agriculture news in marathi, micro irrigation subsidy will be given before 31october | Agrowon

ऑक्टोबरअखेर ठिबक अनुदान वितरित करा
मारुती कंदले
मंगळवार, 24 ऑक्टोबर 2017

मुंबई : राज्यातील सूक्ष्म सिंचन योजनेच्या रखडलेल्या अनुदानाचा विषय राज्याचे कृषी आयुक्त सचिंद्र प्रताप सिंह यांनी अत्यंत गांभीर्याने घेतला आहे. निधीवाटपातील दिरंगाईवरून आयुक्तांनी खात्यातील अधिकाऱ्यांची चांगलीच झाडाझडती घेतली; तसेच ऑक्टोबरअखेर उपलब्ध निधीपैकी साठ टक्के निधी शेतकऱ्यांना वितरित करण्याचे परिपत्रकही जारी केले. आयुक्तांच्या या रेट्यामुळे शेतकऱ्यांना सूक्ष्म सिंचनाचे प्रलंबित अनुदान लवकर मिळेल अशी चिन्हे आहेत. 

मुंबई : राज्यातील सूक्ष्म सिंचन योजनेच्या रखडलेल्या अनुदानाचा विषय राज्याचे कृषी आयुक्त सचिंद्र प्रताप सिंह यांनी अत्यंत गांभीर्याने घेतला आहे. निधीवाटपातील दिरंगाईवरून आयुक्तांनी खात्यातील अधिकाऱ्यांची चांगलीच झाडाझडती घेतली; तसेच ऑक्टोबरअखेर उपलब्ध निधीपैकी साठ टक्के निधी शेतकऱ्यांना वितरित करण्याचे परिपत्रकही जारी केले. आयुक्तांच्या या रेट्यामुळे शेतकऱ्यांना सूक्ष्म सिंचनाचे प्रलंबित अनुदान लवकर मिळेल अशी चिन्हे आहेत. 

योजनेअंतर्गत या वर्षी आतापर्यंत साठ हजार शेतकऱ्यांनी अनुदानासाठी अर्ज केले आहेत. या योजनेसाठी केंद्र आणि राज्य सरकारने पहिल्या टप्प्यात तब्बल ३१६ कोटी रुपये उपलब्ध करून दिले आहेत; पण कृषी खात्यातील ऑनलाइनच्या सावळा-गोंधळामुळे गेल्या पाच महिन्यांत यातला एक रुपयाही वितरित झालेला नाही. या संदर्भातील सविस्तर वृत्त ‘अॅग्रोवन’मध्ये प्रसिद्ध झाले होते. या वृत्ताची कृषी आयुक्त सचिंद्र प्रताप सिंह यांनी अत्यंत गांभीर्याने घेतली आहे. 

सूक्ष्म सिंचनासाठी केंद्र सरकारने राज्याला ३८० कोटी रुपयांचे अनुदान मंजूर केले आहे. राज्य हिश्‍श्‍याचे मिळून सूक्ष्म सिंचन अनुदानासाठी एकंदरित ६२० कोटी रुपये निधीची तरतूद उपलब्ध होणार आहे. पहिल्या टप्प्यात त्यापैकी १९० कोटी केंद्र सरकारकडून राज्याला मिळाले आहेत; तर राज्य सरकारच्या वाट्याच्या १२६ कोटींची डीपीडीसीत तरतूद करण्यात आली आहे. असे एकंदर ३१६ कोटी रुपये अनुदान सध्या उपलब्ध आहे. या योजनेअंतर्गत उपलब्ध निधी खर्च झाल्यास त्याचे उपयोगिता प्रमाणपत्र सादर केल्यानंतर केंद्र-राज्याचे उर्वरित सुमारे ३०० कोटींचे अनुदान विभागाला मिळणार आहे. मात्र, संच बसवलेल्या एकाही शेतकऱ्याला अनुदानाची रक्कम अद्याप वितरित झालेली नाही. 

अनुदानवाटपातील हा सावळा गोंधळ पाहून कृषी आयुक्तांनी सर्वसंबंधित अधिकाऱ्यांना चांगलेच धारेवर धरल्याचे समजते. या अनुषंगाने आयुक्तांनी परिपत्रकही जारी केले आहे. यात आयुक्त म्हणतात, की माझ्या असे लक्षात आले आहे की सूक्ष्म सिंचनासह इतर काही योजनांसाठी उपलब्ध करून दिलेला निधी लक्षांकानुसार खर्च झालेला नाही. केंद्र सरकारने उपलब्ध करून दिलेल्या निधीपैकी ऑक्टोबर २०१७ अखेर साठ टक्के निधी खर्च होणे आवश्यक आहे; अन्यथा केंद्राकडून अनुदानाचा पुढील हप्ता उपलब्ध होणार नाही, याची सर्व संबंधित अधिकारी, कर्मचाऱ्यांनी नोंद घ्यावी; तसेच १९ ते २२ ऑक्टोबर या काळात दिवाळीची सुटी असल्याने या आठवड्यात अपेक्षेप्रमाणे काम होणार नाही.

