agriculture news in marathi, Milk producers suffer by reduced rate | Agrowon

दूध उत्पादकांना दरकपातीची झळ
टीम अॅग्रोवन
गुरुवार, 16 नोव्हेंबर 2017


दूध दरकपात ही दूध उत्पादकांसाठी नुकसानीची ठरत आहे. दूध खरेदी दर कमी केले, पण त्यांचे विक्री दर जसे होते तसेच आहेत. दूध उत्पादन वाढलेले नाही. चुकीची माहिती सांगून नफा वाढवून घेण्याचा प्रयत्न खरेदीदार करीत असून, उत्पादकांची अडवणूक सुरू आहे.
- एस. बी. पाटील, शेतकरी सुकाणू समिती, चोपडा

जळगाव : सहकारी दूध संघाने दुधाच्या खरेदी दरात कपात केल्यानंतर गावोगावी जाऊन दूध खरेदी करणाऱ्या खासगी दूध व्यावसायिकांनीदेखील खरेदी दरात कपात केली आहे. गायीच्या दुधाच्या दरात एक लिटरमागे दोन रुपये आणि म्हशीच्या दूधदरात प्रतिलिटर तीन रुपये, अशी कपात लादली आहे. या खासगी दूध उत्पादकांच्या निर्णयाचा फटका दूध उत्पादकांना बसला असून, पशुखाद्य, चारा आणि दूध उत्पादन, उत्पन्न याचा सगळा ताळमेळच चुकला आहे.

दूध संघाने या महिन्याच्या सुरवातीला दुधाचे खरेदी दर प्रतिलिटर तीन रुपयांनी कमी केले. गायीच्या दुधाचे दर प्रतिलिटर 24 रुपये केले, तर म्हशीच्या दुधाचे दर 33 रुपये प्रतिलिटर केले. यानंतर जवळपास आठ ते 10 दिवसांनी गावोगावी जाऊन दूध उत्पादकांकडून दूध खरेदी करणाऱ्या खासगी दूध व्यावसायिक, डेअरीचालक किंवा खरेदीदारांनीदेखील दूधदरात कपात केली. खासगी खरेदीदारांकडून म्हशीच्या दुधाला 30 ते 32 रुपये प्रतिलिटर आणि गायीच्या दुधाला 19 ते 20 रुपये प्रतिलिटर दर दिला जात असल्याची माहिती एका दूध उत्पादकाने दिली. दुसऱ्या बाजूला सरकी ढेप किंवा इतर पशुखाद्याचे दर कमी झालेले नाहीत.

चारा यंदा हवा तसा नाही. दूध काढणे, त्याचे संकलन यासाठी दूध उत्पादकाला श्रम करून ते खासगी दूध खरेदीदाराला द्यावे लागते. ज्या गावात सहकारी दूध डेअरी व्यवस्थित कार्यरत आहे त्या गावात फारशा अडचणी नाहीत. परंतु जेथे सहकारी संस्थेचे अस्तित्व नाही त्या गावात तर खासगी डेअरीचालक मनमानी करून दूध उत्पादकांची नाडवणूक करीत आहेत. जे खासगी डेअरीचालक किंवा खरेदीदार दूध काढण्याची जबाबदारी घेतात, त्यांचे दर आणखीच कमी आहेत. अर्थातच दूध उत्पादकाकडून ते दूध काढण्याची मजुरीदेखील अप्रत्यक्षपणे वसूल करतात.

दूध उत्पादकांना आर्थिक झळ सोसावी लागत असून, ते दूध संघ किंवा इतर खरेदीदारांनी आपले इतर बाबींवरील खर्च कमी करावेत, पण दूध उत्पादकांना जे दर आहेत तेच दिले जावेत, अशी अपेक्षा दूध उत्पादकांनी व्यक्त केली आहे.
 

इतर ताज्या घडामोडी
पुण्यात कांदा, लसूण, फ्लॉवरच्या दरात वाढपुणे  ः गुलटेकडी येथील कृषी उत्पन्न बाजार...
'आणखी साखर तयार कराल, तर खड्ड्यात जाल'विटा, जि सांगली : पाणी आले म्हणून साखरेचे...
शिपायाने घातला शेतकऱ्यांना २२ लाखांला...वर्धा : पशुसंवर्धन विभागाच्या अनुदानावरील...
धान्य पट्ट्यात २०१८मध्ये ४३ शेतकरी...भंडारा : सिंचन, पर्यायी आणि व्यवसायिक पद्धतीविषयी...
पुणे जिल्ह्यात चाराटंचाईचा प्रश्‍न गंभीरपुणे  : जिल्ह्यात पाणीटंचाईबरोबरच...
नांदेड जिल्ह्याला एक लाख क्विंटल...नांदेड : नांदेड जिल्ह्यात २०१९-२० मधील खरीप...
नांदेड जिल्ह्यात हमीभावाने ३८५७ क्विंटल...नांदेड : केंद्र शासनाच्या किंमत समर्थन मूल्य...
खानदेशात मे महिनाअखेरीस कापूस बियाणे...जळगाव  ः खानदेशात पूर्वहंगामी कापूस लागवड...
नांदेड विभागात ७८ लाख टन ऊस गाळपनांदेड : प्रादेशिक सहसंचालक (साखर) नांदेड...
गडहिंग्लज, चंदगड तालुक्यात दहा गावांत...गडहिंग्लज, जि. कोल्हापूर  : गडहिंग्लज आणि...
अनुकूल हवामानामुळे यंदा दर्जेदार...सांगली : यंदा बेदाणा निर्मितीसाठी अनुकूल हवामान...
एकतीस वर्षांतही संपले नाही गोसेखुर्द...भंडारा : राज्यकर्त्यांच्या निष्क्रीयतेमुळे...
शेती, शेतकऱ्यांचे हित जपणारे सरकार...फलटण, सातारा : ‘‘लोकसभा निवडणुकीकडे जगाचे...
बागायती कोल्हापूरचा दुष्काळग्रस्तांना...कोल्हापूर : पाणीटंचाईमुळे दूरवरून पाणी आणण्यासाठी...
नागपूर विभागातील प्रकल्पात  उरला १० टक्...नागपूर  : विभागातील मोठ्या प्रकल्पांमध्ये...
यवतमाळ जिल्ह्यात नाफेडची तूर खरेदी बंदयवतमाळ  : गेल्या दोन वर्षांपासून जिल्ह्यात...
माझे लक्ष्य विधानसभा निवडणूक : राज ठाकरेमुंबई : लोकसभेची निवडणूक लढविणार नाही, हे मी...
शेतकरी संघटनांच्या कार्यकर्त्यांवर...नाशिक : शेतकरी आंदोलनाचा केंद्रबिंदू राहिलेल्या...
जळगाव जिल्ह्यातील ६७ शाळांना सौर प्रकल्पजळगाव  ः  जिल्हा परिषद शाळांमधील...
नगर मतदारसंघात अठरा लाख मतदार बजावणार...नगर  : नगर मतदारसंघात १८ लाख ५४ हजार २४८...