खानदेशात बाजरी मळणीवर

खानदेशात बाजरी मळणीवर
खानदेशात बाजरी मळणीवर

जळगाव : खानदेशात बाजरी पीक मळणीवर आले आहे. आगामी आठवड्यात शिरपूर, जळगाव, चोपडा, शिंदखेडा भागांत पिकाची कापणी, कणसे गोळा करण्याचे काम शेतांमध्ये सुरू होईल, असे चित्र आहे. 

बाजरीची खानदेशात सुमारे १५ ते १६ हजार हेक्‍टरवर पेरणी झाल्याचा अंदाज आहे. खानदेशातील बाजरीचे क्षेत्र मागील दोन-तीन हंगामांच्या तुलनेत अधिक असल्याचे सांगितले जात आहे. 

बाजरीची पेरणी धुळे जिल्ह्यात शिंदखेडा, धुळे तालुक्‍यात खरिपात अधिक केली जाते. रब्बी हंगामात हरभरा, दादर (ज्वारी) यांना पसंती दिली जाते. परंतु, या हंगामात अमेरिकन लष्करी अळीच्या भीतीने अनेक शेतकऱ्यांनी संकरित ज्वारी, मका पेरणी टाळली. तीन महिन्यांचे हे पीक असल्याने जानेवारीत पेरणी केलेल्या पिकाची मळणी एप्रिलच्या पहिल्या किंवा दुसऱ्या आठवड्यात सुरू होईल. 

मळणीचे दर २०० रुपये प्रतिक्विंटल आहेत. कापणी व कणसे गोळा करण्यासाठी एकरी १५०० रुपये दर आहे. अनेक ठिकाणी पीक जोमात होते. बाजरीचे पीक हलक्‍या जमिनीतही चार - पाच वेळेस सिंचन करून बऱ्यापैकी मिळते. चारा व घरात खायला धान्यही मिळते. त्यामुळे बाजरीकडे अनेक शेतकरी वळले. शिरपूर, चोपडा, जळगाव, यावल, पाचोरा, शहादा व शिंदखेडामधील तापी, गिरणा, पांझरा नदीकाठावर बाजरीची पेरणी बऱ्यापैकी झाली. शिरपूर, जळगाव, चोपडा व शिंदखेडा भागांत अनेक शेतकऱ्यांनी आगाप पेरणी केली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com