या महिन्यातील कमी कालावधी शिल्लक राहिलेला असल्याने येत्या २८ आणि २९ ऑक्टोबर रोजीच्या शनिवार आणि रविवार या दोन दिवसांच्या सुटीच्या दिवशी कृषी विभागाचे कार्यालय सुरू ठेवून कामकाज करावे आणि शेतकऱ्यांना अनुदान वितरणाची प्रक्रिया राबवावी; तसेच या काळात आयुक्त स्तरावरून स्वतः आयुक्त सिंह आणि सर्व संचालक प्रत्यक्ष जिल्हास्तरावर उपस्थित राहून कामकाज पाहणार आहेत. त्याचप्रमाणे विभागीय कृषी सहसंचालक आणि जिल्हा अधीक्षक कृषी अधिकाऱ्यांनी स्वतः त्यांच्या कार्यक्षेत्रात संपूर्ण कामकाजावर नियंत्रण ठेवण्याचे निर्देशही आयुक्तांनी दिले आहेत. 

कागदपत्रांची संख्या घटविली
या योजनेअंतर्गत अनुदान मागणीच्या प्रस्तावासोबत शेतकऱ्यांना विविध २४ प्रकारची कागदपत्रे जोडावी लागत होती. आयुक्तांच्या सूचनेनंतर आता कागदपत्रांची ही संख्या दहापर्यंत घटवण्यात आली आहे.

इतर अॅग्रो विशेष
परभणीत मुगाची चार क्विंटल, तर उडदाची...परभणी ः जिल्ह्यात यंदाच्या खरीप हंगामातील मुगाची...
कृषीच्या पदव्युत्तर अभ्यासक्रम प्रवेश... पुणे ः राज्यातील चारही कृषी विद्यापीठांमध्ये...
दर कपातीने दूध उत्पादक मेटाकुटीसपुणे ः शासनाने गाईच्या दुधासाठी प्रतिलिटर २५...
‘ईपीआर’ कंपन्यांच्या भल्यासाठी दूध...पुणे : पॉलिथिन फिल्मचे पुनर्चक्रण करणाऱ्या काही '...
जिद्द दुष्काळातही गोड पेरू पिकवण्याची...पुणे जिल्ह्यात शिरूर या कायम दुष्काळी तालुक्यातील...
सुधारीत तंत्राने तरारला दर्जेदार भुईमूग तुळ्याचा पाडा (जि. पालघर) येथील आर्थिकदृष्ट्या...
विदर्भात तुरळक ठिकाणी पावसाचा अंदाजपुणे ः मध्य महाराष्ट्राच्या परिसरात चक्राकार...
दुष्काळी भागात चारा छावण्या ः चंद्रकांत...मुंबई : राज्यातील दुष्काळी भागात गरज आणि...
कृषिकेंद्रित ग्रामविकासाची पायाभरणी! स्वातंत्र्योत्तर कालखंडापासून भारतीय कृषी...
जाणिवेचा दुष्काळ नको राज्य शासनाने दुष्काळ जाहीर...
वृक्ष होऊन जगू यामागील आठवड्यात असाच एक मुलाखतीचा सुंदर, कार्यक्रम...
एकत्र या, निर्यात वाढेलकेंद्रात मोदी सरकार सत्तेत आल्यापासून शेतमाल...
राज्यात कांदा उत्पादकांचा आक्रोश... पुणे ः राज्यातील विविध बाजार समित्यांमध्ये...
रोजगाराच्या शोधात गेलेल्या १२ जणांचा...महागाव, जि. यवतमाळ : कापूस वेचणीसाठी गेलेल्या...
देशभरात ४१४ लाख हेक्टरवर रब्बी पेरणी नवी दिल्ली ः देशात अनेक ठिकाणी दुष्काळी...
संत्रा बाग छाटणी सयंत्र ठरतेय केवळ...नागपूर ः शेतकऱ्यांना पूरक तंत्रज्ञान देण्यात...
होय... सरकीपासून चॉकलेट, कुकीज नागपूर : सरकीपासून ढेप आणि तेल मिळते ही झाली...
पीकपद्धतीनूसार बहुविध यंत्रांचा...हंगामी व वार्षिक नगदी पिके व फळपिके अशा बहुविध...
विदर्भात गारपिटीचा अंदाजपुणे : पूर्वेकडून वाहत असलेल्या उष्ण वाऱ्यांमुळे...
गाळपेर क्षेत्रातून उपलब्ध होणार ३४ लाख...पुणे ः राज्यातील दुष्काळी परिस्थितीच्या...