agriculture news in marathi, milk powder production will increase by two and half lakh tonnes | Agrowon

अडीच लाख टनांनी यंदा दूध पावडर साठा वाढणार
टीम अॅग्रोवन
मंगळवार, 12 डिसेंबर 2017

पुणे : देशातील दूध पावडर साठा दिवसेंदिवस वाढत असून, यंदा त्यात अडीच लाख टनांनी वाढ होण्याची शक्यता आहे. त्यामुळे दुधाचे दर पुढील काही दिवस वाढण्याची शक्यता नाही, असे दुग्ध प्रक्रिया उद्योगातील सूत्रांचे म्हणणे आहे.

पुणे : देशातील दूध पावडर साठा दिवसेंदिवस वाढत असून, यंदा त्यात अडीच लाख टनांनी वाढ होण्याची शक्यता आहे. त्यामुळे दुधाचे दर पुढील काही दिवस वाढण्याची शक्यता नाही, असे दुग्ध प्रक्रिया उद्योगातील सूत्रांचे म्हणणे आहे.

दूध पावडरला जागतिक बाजारात भाव नसल्यामुळे देशात अमूल वगळता सर्वच खासगी व सहकारी दूध उद्योग संकटात आलेले आहेत. शेतकऱ्यांकडून खरेदी केलेले ६० टक्क्यांपेक्षा जास्त दूध पावडर व प्रक्रियेसाठीच वापरले जाते. पावडरला भाव नसल्यास शेतकऱ्यांच्या दुधाला दर कमी मिळतो. राज्यात सध्या शेतकऱ्यांकडील दूध खरेदीचे दर प्रतिलिटर २७ रुपयांवरून २० ते २४ रुपये लिटरपर्यंत कोसळले आहेत.

‘‘दूध पावडरमुळे तयार झालेली समस्या हाताळण्यात फक्त अमूल यशस्वी झाला. गुजरात सहकारी दूध महासंघ अर्थात अमूलची २०११ मधील उलाढाल ११ हजार ६०० कोटी रुपये होती. मात्र, पावडरचे मोठे संकट असूनही अमूलची उलढाल सध्या २७ हजार कोटी रुपयांची आहे. अफाट भांडवल असल्यामुळे पावडरच्या संकटाशी अमूलने सामना केला. मात्र, आम्हाला ते शक्य नाही,’’ असे महाराष्ट्रातील एका सहकारी दूध संघाच्या अधिकाऱ्याने सांगितले.

जागतिक पातळीवर वाढणाऱ्या दूध पावडर साठ्याचा परिणाम देखील भारतीय दूध पावडर निर्यातीवर होणार आहे. ‘देशात सध्या प्रतिदिन ४३ कोटी लिटरपेक्षा जास्त दूध तयार होत आहे. दुधाची विक्री वगळून इतर दुधापासून किमान ५० हजार टन दूध पावडर अपेक्षित आहे. देशात पाच लाख टन पावडरचा साठा आहे. मात्र, त्यात पुन्हा अडीच लाख टनांची भर पडण्याची शक्यता आहे. परिणामी दूध दराची ही समस्या गंभीर होईल,’ असे दुग्ध प्रक्रिया उद्योगातील सूत्रांनी स्पष्ट केले.

महाराष्ट्र राज्य दूध उत्पादक व प्रक्रिया व्यावसायिक कल्याणकारी संघाचे उपाध्यक्ष गोपाळराव म्हस्के म्हणाले, की दूध पावडरच्या समस्येकडे गेल्या चार महिन्यांपासून आम्ही लक्ष वेधत आहोत. मात्र, केंद्र किंवा राज्य सरकारने लक्ष दिलेले नाही. त्यामुळेच शेतकऱ्यांना दुधाचे दर देणे संघांना परवडत नाही. दूध पावडरसाठी प्रतिकिलो २० रुपये अनुदान देणे किंवा थेट शेतकऱ्यांना दूधविक्रीवर प्रतिलिटर पाच रुपये अनुदान देणे, असे दोन पर्याय सरकारसमोर आहेत.

