agriculture news in marathi, milk purchase stop agitation by coopretive milk fedretion | Agrowon

खरेदी बंद आंदोलन दूध संघांकडून मागे
टीम अॅग्रोवन
गुरुवार, 30 नोव्हेंबर 2017

पुणे : राज्यातील सहकारी दूध संघांवर बरखास्तीची सुरू केलेली कारवाई तूर्त केली जाणार नाही, असे आश्वासन राज्य सरकारने दिले आहे. यामुळे दूध संघांचे एक डिसेंबरपासून होणारे बेमुदत दूध खरेदी बंद आंदोलनदेखील मागे घेण्यात आले आहे.

राज्यातील दूध उत्पादक शेतकऱ्यांना गायीच्या दुधासाठी २७ रुपये, तर म्हशीच्या दुधासाठी प्रतिलिटर ३६ रुपये दर द्यावा, असे आदेश दुग्धविकास खात्याने काढले होते. या नव्या दराप्रमाणे दुधाची खरेदी न करणाऱ्या संघांना शासनाने बरखास्तीच्या नोटिसा बजावल्या होत्या.

पुणे : राज्यातील सहकारी दूध संघांवर बरखास्तीची सुरू केलेली कारवाई तूर्त केली जाणार नाही, असे आश्वासन राज्य सरकारने दिले आहे. यामुळे दूध संघांचे एक डिसेंबरपासून होणारे बेमुदत दूध खरेदी बंद आंदोलनदेखील मागे घेण्यात आले आहे.

राज्यातील दूध उत्पादक शेतकऱ्यांना गायीच्या दुधासाठी २७ रुपये, तर म्हशीच्या दुधासाठी प्रतिलिटर ३६ रुपये दर द्यावा, असे आदेश दुग्धविकास खात्याने काढले होते. या नव्या दराप्रमाणे दुधाची खरेदी न करणाऱ्या संघांना शासनाने बरखास्तीच्या नोटिसा बजावल्या होत्या.

दुधाचे जादा उत्पादन आणि पावडरचे कोसळलेले बाजारभाव यामुळे दुध संघांना सुधारित दर देता येत नाही. त्यामुळे बरखास्तीची कारवाई अयोग्य असून, पुढील कारवाई स्थगित न केल्यास एक डिसेंबरपासून राज्यस्तरीय दूध खरेदी बंद आंदोलन अटळ राहील, असा इशारा खासगी व सहकारी दूध संघांनी दिला होता.

दूध उत्पादक व प्रक्रिया व्यावसायिक कल्याणकारी संघाचे अध्यक्ष विनायक पाटील यांनी सांगितले, की सुधारित दर देत नसल्याच्या कारणावरून राज्य शासनाने दूध संघांना सहकार कायद्याच्या कलम ७९अ प्रमाणे नोटिसा दिल्या. यात कात्रज, वारणा, गोकुळ, राजहंससहित १५ संघांचा समावेश आहे. याबाबत औरंगाबादला मंगळवारी झालेल्या बैठकीत दुग्धविकासमंत्री महादेव जानकर यांना वस्तुस्थिती समजावून सांगण्यात आली.

' ७९अ प्रमाणे नोटिसा बजावल्या असल्या तरी पुढील कारवाई केली जाणार नाही. तसेच राज्यातील दुग्ध व्यवसायाबाबत असलेल्या समस्यांबाबत त्रिसदस्यीय समितीदेखील स्थापन करण्यात आली आहे. या समितीचा अहवाल आल्यानंतर उपाय केले जातील, असे आश्वासन मंत्री जानकर यांनी दिले. यामुळे आम्ही एक डिसेंबरपासून सुरू होणारे आंदोलन स्थगित केले आहे, असे श्री. पाटील यांनी स्पष्ट केले.

सूत्रांच्या म्हणण्यानुसार, दूध संघ व राज्य शासनामध्ये तयार झालेला तिढा सोडविण्यासाठी औरंगाबादमध्ये चर्चा घडवून आणण्यासाठी विधानसभेचे अध्यक्ष हरिभाऊ बागडे यांनी पुढाकार घेतला. मंत्री जानकर यांनीदेखील या वेळी झालेल्या चर्चेत दुग्धविकास मंत्रालयाच्या वतीने लवचिक भूमिका घेण्याची तयारी दाखविली.

दूध उत्पादक व प्रक्रिया व्यावसायिक कल्याणकारी संघाच्या वतीने अध्यक्ष पाटील, उपाध्यक्ष गोपाळराव म्हस्के यांच्यासह रणजित मोहिते पाटील, महानंदचे उपाध्यक्ष डी. के. पवार, पुणे दूध संघाचे अध्यक्ष विष्णू हिंगे, कार्यकारी संचालक डॉ. विवेक क्षीरसागर, बारामती दूध संघाचे अध्यक्ष संदीप जगताप यांनी या वेळी चर्चेत भाग घेतला.

इतर अॅग्रो विशेष
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
दर्जेदार ऊसबेण्याची केली निर्मिती काशीळ (ता. जि. सातारा) येथील उच्चशिक्षित व...
मतदानासाठी सकाळी सात ते सायंकाळी...अकोला ः देशात होत असलेल्या लोकसभा...
कोकणातील आंबा अडकला धुक्याच्‍या फेऱ्यातवेंगुर्ले, जि. सिंधुदुर्ग : ऐन हंगामातच कोकणातील...
विदर्भात वादळी पावसाची शक्यतापुणे : मध्य भारतात होत असलेल्या वाऱ्यांच्या...
हळदीचे दिवसातून दोन वेळा सौदेसांगली ः सांगली बाजार समितीत गेल्या दोन ते...
पदविकाधारकांना कृषिसेवेचे दरवाजे बंद... पुणे : राज्याच्या शेतकरी कुटुंबातील हजारो...
सर्वसामान्यांचा असामान्य नेतामाजी संरक्षणमंत्री आणि गोव्याचे मुख्यमंत्री मनोहर...
सर्जनशीलतेला सलाम!व र्ष २०१७ च्या खरीप हंगामात कापसावर फवारणी...
प्राणघातक हृदयरोगाचे प्रमाण होतेय कमीगेल्या दोन वर्षामध्ये हृदयरोगाला प्रतिबंध आणि...
अन्नत्याग आंदोलनास प्रारंभ : अमर हबीब,...नवी दिल्ली : शेतकरी आत्महत्यांप्रती सहवेदना आणि...
मच्छीमारी व्यवसायाने आणली समृद्धीगणित विषयात पदवी असूनही बेरोजगार राहणं नशिबी आलं...
काबुली हरभऱ्याने उंचावले अर्थकारण चोपडा तालुक्‍यातील (जि. जळगाव) तापी व अनेर...
जत तालुक्यात द्राक्ष, डाळिंब बागा...सांगली : जत तालुक्यात पश्‍चिम भाग वगळता...
प्रकल्प व्यवस्थापकावर कारवाईचे आदेशपुणे : एकात्मिक पाणलोट व्यवस्थापन...
सहवेदना :आज अन्नत्याग आंदोलनयवतमाळ: शेतकरी साहेबराव करपे व कुटुंबीयांप्रति...
उन्हाची काहिली वाढलीपुणे: राज्यात गेल्या काही दिवसांपासून उन्हाची...