agriculture news in marathi, MEP removal boost onion market by 300 per quintal | Agrowon

‘एमईपी’ हटताच कांदा दरात ३००ने वाढ
टीम अॅग्रोवन
रविवार, 4 फेब्रुवारी 2018

बाजाराने केले निर्णयाचे स्वागत; उत्पादक, व्यापाऱ्यांनाही दिलासा
नाशिक : कांद्यावरील किमान निर्यात मूल्य (एमईपी) हटविण्याचा महत्त्वपूर्ण निर्णय शुक्रवारी (ता. २) केंद्र शासनाने घेतल्यानंतर त्याचे पडसाद बाजारावर उमटले. शनिवारी (ता. ३) नाशिक बाजार समितीतील सकाळच्या लिलावातील कांद्याचे सरासरी दर ३०० रुपयांनी वधारले. मागील पंधरा दिवसांपासून सुरू असलेल्या कांदा दरातील घसरणीला ‘ब्रेक’ लागणार असून, येत्या काळात लाल व उन्हाळ कांद्याचे दर १५०० ते २००० या दरम्यान स्थिर राहतील, असे जाणकारांनी सांगितले.  

बाजाराने केले निर्णयाचे स्वागत; उत्पादक, व्यापाऱ्यांनाही दिलासा
नाशिक : कांद्यावरील किमान निर्यात मूल्य (एमईपी) हटविण्याचा महत्त्वपूर्ण निर्णय शुक्रवारी (ता. २) केंद्र शासनाने घेतल्यानंतर त्याचे पडसाद बाजारावर उमटले. शनिवारी (ता. ३) नाशिक बाजार समितीतील सकाळच्या लिलावातील कांद्याचे सरासरी दर ३०० रुपयांनी वधारले. मागील पंधरा दिवसांपासून सुरू असलेल्या कांदा दरातील घसरणीला ‘ब्रेक’ लागणार असून, येत्या काळात लाल व उन्हाळ कांद्याचे दर १५०० ते २००० या दरम्यान स्थिर राहतील, असे जाणकारांनी सांगितले.  

महाराष्ट्रासह मध्य प्रदेश, गुजरात, राजस्थान या राज्यातून आवक वाढत असताना मार्च अखेरपर्यंत उच्चांकी आवक होण्याचा अंदाज यापूर्वीच तज्ज्ञांनी दिला आहे. येत्या काळात कांद्याचे दर मोठ्या प्रमाणावर घसरण्याची भीती व्यक्त होत होती. मात्र ‘एमईपी'' पूर्णपणे हटविल्यामुळे कांद्याचे दर टिकून राहण्यास मदत होणार आहे. या स्थितीत कांदा उत्पादक, ग्राहक, व्यापारी व निर्यातदार या सर्व संबंधित घटकांना मोठा दिलासा मिळाला आहे. 

निर्यातीचे लक्ष्य गाठणार 
नाफेडचे संचालक नानासाहेब पाटील म्हणाले, की २३ नोव्हेंबर १७ पर्यंत कांदा निर्यातीवर ‘एमईपी''चे कोणतेही बंधन नव्हते. या काळात वर्ष २०१६-१७ या आर्थिक वर्षात ३५ लाख टन इतकी आतापर्यंतची उच्चांकी कांदा निर्यात झाली. निर्यातीची ही गती नोव्हेंबर २०१७ पर्यंत स्थिर होती. त्यानंतर ‘एमईपी’ ८५० डॉलर करण्यात आली. ‘एमईपी’ हटविण्याची मागणी सर्वस्तरांतून होत असताना २० जानेवारी २०१८ ला ‘एमईपी’ १५० डॉलरने कमी करण्यात आली. २ फेब्रुवारीला पुन्हा केंद्राच्या पातळीवर ‘एमईपी’ हटविण्याचा धडक निर्णय झाला. याचा लाभ निर्यात वाढीसाठी होणार आहे. मागील वर्षी ३५ लाख टन निर्यात झाली होती. यंदा मार्च अखेरपर्यंत ३५ लाख टनांपर्यंत जाईल अशी शक्‍यता दिसते. एनएचआरडीएफकडून लवकरच याबाबतचा अहवाल प्रसिद्ध केला जाईल. त्या वेळी निर्यातीची नेमकी आकडेवारी समोर येईल.

