agriculture news in Marathi, milk plant owner not giving 25 rupees rate, Maharashtra | Agrowon

दूध दरवाढीचा फज्जा
टीम अॅग्रोवन
बुधवार, 1 ऑगस्ट 2018

शासन निर्णयाची अंमलबजावणी न केल्यास; तसेच शब्द फिरवल्यास गणेशोत्सवापूर्वीच पुन्हा एकदा आंदोलनाचा भडका उडेल, याची जाणीव शासनाने ठेवावी. ठरल्यानुसार दर देण्याची जबाबदारी स्वीकारावी.
- रविकांत तुपकर, प्रदेशाध्यक्ष, स्वाभिमानी शेतकरी संघटना

पुणे ः राज्यातील दूध उत्पादकांना प्रतिलिटर २५ रुपये वाढीव दर देण्याचा निर्णय शासनाने घेतला. मात्र, आज दहा दिवसांचा कालावधी उलटला असूनही राज्यातील सहकारी आणि खासगी दूध संघांकडून टोलवाटोलवी सुरू आहे. त्यामुळे राज्यात दूध दरवाढीच्या निर्णयाचा फज्जा उडाला आहे. 

शासनाने उत्पादकांना गाईच्या दुधाला प्रतिलिटर २५ रुपये दर देण्याचे आदेश दूध संघांना दिले. मात्र, अद्याप दूध उत्पादक शेतकऱ्यांना दरवाढीतील एकही रुपया मिळत नसल्याची बाब अनेक ठिकाणी समोर अाली अाहे. मात्र, शासनाकडूनच अद्याप आमच्याकडे दराविषयी काहीच आलेले नाही, त्यामुळे आम्ही दर देऊ शकत नाही, असे दूध संघांकडून सांगितले जात आहे. तसेच, २० जुलै रोजी शासनाने काढलेल्या परिपत्रकातील त्रुटी दुरुस्ती करण्याचे काम सध्या युद्धपातळीवर सुरू आहे. दूध दर कसा द्यायचा, यावरच दुग्धविकास विभाग गोंधळात आहे. खासगी डेअरी चालकांकडूनही दूध उत्पादकांना वाढीव दर कधी देणार याबाबत ठोस सांगितले जात नाही.

सोलापूर जिल्ह्यात फॅट, एसएनएफनुसार १७ ते २० रुपयांच्या आतच दर मिळतो आहे. पुणे, सातारा, कोल्हापूर आणि सांगली या जिल्ह्यांमध्येही दूध संघ शासन आदेशाप्रमाणे दर देत नाहीत. नगर जिल्ह्यात कोठेही २५ रुपये दराने दुधाची खरेदी सुरू झाली नाही. वऱ्हाडात मदर डेअरीकडून गाईच्या दुधाला ३.५ फॅट (८.५ एसएनएफ)साठी २१ रुपये ७० पैसे, तर जळगाव जिल्ह्यातील डेअरी याच फॅटसाठी २५ ते २६ रुपये दर देत असल्याचे शेतकऱ्यांनी सांगितले.

खानदेशात गाईच्या दुधाला २१ रुपयांपर्यंत दर मिळत आहे. मात्र, संघांना शासनाचा आदेश मिळाला असून, उत्पादकांना २५ रुपये दर देत नाहीत, असे शेतकऱ्यांचे म्हणणे आहे. मराठवाड्यात ३.५ फॅट्‌स व ८.५ एसएनएफ असलेल्या दुधाला १९ ते २० रुपये प्रतिलिटरपुढे दर मिळाला नसल्याची माहिती उत्पादकांनी दिली. तर, एक ऑगस्टपासून अंमलबजावणी होणे अपेक्षित असल्याचे दूध संघाच्या सूत्रांनी सांगितले.

 

इतर अॅग्रो विशेष
कांदाप्रश्नी हवे दीर्घकालीन धोरणसध्या कांद्याचा प्रश्न अत्यंत गुंतागुंतीचा बनला...
‘बीटी’ला पर्याय सेंद्रिय कापूसजागतिक पातळीवर काही कंपन्या आणि फॅशन ब्रॅंडने...
देशातील कृषी क्षेत्राचे २०१९ मध्ये...पुणे : देशातील शेती, जमीन, पशुधन धारणा, शेतकरी...
स्थानिकीकरणातही मका टिकवून आहे काही मूळ...जंगली मका प्रजातीपासून स्थानिकीकरण होण्याच्या...
कर्नाटकसाठीची ऊसतोडणी मंदावलीकोल्हापूर: दक्षिण महाराष्ट्रात उसाची रक्कम...
उजनी धरणातील पाणी प्रदूषितच :...सोलापूर  : उजनी धरणामुळे सोलापूर, पुणे आणि...
बाजारात डाळिंबाचे दर दबावातसांगली ः देशात डाळिंबाच्या उत्पादनात अंदाजे २० ते...
अवैध एचटीबीटी बियाणे एसआयटीला मुदतवाढमुंबई: परवानगी नसलेले तणनाशकाला सहनशील जनूक...
विदर्भात पाऊस; मध्य महाराष्ट्राला...पुणे : बंगालच्या उपसागरात आलेल्या ‘पेथाई’...
समृद्धी महामार्ग : साडेतीनशे कोटींच्या...नाशिक : मुख्यमंत्री देवेंद्र फडणवीस यांचा ड्रीम...
साखर संघाची दोन हजार कोटींच्या पॅकेजची...पुणे: राज्यातील साखर कारखाने आर्थिक अडचणीतून...
कॅल्शिअम, लोहाचा उत्तम स्त्रोत ः नाचणीआहारच्या दृष्टीने नाचणी एक अत्यंत महत्त्वाचे...
पिकातील लोह, जस्त, बोरॉन कमतरतेवरील...लोह (Fe) कार्ये ः हरितद्रव्ये निर्मितीचे (...
‘रेसिड्यू फ्री’ शेतमालासाठी उभारली थेट...सध्या रासायनिक अवशेषमुक्त (‘रेसिड्यू फ्री’) किंवा...
पूर्व विदर्भासह नागपूरपर्यंत रिमझिम...नागपूर : आंध्रप्रदेशात चक्रीवादळ दाखल झाल्याचा...
दुष्काळीशी सामना करण्यासाठी...पंढरपूर, जि. सोलापूर :  राज्यात यंदा...
पेथाई चक्रीवादळ आंध्रच्या किनारपट्टीला... किनारपट्टीय भागात जनजीवन विस्कळीत जमीन खचून...
उसाला पूरक शर्कराकंदसाखरेचा वाढलेला उत्पादन खर्च, वाढलेले उत्पादन,...
राजकीय अन् आर्थिक उत्पाताची नांदीअखेर रिझर्व्ह बँकेचे गव्हर्नर ऊर्जित पटेल ...
कांदा उत्पादकांना दिलासा देण्यासाठी...छत्तीसगड, मध्य प्रदेश आणि राजस्थानमध्ये...