agriculture news in marathi, milk purchase price reduce by Rs 4 a liter, solapur | Agrowon

दूध खरेदी दरात चार रुपये कपात
सुदर्शन सुतार
मंगळवार, 3 ऑक्टोबर 2017

सोलापूर : राज्य शासनाने गाईच्या दुधासाठी प्रतिलिटर २७ रुपयांचा खरेदी दर याआधीच जाहीर केला आहे. त्याच्या अंमलबजावणीबाबत सहकारी दूध संघांकडून चालढकल सुरू असताना, आता खासगी दूध संघांनी मात्र थेट प्रतिलिटर २३ रुपयांपर्यंतचा दूध खरेदी दर स्वतःच ठरवून घेतला आहे. त्याची अंमलबजावणी घटस्थापनेच्या दिवसापासून सुरू केली आहे.

विशेष म्हणजे खासगी दूध संघांच्या या निर्णयावर शासनाकडून अद्याप कोणताच हस्तक्षेप झालेला नाही. शिवाय, खासगी संघांनंतर आता सहकारी संघही याच मनःस्थितीत आहेत. त्यामुळे शेतकऱ्यांचे आर्थिक गणित पुन्हा एकदा कोलमडण्याची चिन्हे आहेत.

सोलापूर : राज्य शासनाने गाईच्या दुधासाठी प्रतिलिटर २७ रुपयांचा खरेदी दर याआधीच जाहीर केला आहे. त्याच्या अंमलबजावणीबाबत सहकारी दूध संघांकडून चालढकल सुरू असताना, आता खासगी दूध संघांनी मात्र थेट प्रतिलिटर २३ रुपयांपर्यंतचा दूध खरेदी दर स्वतःच ठरवून घेतला आहे. त्याची अंमलबजावणी घटस्थापनेच्या दिवसापासून सुरू केली आहे.

विशेष म्हणजे खासगी दूध संघांच्या या निर्णयावर शासनाकडून अद्याप कोणताच हस्तक्षेप झालेला नाही. शिवाय, खासगी संघांनंतर आता सहकारी संघही याच मनःस्थितीत आहेत. त्यामुळे शेतकऱ्यांचे आर्थिक गणित पुन्हा एकदा कोलमडण्याची चिन्हे आहेत.

खासगी संघाच्या पुण्यातील बैठकीत हा निर्णय घेण्यात आला. राज्यात सर्वाधिक सुमारे ३५ ते ४० लाख लिटर दूधसंकलन खासगी संघाकडे आहे. त्यापाठोपाठ १२ ते १५ लाख लिटर दूध सहकारी संघ खरेदी करते. चार महिन्यांपूर्वी शेतकऱ्यांच्या कर्जमाफी आंदोलनावेळी दूध दराचा मुद्दा चांगलाच चर्चेत आला होता.

त्या वेळी दुग्धविकासमंत्री महादेव जानकर यांनी गाईच्या ३.५ ते ८.५ फॅटच्या दुधाला प्रतिलिटर २७ रुपये आणि म्हशीच्या दुधाला ३८ रुपये दर जाहीर केला होता; पण त्यानंतर काही मोजक्‍या संस्था आणि संघ वगळता, अन्य संस्थांनी हा वाढीव दर देण्याबाबत चालढकल केली. दुधाची वाढलेली आवक आणि कमी मागणी, त्यात दूध पावडरचे उत्पादन आणि विक्रीतील अडचणीचे अनेक मुद्दे पुढे करण्यात आले.

गेल्या आठवड्यात अकलूजमध्ये राज्यातील सहकारी दूध संघांच्या बैठकीतही यावर चर्चा झाली. त्यात सहकारी दूध संघांच्या प्रतिनिधींनी दूध संघ आणि शेतकऱ्यांना सरकारकडून थेट अनुदान देण्याची मागणी केली. त्यानंतर आता खासगी दूध संघांनी अशा पद्धतीची बैठक घेऊन दुधाचा स्वतःचा दरच ठरवून टाकला आहे.

त्यानुसार आता २३ रुपये दरानुसार गाईच्या दुधाची खरेदी खासगी संघांकडून होणार आहे. अर्थात, खासगी दूध संघांवर शासनाची कोणतीच बंधने नाहीत. त्यामुळे त्यांना मोकळीक आहे; पण सहकारी संघांवर मात्र बंधने आहेत; पण खासगी संघाच्या या निर्णयानंतर सहकारी संघही त्याच मनःस्थितीत आहेत.

