agriculture news in marathi, On milk issues farmers and dairy to come on one platfrom | Agrowon

दूध दरप्रश्नी शेतकरी आणि संघ एकत्र येणार
टीम अॅग्रोवन
शनिवार, 12 मे 2018

पुणे : राज्यातील दूध उत्पादक शेतकऱ्यांच्या मागण्या मान्य होत नसल्याचे पाहून सरकारला झुकविण्यासाठी आता दूध उत्पादक प्रक्रिया व्यावसायिक कल्याणकारी संघ व दूध उत्पादक शेतकरी संघर्ष समितीने एकत्र येण्याचा निर्णय घेतला आहे.

पुणे : राज्यातील दूध उत्पादक शेतकऱ्यांच्या मागण्या मान्य होत नसल्याचे पाहून सरकारला झुकविण्यासाठी आता दूध उत्पादक प्रक्रिया व्यावसायिक कल्याणकारी संघ व दूध उत्पादक शेतकरी संघर्ष समितीने एकत्र येण्याचा निर्णय घेतला आहे.

राज्य दूध उत्पादक व प्रक्रिया व्यावसायिक संघाचे अध्यक्ष विनायकराव पाटील म्हणाले की, “शेतकऱ्यांच्या दुधाला योग्य भाव मिळवून देण्याची मागणी केवळ शेतकरी वर्गाची नसून त्याला सहकारी व खासगी दूध संघांचाही पाठिंबा आहे. शेतकऱ्यांना प्रतिलिटर २७ रुपये दर मिळाला पाहिजे. अनुदानापोटी पाच रुपये थेट शेतकऱ्याच्या बॅंक खात्यात जमा करण्याची आमचीही मागणी आहे. हीच भूमिका डॉ. अजित नवले घेत असल्यामुळे आम्ही एकत्रितपणे पाठपुरावा करण्यास तयार आहोत.”

दूध उत्पादक शेतकरी संघर्ष समितीचे प्रमुख डॉ. अजित नवले यांनी अलीकडेच दुधाच्या भेसळीविरोधात जाहीर आरोप केल्यामुळे खळबळ उडाली आहे. तसेच, ९ जिल्ह्यांमधील शेतकरी लॉंगमार्च काढून मंत्रालयासमोर मोठे आंदोलन करतील, असा इशाराही दिला आहे. 

“डॉ. नवले यांच्या आंदोलनात सहकारी दूध संघ व खासगी डेअरी चालकांनीदेखील आपली ताकद लावल्यास राज्य सरकारला घाम फुटू शकतो. मात्र, त्यासाठी दूध संघाचे प्रतिनिधी व संघर्ष समितीचे प्रतिनिधी यांच्यात व्यवस्थित चर्चा होण्याची गरज आहे. येत्या आठवडाभरात तशी चर्चा करून आम्ही पुढील व्यूहरचना ठरवू,’’ अशी माहिती सहकारी दूध संघांच्या प्रतिनिधींनी दिली.

शेतकरऱ्यांच्या हितासाठी राज्यातील दूध संघ, प्रक्रियाचालक किंवा मार्केटिंगमधील घटकांना बरोबर घेऊन आंदोलन करण्यात आम्हाला काहीही अडचण नाही. त्यासाठी आमची तयारी सुरू असून लवकरच बैठक होईल. मात्र, काहीही झाले तरी शेतकऱ्यांच्या दुधाला भाव मिळणे व दुधातील भेसळ थांबविणे या उद्दिष्टापासून आम्ही बाजूला जाणार नाही, असे डॉ. नवले यांनी स्पष्ट केले.

टोन्ड दुधाची विक्री थांबवा : डेरे
शेतकऱ्यांकडून ३.५ फॅट आणि ८.५ एसएनएफचे दूध मातीमोल भावाने विकत घेतले जाते. त्यात पुन्हा भेसळ करून त्याची विक्री होते. भेसळीला आवर घालण्यासाठी राज्यात टोन्ड दुधाची विक्री बंद करावी, अशी मागणी दूध उत्पादक कल्याणकारी संघाचे अध्यक्ष गुलाबराव डेरे यांनी केली आहे. यामुळे २० लाख लिटर्स दूध आपोआप कमी होईल. शेतकऱ्यांकडून दूध घेताना ३.५ च्या खाली फॅट लागल्यास प्रति फॅट ५० पैसे आणि ८.५ च्या खाली एनएनएफ असल्यास प्रति एसएनएफ ३० पैसे कापून घेतले जातात. यामुळे प्रतिलिटर १.६० रुपये शेतकऱ्यांची लूट होते. काही भागांत दहा लिटरला १०० ते २०० मिलि काटा मारून शेतकऱ्यांचे दूध घेतले जाते. तसेच ३.६ ते ५.० फॅटला प्रतिफॅट ३० पैसे न देता २० पैसे देऊन तेथेही लूट केली जाते. आपण या लुटीविरोधात लढा देणार आहोत, असेही श्री. डेरे म्हणाले.

इतर अॅग्रो विशेष
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...
निफाड तालुक्‍यात द्राक्ष काढणीला सुरवातनिफाड, जि. नाशिक  ः तालुक्‍यातील उगाव,...
पशुगणनेकरिता आता महिनाअखेरपर्यंत मुदतनागपूर   ः पशुगणनेसाठी पूरक साहित्याचा...
ट्रायकोकार्ड निर्मिती प्रशिक्षण प्रकल्प...नागपूर ः कृषी विभाग आणि कृषी विद्यापीठातील...
राज्य वित्त आयोगाच्या अध्यक्षांनी जाणून...औरंगाबाद :  राज्य वित्त आयोगाचे अध्यक्ष व्ही...
दराअभावी कांदापट्टा सुन्ननाशिक : कांद्याला अगदी मोड फुटेस्तोवर वाट...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
अर्थसंकल्पीय कृषी कर्ज तरतूदीत १० टक्के...नवी दिल्ली : आगामी २०१९-२०च्या अर्थसंकल्पात शेती...
राज्यात शुक्रवारपासून पावसाचा अंदाजपुणे : वायव्य भारतातील पश्चिमी चक्रावाताची...
औरंगाबाद येथील आंतरराष्ट्रीय सुक्ष्म...औरंगाबाद : औरंगाबाद येथे आयोजित नवव्या...
शेतीपूरक उद्योगातून बचत गट झाले सक्षमचिखली (जि. बुलडाणा) येथील हिरकणी महिला उत्कर्ष...
गोरक्षणासोबतच जपला व्यसनमुक्‍तीचा वसालाठी (ता. मंगरुळपीर, जि. वाशीम) येथील दिलीप बाबा...
अप्रमाणित रोपांमुळे ‘फेल' बागांवर...पुणे : दुष्काळात जीवापाड जपलेल्या बागा अप्रमाणित...
सोयाबीन दराचा आलेख चढताच; लातूरला ३८११...लातूर : येथील उच्चत्तम कृषी उत्पन्न बाजार...