उन्हाळ कांद्याला मिळेल दिलासा  
खरीप, लेट खरीप व उन्हाळ कांद्याच्या एकूण क्षेत्रापैकी ६० टक्के फक्त उन्हाळ कांद्याचे असते. ऑक्‍टोबरपासून कांद्याचे दर टिकून असताना यंदा उन्हाळ कांद्याची लागवड वाढली आहे. अगदी फेब्रुवारी महिन्यापर्यंत कांद्याची लागवड सुरू आहे. देशाची कांद्याची गरज १ कोटी लाख टनाची आहे. केंद्र शासनाच्या आकडेवारीनुसार मागील वर्षी देशातील कांदा उत्पादनाने २ कोटी २५ लाख टनांचा टप्पा गाठला होता. यंदा जानेवारी  महिन्याच्या सुरवातीलाच २ लाख  ९ हजार टन उत्पादनाची नोंद झाली आहे. यंदाच्या मार्च अखेरपर्यंत हे उत्पादन २ लाख २५ टनापेक्षा जास्त होणार असल्याने हे दर उतरून शेतकरी अडचणीत पडणार हे जवळपास निश्‍चित झाले होते. मागील वर्षीही अधिक उत्पादनामुळे शेतकरी मोठ्या संकटात सापडले होते. या स्थितीत ‘एमईपी’चा अडथळा हटविल्यामुळे देशांतर्गत तसेच निर्यातीच्या बाजारपेठेत कांद्याचा निपटारा वाढण्यास मोठी मदत होणार आहे. 

केंद्रीय स्तरावरून ‘एमईपी’ बाबत इतक्‍या तातडीने घेतलेला निर्णय अत्यंत सुखद आणि आनंददायी आहे. हा निर्णय घेण्यास अजून उशीर झाला असता, तर शेतकऱ्यांचे मोठे नुकसान झाले असते. उत्पादक, ग्राहक, व्यापारी आणि निर्यातदार या सर्व घटकांच्या दृष्टीने हा निर्णय लाभदायी ठरणार आहे.
- नानासाहेब पाटील,
संचालक- नाफेड

अत्यंत स्वागतार्ह निर्णय. एमईपी हटविल्यामुळे कांदा दरातील घसरण थांबणार आहे. केंद्र सरकारने ‘किमान निर्यात मूल्य’ (एमईपी) कायमस्वरूपी काढून टाकावे. कांद्याचा व्यापार हा पूर्णपणे मुक्त असावा.
- चांगदेव होळकर,
माजी वरिष्ठ संचालक- नाफेड

एमईपी’चा निर्णय झाल्यानंतर दुसऱ्याच दिवशी कांदा दरात क्विंटलला ३०० रुपयांनी वाढ झाली आहे. योग्य वेळी हा निर्णय झाल्याने याचा बाजारातील सर्वच घटकांना उपयोग होणार आहे.
- जयदत्त होळकर, 
सभापती, लासलगाव बाजार समिती

कांदा दरातील घसरण रोखण्याकरिता एमईपी हटविण्याची आवश्‍यकता होती. याबाबत वारंवार कल्पनाही देण्यात आली. अखेर केंद्र सरकारने वेळेत हा निर्णय घेऊन कांदा उत्पादकांना मोठा दिलासा मिळाला आहे. बाजाराने या निर्णयाचे दरवाढ देऊन स्वागत केले.
- दीपक चव्हाण, अभ्यासक