खासगी संघांना बंधन नाही
सध्या आमचा दर हा २७ रुपयेच आहे; पण दुधाची आवक आणि बाजारातील परिस्थिती याचा विचार करता, आम्हालाही काही निर्णय घ्यावा लागेल. दूध संस्थांना थेट अनुदान देण्याची मागणी आम्ही सरकारकडे केली आहे; पण अद्याप निर्णय झालेला नाही. खासगी संघांना बंधन नसल्याने ते निर्णय घेऊ शकतात, असे सोलापूर जिल्हा दूध संघांचे व्यवस्थापक संचालक सतीश मुळे यांनी सांगितले.

जीएसटीमुळेही अडचणीत
बाजारात दुधाला उठावच नाही, काय करणार? दुधाच्या प्रक्रियायुुक्त पदार्थांनाही मागणी कमी आहे. त्यात जीएसटीमुळेही आम्ही अडचणीत आलो आहोत. यापुढेही अशीच स्थिती राहिली, तर आणखी एखादा रुपया कमीही होऊ शकतो, असे दशरथ माने (सोनाई दूध संघ, इंदापूर, जि. पुणे) यांचे म्हणणे आहे.

इतर अॅग्रो विशेष
हमी नको, हवा रास्त भाव केंद्र सरकारने २०१८ चा अर्थसंकल्प सादर करताना...
राज्यात अधिकाधिक ‘सीड पार्क’...दर्जेदार बियाण्यांच्या संशोधनासाठी खासगी...
दीडपट हमीभाव : केंद्र सरकारचं लबाडाघरचं...केंद्र सरकार आकड्यांचा खेळ करून स्वतःच्या सोयीचा...
उत्पादन खर्च काढण्यात सरकारची चलाखीपुणे : केंद्र सरकार आपल्या सोयीचा उत्पादन...
किमान आधारभूत किमती कशा ठरवल्या जातात ? केंद्र सरकार दरवर्षी प्रमुख पिकांच्या किमान...
हमीभावाने साखर खरेदीसाठी हवी तरतूदराज्यातील साखर कारखान्यांमध्ये लाखो टन पोती साखर...
अर्थसंकल्प समजून घेताना..अर्थसंकल्प म्हणजे सरकारने आगामी आर्थिक वर्षातील...
कर, अनुदान, उत्पादन दर्जा या बाबींमध्ये...सूक्ष्मसिंचन प्रणालीने शेती उत्पादनात पर्यायाने...
गाळमुक्त धरण, गाळयुक्त शिवारला यावी...गाव विकासाचा आराखडा करताना पाणी केंद्रस्थानी...
शेतकरी उत्पादक संघांना 'स्टार्टअप'चा...राज्यातील शेतकरी उत्पादक संघांना स्टार्टअप...
मुबलक वीज; पण यंत्रणा अद्ययावत नाहीशेतकऱ्यांच्या दृष्टीने शासनाने जाहीर केलेल्या...
ग्रामविकासच्या अार्थिक तरतुदींत वाढ...राज्य शासनाच्या अर्थसंकल्पात ग्रामविकास विभागाचा...
सहकारातील त्रिस्तरीय बॅंकिंग व्यवस्थेला...राज्याच्या ग्रामीण अर्थव्यवस्थेत महत्त्वाची...
अवजार उद्योगाला अर्थसंकल्पात प्रोत्साहन...अवजार क्षेत्राबाबत अनेक महिन्यांपासून शासन...
दुग्ध व्यवसायासाठी हवा स्वतंत्र निधीगेल्या वर्षभरात दूध व्यवसाय मोठ्या संकटाला तोंड...
‘पोल्ट्री’च्या वाढीसाठी हवे ठोस सरकारी...दुष्काळी भागातील कोरडवाहू शेतकऱ्यांना उद्योजकतेची...
पीकसंरक्षणातील खर्च कमी करायला हवायवतवाळ जिल्ह्यात कीडनाशक विषबाधेची जी गंभीर घटना...
राज्याचाही पिकांना दीडपट हमीभाव?मुंबई : आगामी निवडणुका डोळ्यासमोर ठेवून राज्यातील...
केवळ विदर्भातच थंडीपुणे : हवेतील आर्द्रता कमी होऊ लागली आहे....
शेतीमाल मूल्यसाखळी मजबुतीसाठी ठोस धोरण...शेतीमालाचे उत्पादन, काढणीपश्चात तंत्रज्ञान आणि...