‘‘पुणे जिल्हा सहकारी दूध संघाकडे सध्या शेतकऱ्यांचे ७० हजार लिटर दूध रोज जादा येत आहे. आमची क्षमता नसतानाही ते खरेदी करावे लागते. आमचे जादा दूध पावडर निर्मितीसाठी पराग डेअरी विकत घेते. मात्र, संघाला त्यात प्रतिलिटर तीन रुपये तोटा होतो आहे. बहुतेक जिल्हा संघ व खासगी प्रकल्पांचीही हीच स्थिती आहे,’’ असेही श्री. म्हस्के यांनी स्पष्ट केले.

सरकारचा अभ्यास सुरूच
दूध खरेदी व पावडर उत्पादन- विक्रीतील अडचणींबाबत राज्य शासनाने नियुक्त केलेल्या सचिव समितीचा अहवाल अजून आलेला नाही. ‘समितीचा अभ्यास सुरू आहे. अहवाल सादर झाल्यानंतर सरकारला देखील त्यावर पुन्हा अभ्यास करावा लागेल. त्यामुळे दूध पावडरच्या समस्येबाबत निश्चित काय भूमिका शासनाची राहील हे आताच सांगता येणार नाही, असे दुग्धविकास विभागाच्या सूत्रांचे म्हणणे आहे.

इतर अॅग्रो विशेष
भारतातील १ टक्का श्रीमंतांकडे ७३ टक्के...दावोस  ः गेल्या वर्षभरात देशात निर्माण...
किमान तापमानात घट; नगर ९.४ अंशांवरपुणे ः विदर्भाच्या काही भागांत किमान तापमानात...
नागपुरात तुरीच्या दरात घसरणनागपूर : येथील कळमणा बाजारात आठवड्याच्या...
देशात खालावत आहे जमिनीचे आरोग्यनागपूर : खोल मशागत, नियंत्रित खत व्यवस्थापनाला...
बोंड अळी भरपाईसाठी सुनावणी आजपासूनपुणे : राज्यात शेंदरी बोंड अळीमुळे...
तूर खरेदी अडकली नोंदणीतचलातूर ः तेलंगणा, कर्नाटक राज्याने हमीभावाप्रमाणे...
कष्ट, अभ्यासातून जोपासलेली देवरेंची...नाशिक जिल्ह्यातील नाशिक सटाणा तालुक्याचा परिसर...
लसीकरणाअभावी दाेन काेटी पशुधनाचे...पुणे ः सुमारे ३० काेटींची निविदा मिळविण्यासाठी...
सिद्धेश्‍वर यात्रेतील बाजारात खिलार बैल...सोलापूरचे ग्रामदैवत श्री. सिद्धेश्‍वर...
जिरायती शेती विकासातून थांबेल स्थलांतरमराठवाडा आणि विदर्भ विभागातील जिरायती शेतकरी...
संभ्रम दूर करामागील खरीप हंगामात चांगल्या पाऊसमानाच्या...
मुद्रा योजनेच्या १० लाखांपर्यंतच्या...कोल्हापूर : तरुणांना स्वावलंबी आणि आत्मनिर्भर...
रब्बीचा ६१.८ दशलक्ष हेक्टरवर पेरानवी दिल्ली ः भारतातील रब्बी क्षेत्रात यंदा गेल्या...
प्रशिक्षणांना दांड्या मारणाऱ्या...अकोला : अधिकारी, कर्मचाऱ्यांची कार्यक्षमता...
ठिबक अनुदानासाठी ७६४ कोटींचा निधीपुणे: राज्यात ठिबक संच बसविलेल्या शेतकऱ्यांना...
मराठवाड्यात ४३ टक्‍के जमीन चुनखडऔरंगाबाद : मराठवाड्यातील जमिनीचा पोत दिवसेंदिवस...
दशकातील सर्वांत मोठ्या कापूस आयातीचे...जळगाव ः महाराष्ट्रासह काही प्रमुख कापूस उत्पादक...
कांदा निर्यात मूल्यात १५० डॉलरने कपातनवी दिल्ली : केंद्र सरकारने कांद्यावरील...
जमीन आरोग्यपत्रिकांसाठी एप्रिलपासून '...पुणे ः महाराष्ट्रात सुरू असलेल्या जमीन...
फक्त फळ तुमचे, बाकी सारे मातीचे..! नैसर्गिक शेतीचे प्रणेते म्हणून संपूर्ण...