १८० किलोमीटर वेगाने वारे वाहण्याचा इशारा देण्यात आला आहे. ही वादळी प्रणाली भारतापासून दूर असल्याने पश्‍चिम किनारपट्टीवर व लक्षद्वीप बेटांवर त्याचा विपरीत परिणाम होणार नसल्याचे हवामान विभागाने स्पष्ट केले आहे.

बुधवारी सकाळी नैऋत्य अरबी समुद्रात असलेले वादळ ताशी १२ किलोमीटर वेगाने ओमान आणि येमेनच्या किनाऱ्याकडे झेपावत आहे. सकाळी साडेआठ वाजता हे वादळ सोकोट्रा बेटापासून २७० किलोमीटर अग्नेयेकडे, तर ओमानच्या सलालाहपासून ६७० किलोमीटर दक्षिणकडे समुद्रात थैमान घालत होते. गुरुवारी सकाळपर्यंत त्याचे अतितीव्र वादळात रूपांतर होणार आहे. या वेळी वारे ताशी १५० ते १६० किलोमीटर वेगाने फिरणार असून, ताशी १८० किलोमीटर वेगाने झोत वाहणार अाहेत. शनिवारी हे वादळ सलालाहजवळ किनाऱ्याला धडकण्याची शक्यता आहे. या वादळाने अरबी समुद्रावरील बाष्प ओढून घेतल्याने येमनच्या किनाऱ्यालगत दाट ढग गोळा झाले आहेत. गुरुवारी अरबी समुद्रातही १४५ किलोमीटर वेगाने वारे वाहणार असल्याने समुद्र खवळून उंच लाटा उसळणार आहेत. त्यामुळे अंतर्गत अरबी समुद्रात मासेमारीसाठी न जाण्याचा इशारा देण्यात आला आहे.

मॉन्सून लवकरच अंदमानात
नैऋत्य मोसमी वाऱ्यांच्या (माॅन्सून) प्रगतीस पोषक हवामान तयार होत आहे. शनिवारी (ता.२६) सकाळपर्यंतच्या ७२ तासांमध्ये माॅन्सून दक्षिण अंदमानात दाखल होणार अाहे. तर, माॅन्सूनचे आगमन होताच अंदमानात जोरदार पाऊस पडण्याची शक्यता असल्याचे हवामान विभागाने स्पष्ट केले आहे. दरम्यान, शनिवारी अग्नेय अरबी समुद्र, लक्षद्वीप आणि केरळच्या किनाऱ्यालगत वेगवान वारे वाहणार आहे. साेमवारपासून (ता.२८) केरळसह पश्‍चिम किनाऱ्यावर मुसळधार पावसाची शक्यता अाहे. मासेमारीसाठी किनाऱ्यालगतच्या समुद्रात न जाण्याचा इशारा देण्यात आला आहे. 

इतर अॅग्रो विशेष
जपला एकीचा वसा, उमटवला प्रगतीचा ठसा,...रावळगुंडवडी (ता. जत, जि. सांगली) येथील...
`डॉ. स्वामीनाथन आयोगाच्या शिफारशी ...शिर्डी, जि. नगर ः डॉ. स्वामीनाथन आयोगाच्या...
खरिपात झाला केवळ ५२ टक्के कर्जपुरवठापुणे : पीक पतपुरवठा आराखड्याच्या शेतकऱ्यांना कर्ज...
हुडहुडी वाढलीपुणे : उत्तरेकडून येणाऱ्या थंड वाऱ्यांच्या...
दूध पावडर निर्यात योजनेचाही फज्जापुणे : राज्य सरकारवर विश्‍वास ठेवून कमी भावात दूध...
महाराष्ट्रात सर्वाधिक पीक विम्याची नोंदनवी दिल्ली : पंतप्रधान पीकविमा योजनेअंतर्गत दोन...
पंधरा हजार धरण, तलावांतील गाळ काढणार :...मुंबई : राज्यातील छोटी धरणे, तलाव यांमधील...
‘माफसू’ उभारणार पशुविज्ञान संग्रहालयनागपूर ः मुलांना प्राणीशास्त्र कळावे त्यासोबतच...
राज्यात शनिवारपासून महारेशीम अभियाननागपूर   ः रेशीमशेतीला प्रोत्साहन मिळावे, या...
बदलत्या वातावरणामुळे केळी निसवणीवर...जळगाव ः थंड, विषम वातावरणामुळे खानदेशात केळीच्या...
सारंगखेड्याचा ‘चेतक महोत्सव’ आजपासून मुंबई : नंदूरबार जिल्ह्यातील सारंगखेडा येथे...
दूध पिशव्यांसंदर्भात दोन महिन्यांची...मुंबई: दुधाच्या पॉलिथीन पिशव्यांच्याबाबतीत राज्य...
सिंचन प्रकल्पांना नाबार्डकडून सात हजार...मुंबई : प्रधानमंत्री कृषी सिंचन योजनेंतर्गत...
‘सेमीफायनल’मध्ये भाजपला झटकानवी दिल्ली ः लोकसभेची दिशा ठरविणाऱ्या आणि अतिशय...
नगरला हंगामातील नीचांकी ९.२ अंश...पुणे : उत्तरेकडील वाऱ्यांचे प्रवाह सुरळीत...
मराठवाड्यातील सोयगाव तालुक्यात रुजतोय...औरंगाबाद जिल्ह्यातील सोयगाव तालुक्यातील शेतकरी...
दोनशे एकरांवर देशमुख यांची करार शेती..शिराळा (ता. जि. अमरावती) येथील विजय ऊर्फ मनोहर...
मिझोराममध्ये कॉंग्रेसचा दारुण पराभवगुवाहाटी ः मिझोरामच्या विधानसभा निवडणुकीत...
परभणीत मुगाची चार क्विंटल, तर उडदाची...परभणी ः जिल्ह्यात यंदाच्या खरीप हंगामातील मुगाची...
कृषीच्या पदव्युत्तर अभ्यासक्रम प्रवेश... पुणे ः राज्यातील चारही कृषी विद्यापीठांमध्ये...