नव्या कांंद्याची आवक सुरू होणार होती. दरात घसरण सुरू होती. ती रोखण्यासाठी कांद्यावरील एमईपी हटवून निर्यातीला प्रोत्साहन देण्याची गरज होती. राज्य सरकार आणि कृषी मूल्य आयोगाकडून पाठपुरवा सुरू होता. केंद्रीय मंत्री सुरेश प्रभू, नितीन गडकरी याबाबत आग्रही होते. अखेर याबाबत वेळीच निर्णय घेऊन केंद्र सरकारने कांदा उत्पादक शेतकऱ्यांना मोठा दिलासा दिला आहे. 
- पाशा पटेल, 
अध्यक्ष, राज्य कृषी मूल्य आयोग

इतर अॅग्रो विशेष
उत्पादकांना मिळावा उत्पादनवाढीचा लाभदेशातील काही भागांत विशेषत: कर्नाटक, तमिळनाडू व...
सेसवसुली नव्हे; सर्रास लूटजळगाव कृषी उत्पन्न बाजार समितीद्वारे आवाराबाहेर...
कर्नाटकच्या मुख्यमंत्रिपदी कुमारस्वामी...बंगळूर : जेडीएसचे नेते एच. डी. कुमारस्वामी यांनी...
पाणलोट गैरव्यवहार; चौघांचे निलंबन शक्यपुणे : पाणलोट खात्यातील भ्रष्टाचारप्रकरणी कृषी...
‘मेकुणू’ चक्रीवादळ होणार अतितीव्रपुणे : अरबी समुद्रात घोंगावत असलेल्या ‘मेकुणू’...
कोकणात शनिवारपासून पाऊस?पुणे : अरबी समुद्रात अालेले ‘मेकुणू’ चक्रीवादळ...
खरिपासाठी पैशांची तजवीज करण्यात शेतकरी...अकोला  ः अागामी हंगामाला अाता अवघा...
सेस वसुलीच्या मुद्यावर प्रशासन, जळगाव...जळगाव ः भाजीपाला व फळे नियमनमुक्त केल्याने...
यंदा वापरा घरचेच सोयबीन बियाणेपुणे : राज्यात गेल्या हंगामात झालेल्या अवेळी...
प्रयोगशील कांदा शेतीत ठळक अोळख मिळवलेले...नाशिक जिल्हा कांदा उत्पादनात अग्रेसर आहे. त्यातही...
गोकुळानं ‘गणित’ नाही मांडलंपशुपालनातून दूध व्यवसाय म्हणजे मुळातच उद्योग आहे...
ब्राझीलचा धडा घेणार कधी?सातत्याने दोन वर्षांच्या चांगल्या पाऊसमानानंतर...
उत्तर प्रदेशातील कारखान्यांची अतिरिक्त...नवी दिल्ली ः बाजारात साखरेचे पडलेले दर आणि...
भारतात गोड्या पाण्याची उपलब्धता घटलीवॉशिंग्टन ः भारतात उपलब्ध पाण्याचा आणि पाणी...
कापसाच्या ३७० वाणांच्या विक्रीला...नगर  ः बोंड अळीच्या नियंत्रणासाठी कमी आणि...
अधिकाऱ्यांनी कोंडून दिली खुनाची धमकीपुणे  : कृषी खात्यातील पाणलोट व मृद्संधारण...
उन्हाचा चटका कायम राहणारपुणे : राज्यात उन्हाचा ताप वाढल्याने विदर्भ, मध्य...
वादळाने बाष्प खेचून नेले; अरबी समुद्रात...पुणे : अरबी समुद्रात मंगळवारी कमी तीव्रतेचे वादळ...
हिरापूरच्या बैल बाजारात चार कोटींवर...बीड : हिरापूर (ता. गेवराई) येथे बैलांचा आठवडे...
दापोलीत उद्यापासून जॉइंट ॲग्रेस्कोपुणे ः यंदा ४६ वी संयुक्त कृषी संशोधन व विकास...